Piriven Books

රූපසිද්ධි ප‍්‍රමොදිනි - පාලි රූපසිද්ධි මහා ව්‍යාකරණ ග‍්‍රන්ථය පරිශීලනයෙහි නියුක්ත ආධුනිකයනට ඇතිවන ගැහැට දුරලීමවස් සම්පාදිත රූපසිද්ධි ප‍්‍රමොදිනී ග‍්‍රන්ථයෙහි දෙවන කාණ්ඩය මෙයයි. මෙම ග‍්‍රන්ථය මගින් පාලි ව්‍යාකරණාවබෝධයට සරල මාර්ගයක් ලබාදෙනු ලබන අතර පිරිවෙන් අධ්‍යාපනයේදී ද ආවශ්‍යක ග‍්‍රන්ථයක් ද වේ. 

භක්ති ශතකය - මෙම කෘතිය නාගර පෙළ, පදගතාර්ථ, ව්‍යාකරණ විභාග සහිතව සම්පාදනය කර ඇති අතර ශිෂ්‍යයන්ගේ ප‍්‍රයෝජනය සදහා බෞද්ධ ශතකය පිළිබද ප‍්‍රස්තාවනාවකින් ද යුක්ත වන්නේය.

සංස්කෘත පාඨමාලා 04 - මෙම ගද්‍ය, පද්‍ය සංග‍්‍රහය සංස්කෘත හදාරණ නවකයන්, ආධුනිකයන් වෙනුවෙන් සම්පාදිතය. 

සංස්කෘත පාඨමාලා 05 - මෙම ගද්‍ය, පද්‍ය සංග‍්‍රහය සංස්කෘත හදාරණ නවකයන්, ආධුනිකයන් වෙනුවෙන් සම්පාදිතය. 

අභිඥාන ශාකුන්තල නාටකය - මහා කවි කාලිදාසයන්ගේ විශිෂ්ඨතම කෘතියවන අභිඥානශාකුන්තල නාටකය සංස්කෘත සාහිත්‍යයේ මුදුන් මල් කඩ ලෙස සැලකෙන අතර ඒ හා සමකල හැකි නාට්‍යය රසයෙන් යුත් විශ්ව නාට්‍ය කෘති ඇත්තේ ඉතා අල්පයකි. වෝල්ටර් මාරසිංහයන්ගේ අභිඥානශාකුන්තල කෘතිය නාට්‍යමය ගුණයත් කාව්‍යමය ගුණයත් ඉස්මතු වන ලෙස කරන ලද පරිවර්තනයකි. 

සංස්කෘත ඛණ්ඩ කාව්‍යය - අ.පො.ස. උසස් පෙළ සංස්කෘත විෂය හදාරණ ශිෂ්‍යයන්ගේ තත් ක්ෂේත‍්‍ර පිළිබද දැනුම හා අවබෝධය ලබාගැනීමට පහසුවක් වන පරිදි මෙම අතිරේක පාඨ ග‍්‍රන්ථය සම්පාදනය කර ඇත.

සංස්කෘත නාට්‍ය සාහිත්‍යය - සංස්කෘත පෙළ සන්නය මෙන්ම ඊළගට ඒ ඒ ග‍්‍රන්ථ පිළිබද ප‍්‍රාමාණික විස්තරයක් ලියා ඇත. ඒ අනුව පෙළ සන්නය ග‍්‍රන්ථය විමසීම යන මේ කාරණා තුන යටතේ මෙම ග‍්‍රන්ථය සම්පාදනය කර ඇත.

නූතන පද්‍ය සංග‍්‍රහය - අධ්‍යයන පොදු සහතික පත‍්‍ර උසස් පෙළ විභාගයෙහි සිංහල විෂයයට නියමිත පද්‍ය පන්ති එක් ග‍්‍රන්ථයකට සංගෘහිත කර ඇති මෙම කෘතිය කවිය හා එහි ස්වභාවයත්, සිංහල කවියේ ගමන් මගත් පිළිබද දැනගත යුතු කරුණු රැසක් සම්පිණ්ඩනය කෙරෙමින් සම්පාදිත ප‍්‍රස්තාවනාවක් එක් කර ඇති අතර, නිර්දේශිත එක් එක් පැදි පෙළෙහි රචකයා පිළිබද සැකෙවින් සටහනක් ඔවුන්ගේ සේයාරූ ද සහිතව ඒ ඒ නිර්මාණයට පෙරටුව දක්වා ඇත.

සිංහල ව්‍යාකරණ පද නීතිය - මෙම ග‍්‍රන්ථය සිංහල පාඨශාලාවන්හි පාඨනය කරවතොත් ඉතා ස්වල්ප කාලයකදී පහසුවෙන් සිංහල ව්‍යාකරණ ශිෂ්‍යයන්ට ඉගැන්විය හැකි වෙයි. මෙය ඉංග‍්‍රීසි ඉගෙන බුද්ධිමත් වූ සිංහල තරුණයන්ට ගුරූපදේශ රහිතවම ව්‍යාකරණ අවබෝධ කරගත හැකි වන සේ ශිථීල භාෂාවෙන් ගළපන ලද්දකි. 

සිංහල ගී කාව්‍යය කෙරෙහි සංස්කෘත අලංකාර ශාස්ත‍්‍රයේ බලපෑම - සංස්කෘත අලංකාර ශාස්ත‍්‍රයේ මූලධර්ම පිළිබද දීර්ඝ ප‍්‍රස්ථාවනාවකින් සමන්විත පුරාතන සිංහල කාව්‍යය කෙරේ අලංකාර ශාස්ත‍්‍රයේ බලපෑම පිළිබද සවිස්තර හා විචක්ෂණ අධ්‍යයනයක් වන මෙම කෘතිය සම්භාව්‍ය සිංහල සාහිත්‍යය හදාරන්නවන්ගේ අමන්දානන්දයට හේතු වනු ඇත.

සංස්කෘත කෝෂ සාහිත්‍යය - කෝෂකරණය හා භාෂාධ්‍යයනය ගැන ඇල්මක් ඇති ශාස්ත‍්‍රාභිලාෂීන්හට ද සංස්කෘත සාහිත්‍යයේ විශේෂ ලක්ෂණ පිළිබද අවබෝධයක් ලබාගනු රිසි සාහිත්‍යකාමීන් හට ද බෙහෙවින් ප‍්‍රයෝජනවත් වියහැකි කරුණු ඇතුළත් අගනා කෘතියකි.

මහාවංසො (ඡුට්ඨො පරිච්ඡෙදො) - සීහලට්ඨකථා මහාවංසය ඇසුරු කොට පාලි පද්‍යයෙන් විරචිත මෙම කෘතිය ජාතික හා ශාසනික ඉතිහාසය මතුකර ගැනීමෙහිලා පමණක් නොව භාෂාඥානය හා සාහිත්‍යඥානය දියුණු කරගැනීමට ද උපකාරී වන්නකි. එහි සයවන පරිච්ඡ්දය පිරිවෙන් අධ්‍යාපනය ලබන ශිෂ්‍ය භික්ෂූන්ගේ අධ්‍යනයට නියමිත ව ඇති හෙයින් එම පරිච්ඡ්දය මෙලෙස පදගතාර්ථ, භාවාර්ථ, ව්‍යාකරණ විවරණ හා ගැටපද විවරණයකින් යුක්තව ඉදිරිපත් කරන්නට යෙදුණේ පිරිවෙන් අවසාන විභාගයට සූදානම් වන ශිෂ්‍ය භික්ෂූන් වහන්සේලාට අත්වැලක් සැපයීම අරමුණු කොටගෙනය.  

චිරන්තන ගද්‍ය සංග්‍රහය - පාඨ ග්‍රන්ථයක් ලෙස පිරිවෙන් ශිෂ්‍ය අධ්‍යාපනය සදහා සකස් කර ඇති මෙම ග්‍රන්ථය ගිහි පැවිදි දෙපක්ෂයේම ආගමික ළැදියාවත් සාහිත්‍යමය රසවින්දනයත් ඉහළ නැංවීම සදහා මහෝපකාරී වනු ඇත.

සංස්කෘත සාහිත්‍යය ඉතිහාසය - වෛදික සංස්කෘතයේ සෘග්වේද යුගයේ පටන් ලෞකික සංස්කෘතය හා බෞද්ධ සංස්කෘතයේ පසුකාලීනව වැඞීගිය විෂය ක්‍ෂෙත‍්‍ර අළලා මෙකී ග‍්‍රන්ථය රචනා කර ඇත.

පාලි පාඨ සරණිය - මෙහි පදගතාර්ථය, සරල අදහස ව්‍යාකරණ විභාග ආදී විෂය මූලික කරුණු පිළිබද විශේෂ අවධානයක් යොමු කරමින් 2017 වසරේ සිට ක‍්‍රියාත්මක අ.පො.ස. උසස් පෙළ (පාලි විෂය) නව නිර්දේශයට අනුව සම්පාදනය කර ඇත.

සත්‍යසඞිග‍්‍රහය - මෙය චතුරාර්යය සත්‍යය පිළිබද දැනගනු කැමැත්තන්ගේ ප‍්‍රයෝජනය අරමුණු කොට සම්පාදනය වූවකි. මජ්ක්‍ධිම නිකායේ සච්චවිභංග සූත‍්‍රය මූලාශ‍්‍රය කොටගෙන විසුද්ධිමග්ග ආදී අට්ඨකථා ආශ‍්‍රයෙන් චතුරාර්‍යය සත්‍යය පිළිබද පූර්ණ විග‍්‍රහයක් මෙහි ඇතුළත් වේ.

සද්දසාරත්ථජාලිනී - ”සද්දසාරත්ථජාලිනී” යනු පාලි භාෂාව විෂයෙහි රචනා වූ පැරැණි ව්‍යාකරණ ග‍්‍රන්ථයකි.

ප‍්‍රාකෘත නාම වරනැගිල්ල - පාලි භාෂා අධ්‍යයනයට අමතර අර්ධමාගධී, මහාරාෂ්ටී වැනි අනෙකුත් ප‍්‍රාකෘත භාෂා අධ්‍යයනයෙහි යෙදෙන විද්‍යාර්ථීන් වෙත ප‍්‍රධානය කරනු ලබන මහඟු ත්‍යාගයක් ලෙස මෙම කෘතිය හැදින්විය හැකිය. 

පද්‍ය චූඩාමණී - ත‍්‍රිපිටක සාහිත්‍යයේ ද ලිලත විස්තරයේ ද අශ්වඝෝෂ ස්ථවිරපාදයන් විසින් රචිත බුද්ධ චරිතයේ ද එන තොරතුරු මූලාශ‍්‍රය කොටගෙන සම්පාදිත කෘතියකැයි සැලකෙන පද්‍ය චූඩාමණී මහාකාව්‍යය බුද්ධඝෝෂාචාර්යයන් විසින් බුද්ධ චරිතය කාව්‍යමය නිර්මාණයක් ලෙස අනෙකුත් කාව්‍යය නිර්මාණයන් අතර චූඩාමාණික්‍යයක් සේ විරාජමාන වනු ඇතැයි විශ්වාසයෙන් මෙම කෘතිය නිර්මාණය කොට ඇත. 

සංස්කෘත ශික්ෂා සංග‍්‍රහය හා අර්ථ ව්‍යාඛ්‍යාව - පිරිවෙන් පාඨමාලා, උසස් පෙළ පාඨමාලා, ප‍්‍රාචීන පණ්ඩිත, ප‍්‍රාරම්භ මධ්‍යම හා උපාධි පාඨමාලා, ආයුර්වේද පාඨමාලා, විශ්ව විද්‍යාල පාඨමාලා, ජ්‍යොතිෂ පාඨමාලා ආදිය සදහා සංස්කෘත භාෂාව හැදෑරීමෙහි නිරත විද්‍යාරිථීන්හට මේ කෘතියෙන් නොමද ප‍්‍රයෝජන ලැබිය හැකිය.  

සංස්කෘත ප‍්‍රවේශ ගද්‍ය - පද්‍යාවලී III - සංස්කෘත ක්ෂේත‍්‍රයේ පෘථුල බව පිළිබද අදහසක් ඇති කර ගැනීමටත් ඒ ඒ අංශ පිළිබද මූලික කරුණු අවබෝධයක් ලබා ගැනීමටත් අරමුණු කොට සම්පාදනය කළ මෙම කෘතිය ප‍්‍රාචීන විභාග හා වෙනත් උසස් විභාගයන්ට පෙනී සිටින විද්‍යාර්ථීන්හට මහත් සේ ප‍්‍රයෝජනවත් වනු ඇත.

වෛරාග්‍යශතකය - කම් සුවයට ඇබ්බැහි වීමේ මුග්ධ භාවයත්, නිස්සාර භාවයත්, අභිනිෂ්ක‍්‍රමණයේ ශ්‍රේෂ්ඨත්වයත් හුවා දක්වන අග‍්‍රගණ්‍ය උපදේශ කාව්‍යයක් ලෙස මෙය හැදින්විය හැක.

සංස්කෘත සාහිත්‍ය ප්‍රවේශය - මානව වංශකථාවේ සාහිත්‍යමය වශයෙන් ඉතා පැරණිතම සාහිත්‍යය වන්නේ සංස්කෘත සාහිත්‍යයි. සංස්කෘත සාහිත්‍යය ඇති අග්‍රගණ්‍යම කොටස් පිළිබඳව මනා වැටහීමක් ලබාගැනීමට හැකිවන පරිදි ඒ පිළිබඳව උනන්දුවන සියලු දෙනාටම සරලව හා සාහිත්‍යය රසය විඳීමට හැකි ලෙස පණ්ඩිත කුමාරදාස මුණසිංහයන් විසින් සංස්කෘත සාහිත්‍ය ප්‍රවේශය රචනා කර ඇත.

English For Pirivena Students (Year 1, 2, 3 & 4) - The author's approach is to provide a series of essays relating to Sri Lanka's history, culture and Buddhism together with the achievements of national heroes. The language practices provided at the end of each section have been structured with a view to assisting the student in familiaring themselves with the various sentence patterns and rules of grammar. The students learn English in lively situations. That the sentence is the starting in learning English is the concept followed.