Home

Sort by:

View

There are 5331 products.

Out-of-Stock

Deva Withthi Sahitha Kolmura Kavi

Out-of-Stock

දිගු කලක සිට මෙරට භාවිත වන, දෙවියන් පිළිබඳ කවි එක් රැස් කොට තනි පොතක් වශයෙන් අද ඔබ අතට පමුණුවන මෙම කෘතිය. රුහුණු මාගම් පුර පෙදෙසේත්, සබරගමු පළාතේ හා නුවර ගම්පොළ ආදි පළාත් වලත් භාවිත වන දේව කවි රැසක එකතුවක් ලෙස හැදින්විය හැකිය.

Rs 820.00

Details View details

Budu Rajanan Wahansege Luhundu Dharma Deshana

''බුදු රජාණන් වහන්සේ ලුහුඩු ධර්ම දේශනා දම් සභා මණ්ඩපය'' යන මෙම කෘතිය තුළ බුදු පියාණන් වහන්සේගේ සතර අකාරවන ධම්ම දේශනා ක්‍රමවේදය තුළින් මහ රහතන් වහන්සේලාට මෙන්ම ගිහි සැදැහැවතුන් හටද ධර්මය දේශනා කර දැහැමි මාර්ගයට ගත් අකාරය සදහන් වන අතර මෑත කාලීන සමාජයේ සියලු දෙනා හටද ඉතා වටිනා කෘතියක් ලෙස හැදින්විය හැකිය.

Rs 649.00

Patichcha Samuppadaya Manasa Pilibada Wishleshanayak

පටිච්ච සමුප්පාදය මනස පිළිබද විශ්ලේෂණයක් යන මෙම කෘතිය වසර පහළොවක පමණ කාලයක සිට භාවනාවෙහි යෙදී අත්දැකීම් ලබාගෙන සිටින නිමල් ප්‍රනාන්දු මහතා විසින් රචනාකර ඇති අතර එය සත්වයකුගේ භවාන්තර උත්පත්තිය සංසාරික පැවැත්ම ධර්මාවබෝධය හා නිර්වාණවබෝධය පිළිබදව විස්තර කරයි.නොයෙකුත් කරුණු සංයෝජනය වීමෙන් මුළු විශ්වධාතුවම ඇතුළුව එහි තුළ අන්තර්ගත සියලු වස්තූන්හි හටගැන්ම,පැවැත්ම අභාවයටපත්වීම හා නැවත හට ගැන්ම සිදුවන බවත් මේ චක්‍රයෙන් මිදී යා හැකි බවත් ඒ සදහා මාර්ගයයක් පවත්නා බවත් ධර්මයෙහි විග්‍රහ වේ.
මෙම ග්‍රන්ථයේ කර්තෘ නිමල් ප්‍රනාන්දු මහතා පටිච්ච සමුප්පාදය තුළින් සිත පිළිබද විශ්ලේෂණයක් මෙහි ඉදිරිපත් කර ඇත. පටිච්ච සමුප්පාදය පිළිබදව ගැඹුරු අවබෝධයක් නොමැති අයට වුවද ඒ පිළිබදව ක්‍රමානුකූල අවබෝධයක් ලබා ගැනීමට පිටුවහලක් වන ග්‍රන්ථයක් ලෙස හැදින්විය හැකිය.

Rs 1,050.00

Budu Dahame Meda Mawatha Hewath Samathulithatha Muladharmaya

සබ්බමතථිතිබෝ කච්චායන අයම්කෝ අනෙතා සබ්බනතථිබො අයං අනේතා, එතේ බෝ කච්ජායන, උභෝ අන්තේ අනුපගම්ම තථාගතෝ ධම්මං දේසෙති.
කච්චායනය ! සියල්ල ඇතැයි යන දැකීම එක් අන්තයකි. සියල්ල නැතැයි යන දැකීම දෙවන අන්තයයි. කච්චායනය ! මෙම අන්ත දෙකටම නොපැමිණ තතාගතයන් මධ්‍යම මාර්ගයෙන් ධර්මය දෙශනා කරන්නේය.
'බුදුරජාණන් වහන්සේ'

Rs 413.00

Out-of-Stock

Nirvana Prathipadava

Out-of-Stock

පූජ්‍ය මොරටුවේ ගුණරතන හිමියන් විසින් රචනා කරන ලද ''නිර්වාණ ප්‍රතිපදාව'' නම් මෙම කෘතිය බුදුන් වහන්සේගේ දේශනාවන්හි සදහන් දහම් කරුණු සියලු බෞද්ධ ශ්‍රාවකයන් හට තේරුම් ගැනීමට පහසු ආකාරයෙන් රචනා කරණ ලද ඉතා වටිනා කෘතියක් ලෙස හැදින්විය හැකිය.

Rs 826.00

Details View details

Sinhala Sahithya Yata Sidu Wu Wideshiya Balapama

මෙම කෘතිය මඟින් 16 වන සියවසේ පෘතුගීසි ආක්‍රමණයේ සිට 17 වන සියවසේ ලන්දේසි බලපෑම දක්වා වූ කාලපරිච්ඡේදය තුළ සිංහල සාහිත්‍යය ලත් නව මුහුණුවර විග්‍රහ කෙරේ. කෝට්ටේ යුගයේ පරිහානියත් සමඟ සාම්ප්‍රදායික සාහිත්‍ය රටාවෙන් බැහැරව, බටහිර ආගමික, සංස්කෘතික සහ භාෂාමය බලපෑම් සිංහල ලේඛන කලාවට හා ජන විඥානයට කාන්දු වූ ආකාරය මෙහිදී මූලිකව සාකච්ඡා වේ.
විශේෂයෙන් පෘතුගීසි ආභාසයෙන් බිහි වූ ක්‍රිස්තියානි සාහිත්‍යය, සිංහල භාෂාවට එක් වූ පෘතුගීසි වචන සහ මහනුවර යුගයේ මුල් අවධියේ ඇති වූ සංස්කෘතික සංකලනයන් පිළිබඳ මෙහිදී සියුම් අධ්‍යයනයක් සිදු කර ඇත. සාම්ප්‍රදායික ගද්‍ය පද්‍ය සම්ප්‍රදාය විදේශීය බලපෑම් හමුවේ වෙනස් වූ ආකාරය සහ අභියෝගයට ලක් වූ ආකාරය අවබෝධ කර ගැනීමට මෙය කදිම මඟ පෙන්වීමකි.

Rs 1,500.00

Sinhala Anuvada Sahitha Bahiranidhanavannana

සමන්තපාසාදිකා නම් වූ විනයමහා අටුවාවට අයත් බාහිරනිදනවණණනාව 1954-55 වර්ෂයන්හි (ඉංග්‍රිසී-සිංහල ) පොදු සහතික පත්‍ර විභාග වලට නියතව තිබූ අතර පසුව මෙය සම්පාදන කරන ලද්දේ කොස්ගොඩ ධම්මවංස ස්ථවීරයන් වහන්සේ සහ පණ්ඩිත තලල්ලේ ධමමානන්ද ස්ථවීරයන් වහන්සේ විසිනි.

Rs 885.00

Obath Kamathida Sathuten Inna

මුදල් ඉපයීම, ඉඩ කඩම්, ගේදොර, යාන වාහන ගැනීම්, ප්‍රිය සම්භාෂණ්යය, ගෞරව ලැබීම, බලය ලැබීම ආදී සියලුම දේවල් වලින් මිනිසා බලාපොරොත්තු වන්නේ සතුරින් ජීවිතය පවත්වාගෙන යාමය. එහෙත් සතුට ඇත්තේ එතැනද? මේ සියල්ලටම වඩා ලාභදායී ලෙස සතුරු ළඟා කරගැනීමේ ක්‍රමවේදය මෙහි කතුවරයා පෙන්වා දෙන්නයන් ඉතා සරල පැහැදිලි කිර්ම් මගිනි. මෙහි භාෂාව හසුරුවා ඇත්තේ ඕනෑම කෙනෙකුට පහසුවෙන් කරුණු ග්‍රහණය කර ගැනීමට හැකිවන පරිද්දෙනි.මීට පෙර නොයෙක් ක්ෂේත්‍රයන් කිහිපයක් සම්බන්ධව පොත් ගණනාවක් රචනා කර ඇති මෙහි කතුවරයා පළපුරුදු වෛද්‍යවරයෙකු මෙන්ම මනෝ විද්‍යාව සම්බන්ධ දාර්ශනිකයෙකි. එමෙන්ම ඔහු ශ්‍රී ලංකාවේ ප්‍රවීණ ලේඛක පරපුරකින්ද පැවත එන්නෙකි. ඔහු ලියා ඇති සියලුම පොත් කියවා ඇති මට හැඟී ගියේ ඒ හැම එකක්ම මාගේ ජීවිතයේ යම් යහපත් විපර්යාසයක් ඇති කිරීමට සමත් වූ බව ය.
ඔබත් කැමැතිද සතුටෙන් ඉන්න නමැති මේ පොත කියවීමෙන් ද මාගේ ජීවිතයේ විශාල යහපත් පරිවර්තනයක් වූ බව කිව හැක.

චිත්‍රාල් ගමගේ
කර්තෘ සන්නස පුවත්පත
ඕස්ට්‍රේලියාව

Rs 2,100.00

Saddharmadhara

ශ්‍රී සම්බුද්ධ මෙහෙයුම් පුණ්‍ය භාරයේ පණිවිඩය...
ත්‍රෙෙලෝකනාථ සම්මා සම්බුදුරජාණන් වහන්සේගේ ශ්‍රී මුඛයෙන් වදාළා වූ උතුම් සම්බුදු වදන කමටහන් කෙරෙනා ''සද්ධර්මධාරා භාවනා වැඩසටහන'' සඳහා යෝගියෙකු ලෙස හෝ පාඨකයෙකු ලෙසින් ඔබ හා සම්බන්ධ වන්නේ භක්ති පූර්වකවය. අතිපූජනීය බම්බලපිටියේ ඤාණාලෝක හිමිපාණන්ගේ උපදේශකත්වය හා අනුශාසකත්වය පරිදි මෙම සද්ධර්මධාරා තෝරාගත් සූත්‍ර දේශනා සංග්‍රහය සම්පාදනය කෙරිණි.
උතුම් සම්බුද්ධ භාෂිතය ප්‍රායෝගික පදනමක් මත පිහිටා ඉදිරිපත් කෙරෙන මෙම තෝරාගත් සූත්‍රගත දේශනාවන් උපයෝගී කරගනිමින් යෝගියෙකු ලෙස ආර්ය මාර්ගය හා සම්බන්ධ වන ඔබ සැබෑ බුදු වදනින් ආලෝකවත් වනු ඇත. න්‍යායාත්මක කරුණු ඇසුරු කරගනිමින් මෙන්ම භාවනා අත්දැකීම් තමා තුළින් ම ළඟා කර ගැනීමට අවස්ථාව ඔබට උදාවනු ඇත. ශ්‍රද්ධා ඉන්ද්‍රිය සහ ශීලය හා තපස, බල ධර්මයන් වශයෙන් දියුණු කර ගන්නා අතරෙහි සද්ධර්මධාරා තෝරාගත් සූත්‍ර දේශනා ග්‍රන්ථය ඇසුරු කරන ඔබ ධර්ම මාර්ගයෙහි උපරිම ඵල අත්විඳිනු දැකීම අපගේ විශ්වාසයයි.

Rs 1,950.00

Ratana Sutta

A detailed description of one of the most used suttas by ven.Balangoda Dhammananda

Rs 420.00

Ahalepolage jeewitha kathawa

ශ්‍රී ලාංකේය ඉතිහාසයේ අවසාන රාජාණ්ඩු සමය දෙදරුම් කළ ප්‍රබලම චරිතය ඇහැලෙපොළ මහා අදිකාරම්ය. සෙංකඩගල රාජධානියේ බලය සහ ඉංග්‍රීසි ආක්‍රමණිකයන්ගේ කූටෝපායන් මැද දෝලනය වූ ඔහුගේ ජීවිතය, වීරත්වයේත් ශෝකාන්තයේත් අසමසම එකතුවකි.ශ්‍රී වික්‍රම රාජසිංහ රජු සමඟ ඇති වූ ගැටුම හමුවේ, ඇහැලෙපොළ කුමාරිහාමි සහ දරුවන් මුහුණ දුන් අතිශය අමානුෂික ඛේදනීය ඉරණම සිංහල ඉතිහාසයේ නොමැකෙන කැළලකි. බලය උදෙසා රට පාවා දුන් ද්‍රෝහියෙකු ද? නැතහොත් කෲර පාලනයකට එරෙහි වූ විප්ලවවාදියෙකු ද?
1815 උඩරට ගිවිසුම හරහා රාජධානි පෙරළියට මඟ පෑදූ ඔහුගේ භූමිකාවත්, පසුව ඉංග්‍රීසින් අතින්ම සිරකරුවෙකු වී මොරිෂස් දූපතේදී අවසන් හුස්ම හෙළීමට සිදු වූ ඉරණමත් මෙම කෘතියෙන් විමර්ශනය කෙරේ. ඉතිහාසයේ සැඟවුණු සත්‍ය සොයා යන පාඨකයාට මෙය අගනා අත්දැකීමකි.

Rs 1,200.00

Out-of-Stock

Jathaka Pothen Helivana Darshanika Wigrahaya

Out-of-Stock

ජාතක පොත සම්බන්ධ විවිධ ප්‍රස්තුත විවරණය වී ඇත්තේ නමුත්, මෙම ග්‍රන්ථය නවමු ප්‍රවේශයක් සහිත දාර්ශනික විග්‍රහයක් බැව් ග්‍රන්ථය නිරික්ෂණය කිරීමෙන් පැහැදිලි වේ. එය මනාව සනාත වන්නේ, ප්‍රස්තුත මාතෘතා සියල්ලෙහි අවසානයේ දී නිගමනය හැඳින්වීම තුළඳීම සනාථ කොට ඇති හෙයිනි. මෙම පුස්තුත විග්‍රහය එතෙක් මෙහෙන් සාකච්ඡාවට භාජනය නොවූ උපන්‍යාශයක් බැව් ද සිහිපත් කරම්.ජාතක පොත හුදු ග්‍රන්ථයක් නොවන බවත්, දාර්ශනික ව්‍යුහයකින් සමුහනය වී ඇති බවත් මෙම ග්‍රන්ථයේ ප්‍රස්තුත මාතෘකා තුළින් මනාව සනාථ වෙයි. සැම පුස්තුන මාතෘකාවක් ම නිරික්ෂණ, පරික්ෂය හා සාධක කරුණු අනුව සනාථ කරන ලද උපන්‍යාශ බැව් මනාව පැහැදිලිය. එබැවින්, කියවීම කියවීමට, උචිත ග්‍රන්ථයක් ලෙස මෙම ග්‍රන්ථය සඳහන් කරමි.
කතුවරයා ඉදිරිපත් කොට ඇති තාර්කික පද බෙදීම මගින් ජාතක කතාව පිළිබඳ ප්‍රස්තුතය ග්‍රහණය කරගැනීම අතිශයින් සරල කොට තිබේ. අධ්‍යාපනය පිළිබඳ ප්‍රස්තුතය, ආර්ථිකය පිළිබඳ ප්‍රස්තුතය, ස්ත්‍රීභාවවේදය පිළිබඳ ප්‍රස්තුනය, භික්ෂු ආකල්පය පිළිබඳ ප්‍රස්තුතය, රාජ්‍ය පාළනය හා ධාර්මික බව පිළිබඳ ප්‍රස්තුතුතය යනාදිය ධර්ම ශාස්ත්‍රීය අධ්‍යයනයෙහි යෙදෙන්නට ග්‍රහණය කරගැනීමේ පහසුව මෙම ග්‍රන්ථය මගින් සිදුකොට තිබේ. එමඟින් පාසල්, පිරිවෙන්, විශ්වවිද්‍යාල ශිෂ්‍යයන්ට මෙන්ම, සාමාන්‍ය පාඨකයාට ද වැදගත් වනු නොඅනුමානය.

පේරාදෙණිය ශ්‍රී ලංකා විශ්ව විද්‍යාලයෙහි
පාලි හා බෞද්ධ අධ්‍යයන අංශයෙහි අංශාධිපති
ජ්‍යෙෂ්ඨ මහාචාර්ය,
ආචාර්ය මුවඇටගම ඤාණානන්ද නාහිමි

Rs 3,500.00

Details View details

Bauddha Saukhya Waidyopadesa

මිනිසාට රෝග වැලදේ. ඒ රෝග වැලඳි කල දුකකි. එය තමන්ට අවශ්‍ය පරිදි පාලනය කළ නොහැකි වන හෙයින් ඒ අනාත්ම නම් වෙයි. ඒ නිසා පුරාණ ආයුර්වේද ශාස්ත්‍රයේත් බුදු සමයෙත් කායික මානසිකත්වයන් මුලික වීමෙන් විවිධ රෝග වැලදෙන බවත් ඒවා සුවපත් කර ගැනීම සඳහා මානසික මෙන්ම ඖෂධීය ප්‍රතිකර්ම අවශ්‍ය බවත් පැවසේ. එබැවින් බුදු සමය නිරන්තරයෙන්ම පුද්ගලයන්ගේ කායික මානසික නිරෝගීතාවය උදෙසා ඉන්ද්‍රිය පරිපාලනයේ ද අවශ්‍යතාවය අවධාරණය කොට ඇත.
සංස්කෘත භාෂාව ඇතුලු පෙරදිග භාෂා කිහිපයක ගැඹුරු දැනුමක් ඇති ප්‍රවීණ ආචාර්යවරයෙකු හා ග්‍රන්ථ කතුවරයෙකු ද වන ශාස්ත්‍රවේදී එච්.බී.ආර්. වෑගන්තලේ මහතා ආයුර්වේද ගුරුවරයෙකු ලෙස ද කලක සිට සේවය කරණ අතර මෙතුමා තම අධ්‍යයනයන් මගින් ලත් දැනුම හා අවබෝධය හෙළි කරන උත්සාහයක් ලෙස 'බෞද්ධ සෞඛ්‍ය වෛද්‍යෙපදේශ' ග්‍රන්ථය දැක්විය හැකිය. කර්ම

Rs 850.00

Prethavasthu Prakaranaya Wimasuma

පාලි පෙතවත්ථු අට්ඨ කථාවෙහි අනුවාදයක් වන සිංහල ප්‍රේතවස්තු ප්‍රකරණය නොයෙක් විචාරකයින්ගේ විමසුමට ලක් වූ ග්‍රන්ථයකි. සම්භාව්‍ය සාහිත්‍යය මෙන් ම බෞද්ධ සාහිත්‍යය හදාරන විද්‍යාර්ථීන්ගේ විමසුම් නෙත ප්‍රේත වස්තු ප්‍රකරණය කෙරෙහි නිරතුරු යොමු වන්නේ මෙය අගනා සාහිත්‍ය නිර්මාණයක් මෙන් ම ධර්ම ග්‍රන්ථයක් ද වීම හේතුවෙනි. ඒ අනුව ප්‍රේත වස්තු ප්‍රකරණයෙහි පැනෙන මනස පිළිබඳ ව වන ගැඹුරු විග්‍රහය කෙරෙහි විශේෂ අවධානය යොමු කරමින් හා එහි නිර්මාණාත්මක ලක්ෂණ කෙරෙහි ද සාවධාන වෙමින් කළ මනෝවිද්‍යාත්මක මෙන් ම කලාත්මක නිරීක්ෂණයක් ලෙස ප්‍රේතවස්තු ප්‍රකරණය විමසුම නමැති මෙම කෘතිය හඳුන්වාදිය හැකිය.

Rs 531.00

Wisinavaye Lekammitiya

ලේකම්මිටිය යනු කුමක් ද? යන්න පිළිබඳව විමසා බැලීමේදී එකම කාර්යය මණ්ඩලයකට අයත් විවිධ කාර්යයන් පිළිබඳව තොරතුරු ලියූ එකට බඳින ලද පොත් කීපයක් සහ ප්‍රසිද්ධ විහාරස්ථානාදියේ අය-වැය විස්තර සඳහන් කරන්නට යෙදුණා වූ ලොකු පොත් එකට බැඳ තබන සිරිත නිසා ලේකම්මිටිය යන අර්ථයෙන් ඒවා හැඳින් වූ බව පෙනේ. මේ අයුරු අපේ ඉතිහාසය පුරා ගම්වසම්බිනි ලේකම්මිටිය, නානායක්කාර ලේකම්මිටිය, හීලේකම්මිටිය, කත්හාල් ලේකම්මිටිය, පාමුල් ලේකම්මිටිය, සංඝයා පිළිබඳ ලේකම්මිටිය, අතපත්තු ලේකම්මිටිය, කොඩිතුවක්කු ලේකම්මිටිය, ශ්‍රී පාදේ ලේකම්මිටිය, දළදා මාලිගවේ ලේකම්මිටිය, දේවාල හා පන්සල් වල ලේකම් මිටි යනාදි වශයෙන් බොහෝ ලේකම් මිටි අපට හමුවේ. මේවාට අමතරව තොරතුරු ලැබෙන ආකාරය අනුව තවත් නන්වැදෑරුම් ලේකම් මිටි තිබී ඇති බැව් විශ්‍රාමලත් විදුහල්පති, කලා භූෂණ රාජ්‍ය සම්මාන ලාභී ඩී. ඒ. ටී.බී. දේවසිංහයන් විසින් ශ්‍රී ලාංකීය ජාතියට හඳුන්වාදෙන "විසිනවයේ ලේකම්මිටිය " නම් වූ නවතම ග්‍රන්ථය තුළින් මොනවට පසක් කර දී ඇත්තේය.

Rs 750.00

Out-of-Stock

Batahira Yatathvijithavadaye Nageema Saha Wateema

Out-of-Stock

බටහිර යටත්විජිතවාදයේ නැගීම සහ වැටීම

Rs 1,475.00

Details View details

Pali Preveshaya 01

පූජ්‍ය මොරටුවේ ගුණරතන හිමියන් විසින් සම්පාදනය කරන ලද පාලි ප්‍රවේශය - 1 නම් මෙම ග්‍රන්ථය පිරිවෙන් අධ්‍යාපනය කරණු ලබන ස්වාමීන් වහන්සේලාට සහ දහම් පාසල් අධ්‍යාපනය හදාරනු ලබන විද්‍යාර්ථින්ටද මහගු පිටුවහලක් සපයන ග්‍රන්ථයක් ලෙස හැදින්විය හැකිය.

Rs 767.00

Pali Praveshaya - 2

පූජ්‍ය මොරටුවේ ගුණරතන හිමියන් විසින් සම්පාදනය කරන ලද පාලි ප්‍රවේශය - 2 නම් මෙම ග්‍රන්ථය පිරිවෙන් අධ්‍යාපනය කරණු ලබන ස්වාමීන් වහන්සේලාට සහ දහම් පාසල් අධ්‍යාපනය හදාරනු ලබන විද්‍යාර්ථින්ටද මහගු පිටුවහලක් සපයන ග්‍රන්ථයක් ලෙස හැදින්විය හැකිය.

Rs 649.00

Pali Praveshaya - 3

පූජ්‍ය මොරටුවේ ගුණරතන හිමියන් විසින් සම්පාදනය කරන ලද පාලි ප්‍රවේශය - 3 නම් මෙම ග්‍රන්ථය පිරිවෙන් අධ්‍යාපනය කරණු ලබන ස්වාමීන් වහන්සේලාට සහ දහම් පාසල් අධ්‍යාපනය හදාරනු ලබන විද්‍යාර්ථින්ටද මහගු පිටුවහලක් සපයන ග්‍රන්ථයක් ලෙස හැදින්විය හැකිය.

Rs 531.00

Bawudda Prathimagaraya Thulata Pivisi Hindu Deviyo

ස්වභාව ධර්මය වර්ණවත් කරන එක් සාධකයක් එහි විසිරී පවත්නා වර්ණ කදම්බයයි. වර්ණ කදම්බය ස්වභාවික වුවත් මිනිසුන් එය හඳුනා ගන්නේ ස්වකීය සංස්කෘතිය විසින් වෙන් කරනු ලබන සංරචක මගිනි. පැරණි භාරතීය සංස්කෘතිය මනුෂ්‍ය වර්ගයා බෙදා වෙන් කිරීම සඳහා වතුර් වර්ණ භේදයක් පිහිටුවා ගත් අතර තමන් නුදුටු දෙවි දේවතාවන් වෙන් කොට හඳුනා ගැනීමට ද වර්ණය උපකාරී කොට ගත්හ.භාරතයෙහි උපන් බුදු සමය ද දෙවි දේවතාවන් හැඳින්වීමෙහි ලා වර්ණ භේදය යොදා හින්දු භක්තකයන්ගේ එක් දෙවියෙක් නීල වර්ණ විය. බෞද්ධයන්ගේ එක් දෙවියෙක් ද නිල වර්ණ විය. බෞද්ධයන් සිය දෙවියා හැඳින්වූයේ උත්පල වර්ණ උප්පල වර්ණ හෝ උපුල්වන් යන නමිනි. උපුල් යනු නිල් පැහැයෙන් යුත් මලකි. නිල් පැහැයෙන් යුත් ඒ මලට මානිල් මල යන නම් අන්වර්ථ විය. මානිල් මල පසුව මානෙල් බවට පෙරළිණ.
නිල් පැහැයෙන් යුත් හින්දු දෙවියෝ විෂ්ණු දෙවියෝ යි. බෞද්ධයන්ගේ උපුල් වන් දෙවියෝ බුදු සමයට පිවිසි විෂ්ණු දෙවියෝ ම ද? දෙවුන්දර විෂ්ණු දේවාලය මීට කලින් හැඳින්වූයේ උපුල්වන් දෙවොලක් වශයෙනි. විෂ්ණු දෙවියන් හා උපුල්වත් දෙවියන් අතර පවත්නා සම්බන්ධතාව පිළිබඳ ප්‍රශ්නය කලත් තිස්සේ මෙරට ඉතිහාසඥයන්ගේ පමණක් නොව බෞද්ධයන්ගේ ද විමසුමට හසු වුණු ප්‍රශ්නයකි.බෞද්ධ ප්‍රතිමාහරය තුළට පිවිසි හින්දු දෙවියෝ නමැති මේ පොතින් පුජ්‍ය බෝගොඩ සීලවිමල හිමියන් පර්යේෂණාත්මක විග්‍රහයකට හසු කරන්නේ මේ පුශ්නයයි.පේරාදෙණි විශ්ව විද්‍යාලයේ ශාස්ත්‍රපති උපාධිය සඳහා ඉදිරිපත් කෙරුණු මේ නිබන්ධය හින්දු සමයත් බුදු සමයත් අතර පවත්නා නෑ සබඳතාව ද ශාස්ත්‍රීය වශයෙන් හෙළි කරන මාහැඟි පර්යේෂණ කෘතියක් වශයෙන් හඳුන්වා දිය හැකි ය.

ජේ.බී. දිසානායක
සම්මාන මහාචාර්ය කොළඹ විශ්ව විද්‍යාලය

Rs 885.00

Chathurwida Darshanawada Sampradaya

චතුර්විධ දර්ශනවාදය සම්ප්‍රදාය නම් වූ මෙම කුඩා ග්‍රන්ථය ථෙරවාද බෞද්ධ දර්ශනය ප්‍රතිෂ්ඨා කොටගෙන මහායාන දාර්ශනිකයන් විසින් නිපැවූ දර්ශනවාද පිළිබද එම ඉගැන්වීම් ඇසුරින් කළ සංෂිප්ත ධර්ම සංග්‍රහයකි.

Rs 295.00

Batahira Darshana

ලෝකයේ දර්ශනයෝ බහුල වෙති. බෞද්ධ දර්ශනය, ක්‍රිස්තු දර්ශනය, හින්දු දර්ශනය, මහමත් දර්ශනය, සරතුස්ත්‍ර දර්ශනය මේ ආදී දර්ශන මෙන් ම ශාස්වත උච්ඡෙදාදී වශයෙන් දෙසැටක් මිථ්‍යාවාදී දර්ශන (දෘෂ්ටිවාද) පමණක් නොව, මාධ්‍යමික යෝගාචාර, සොත්‍රාන්තික, වෛභාෂික ආදී වශයෙන්ද සංවර්ධිත දර්ශනවාද භාරත දේශයෙහි විය. පෙරදිගට ආවේණික දර්ශන මෙන් ම අපරදිගට ආවේණික දර්ශන ද වෙයි.තේලිස් ඇනෙක්සීමෙන්ඩර් ඇනෙක්ෂිමේනිස්, පයිතගෝරස්, ප්ලේටෝ, ඇරිස්ටෝටල් දාර්ශනිකයන්ගේ මතවාද අපරදිග හෙවත් බටහිර දර්ශන වෙති. බටහිර දර්ශනය කෙබඳු වූ එකක් ද යන්න අවබෝධ කර ගැනීමට ගරු පරවාහැර පඤ්ඤානන්ද ස්වාමින් වහන්සේ සහ වේහැල්ලේ ධම්මපාල හිමියන් ලියා පළ කර ඇති බටහිර දර්ශන කෘතියෙන් හැකිවීම ප්‍රමාණිකත්වයෙන් අගය කළ යුතුය
පූජ්‍ය අම්බලන්ගොඩ සුමේධානන්ද හිමි

Rs 236.00

Budu Guna Ananthai

ශාස්ත්‍රීය උවමනාවෙන් බුදු ගුණ ගැන තොරතුරු සොයන ගුරු - සිසු - ලේඛක - දේශක පිරිසට මෙයින් ප්‍රයෝජන ලබාගත හැකිය. එහෙත් මෙම පොත සැකසීමේ විශේෂ අරමුණ බුදුගුණ හඳුනාගෙන ශ්‍රද්ධාව උපදවා ධර්ම මාර්ගයේ ගමන් කොට උතුම් සැනසීම ළඟාකර ගන්නට කැමති ඒ සම්බන්ධයෙන් උත්සාහවත් පිංවතුන්ට ඒ සඳහා සහාය වීමයි.

Rs 236.00

Sanshayavadaya Ha Ghyanayehi Sima Bauddha Darshanika Viggrahaya

සංශය වාදය, ඥානයෙහි සීමා හා බුදු දහම නමැති මෙම ශාස්ත්‍රීය කෘතිය වනාහි බෞද්ධ ඥාන විභාගය විෂය ක්ෂේත්‍රයෙහි පැවැති දශක ගණනාවක ඌන පූර්ණයක් ලෙස හඳුන්වාදිය හැකි අතර මානව සිතුම්, පැතුම් වලින් ගලා ගිය සංශයාත්මක නැමියා කෙරේ අවධානය යොමු කරමින් ද පෙර'පර දෙදිග දාර්ශනික ඥාන මීමාංසාත්මක විෂය පථය සංස්පර්ෂණය කරමින් ද ඒ පිළිබඳ බෞද්ධ දාර්ශනික විග්‍රහය හදාරන විද‍්‍යාර්ථින් හට ප්‍රශස්ත ශාස්ත්‍රීය කෘතියක් ලෙස හැදින්විය හැකිය.

Rs 767.00