New products

කර්තෘ ගෙන්...
වසර පහළොවකට අධික කාලයක් ලෝකයේ ප්‍රමුඛතම සමාගම්වල නායකත්ව උපදේශකයෙකු ලෙස මා ලැබූ අත්දැකීම් සමුදායක ප්‍රතිඵලයකි මේ. මා අත්හදා බැලූ විවිධ නායකත්ව ශිල්ප ක්‍රම වේද වලින් ලැබූ අත්දැකීම් නොමසුරුව මෙම කෘතියට ඇතුළත් කළෙමි. මේ අතිදැවැන්ත අත්දැකීම් සමුදාය ඔබේ පෞද්ගලික ජීවිතයට මෙන්ම වෘත්තීය ජීවිතයටද අතිශයින් වැදගත් වනු ඇත. මෙහි එන විවිධ චරිත මගින් මනඃකල්පිතකතන්දරයක් ඔබට ඉදිරිපත් කළද නායකත්වය පිළිබඳව වන මූලික ප්‍රතිපත්ති සහ නිර්නායකවලින් සමන්විතව මෙම කෘතිය නිර්මාණය කර ඇත. එබැවින් මෙහි එන පරිකල්පනීය අත්දැකීමට වඩා ඔබ සමීප විය යුත්තේ මෙමගින් එළි පෙහෙළි කරනු ලබන විධික්‍රම කෙරෙහිය. එමගින් ඔබේ ව්‍යාපාරයත්, පෞද්ගලික ජිවිතයත් අතිශයින් සාර්ථක කර ගත හැකි වනු ඇත. 

මෙම ග්‍රන්ථයෙහි අඩංගු වී ඇත්තේ චිත්තවේග (Emotions) පිළිබඳ මනෝවිද්‍යාත්මක විග්‍රහයකි. පරිච්ඡේද 8 කින් සමන්විත මෙය මනෝවිද්‍යාව හදාන්න වුනට පමණක් නොව සාමාන්‍ය පාඨකයනට ද ඉතා ප්‍රයෝජනවත් තොරතුරු රැසක් රැගෙන එයි. චිත්තවේග පිළිබඳව විවිධ මනෝ විද්‍යාඥයන්ගේ සිද්ධාන්තයන් ද චිත්තවේග සම්බන්ධයෙන් මොළය ක්‍රියා කරන ආකාරය ද විවිධ ශාරීරික ආබාධ වලට චිත්තවේග බලපාන අයුරු ද චිත්තවේගවල ප්‍රයෝජනවත් හා නිශ්ප්‍රයෝජනවත් අංශයන් ද, චිත්තවේගීය අවප්‍රමාණතා පිළිබඳව ද මෙහි විස්තර වී තිබේ. පාසැල් සිසු - සිසුවියන්ට වුවද තේරුම් ගතහැකිවන ආකාරයට ඉතා සරල බසින් ලියැවී ඇති චිත්තවේග සහ මනෝ විදනන්ට මෙම කතුවරයා විසින් ලියන ලද මනෝ විද්‍යා ග්‍රන්ට කිහිපයෙන් එකකි. මෙය, එහි තුන්වෙනි සංශෝධිත මුද්‍රණයයි. 

“ සැලකිය යුතු ශාරීරික  හේතුවක් නොමැතිව ඇතැම් කෙනෙක් අසනීප වෙන්නේ මන්ද? " මෙය මනෝ විද්‍යාඥයා ඉදිරියේ එදා මෙන්ම අදද නැගෙන ප්‍රශ්නයකි. එයට පිළිතුරු සෙවීමේදි ප්‍රංශයේ සහ ජර්මනියේ වෛද්‍යවරුන් අතර විවිධ මති මතාන්තර ඇති විය. මනෝ විද්‍යාවේ නවීන මනෝ ප්‍රතිකාර අංශයන් ක්‍රම - ක්‍රමයෙන් දියුණුවට ගිය අයුරු මෙම ග්‍රන්ථයේ පිළිවෙලින් විස්තර වෙයි. එනයින් මෙය ප්‍රධාන වශයෙන්ම මනෝ විද්‍යා ඉතිහාසයට සම්බන්ධ කරුණු අඩංගු පොතකි. මෙහි දෙවෙනි සහ තුන්වෙනි පරිච්ඡේද වෙන්වී ඇත්තේ වර්ගීකරණ-විද්‍යාවේ ආරම්භය සහ එහි උපයෝගිතාවය පිළිබඳ විස්තරයකටය. ඉතා සුලූ කාලයක් ඇතුළත විශාල පාඨක පිරිසකගේ ගෞරවයට ලක් වූ මෙම කෘතිය සිංහල මනෝ විද්‍යා සාහිත්‍යයට එක්වූ ඉතාම සරල ග්‍රන්ථයයි. ශාරීරිකාබාධ සම්බන්ධයෙන් නවීන මනෝවිද්‍යාවේ ආරම්භයේදී පළවූ සිද්ධාන්තයන් සහ නිගමනයන් මෙහි විස්තරවී ඇත්තේ කිසිත් අවුලකින් තොරව ආධුනික පාඨකයනට වුවද ලෙහෙසියෙන් වටහාගත හැකිවන අයුරිනි. 

අන් අය සතුටින් ජීවත්වන නමුත් තමන් ගත කරන ජීවිතයේ සතුටක් නැතැයි. සිතන අයට ද, කෙතරම් උත්සාහ කළත් සතුටින් ජීවත්වීමට නොහැකියයි සිතන අයට ද, ජීවිතයේ වැදගත් කඩයිම් වෙත අවබා්ධයෙන් මුහුණදීමට දැනුමක් අවශ්‍යයි සිතන අයට ද මෙය බෙහෙවින්ම ඵලදායක අත් පොතකි.

මේ පොත කියවා බැලීමි. ග්‍රන්ථකර්තෘ මහතා අනුන් කී පමණින් හෝ පොත්වල ඇතුලත් දෑ කියවීම් පමණින් නොනැවතී භාවනා මගින් අත්දුටු දෑ පැවසීමට මහත් ප්‍රයාශයක් ගන්නා බව පෙනේ. ගැඹුරු අදහස් වලින් පිරුණු මේ පොත සෙමෙන් කියවා තේරුම් ගන්නට උත්සාහ කළොත් විශ්වය හා එහි ප්‍රතිවිරුද්ධ පැත්තත්, ගැන සැලකිය යුතු අවබෝධයක් ලැබිය හැකි වෙතැයි සිතමි. 
බළන්ගොඩ ආනන්දමෛත්‍රෙය ස්ථර. 

බුදු සමයේ මූලික ඉගැන්වීම් විමසා බලන විට, එම ඉගැන්වීම් වල හරය මුළුමනින් ම මනෝ විද්‍යාත්මක බව පෙනී යයි. බුදු සමය තුළ " පුද්ගල මනස " යන සංකල්පය ට හිමිවන්නේ, ඉතා වැදගත් ස්ථානයකි. ඒ පිළිබඳව ඉතිහාසයේ මෙතෙක් ඉදිරිපත් වී ඇති විශිෂ්ටතම අර්ථකතනය ලොව ට හඳුන්වා දී ඇත්තේ බුදු සමය මගිනි. පුද්ගල මනස ගැන, බුදුසමයේ තරම් ගැඹුරනේ, බටහිර මනෝ විද්‍යාවේ හෝ කිසියම් ආගමක හෝ දර්ශනයක හෝ වෙනත් කිසිම තැනක හෝ විග්‍රහ කර නැත. නිර්වාණය යනු තෘෂ්ණාව ප්‍රධාන කොට ඇති සියලු කෙලෙස් වලින් පුද්ගල මනස නිදහස් කර ගැනීම යි. බුදුසමයේ ප්‍රධාන අරමුණ වන්නේ, නිර්වාණය සාක්ෂාත් කර ගැනීම සඳහා පුද්ගලයා ව මෙහෙය වීමෙන්, ඔහුව සියලු දුකින් මුදවාලීම යි. මෙම කාර්යභාරය සඳහා බුදු සමය තුළ, පුද්ගල මනස උපයෝගී වන්නේ කෙසේදැයි පෙන්වාදීම මෙම කෘතියෙහි මූලික අරමුණ යි.

මෙය ළමා මනස පිළිබඳ මනෝවිද්‍යාංශයට අයත් ග්‍රන්ථයකි. දරුවා මානසික වශයෙන් හා සාමාජීය වශයෙන් වර්ධනය වන ආකාරය මෙහි විස්තර වෙයි. මූලික වශයෙන් කතුවරයා උත්සහ කර ඇත්තේ දරුවාගේ පරිණතභාවය හා වර්ධනය පිළිබඳ විවිධ අවස්ථා දරුවාගේ වර්ධනය කෙරෙහි අවට පරිසරය බලපාන අයුරු මෙන්ම, දරුවා ඉපිද සිටින -ඔහු ඇති දැඩි වන සමාජයේ සාමාජිකයනුත් දරුවොත් අතර ඇති සාමාජික හා මානසික සම්බන්ධතා පිළිබඳ කරුණු ගෙනහැර දැක්වීමටය. 

මානසික සහ ආධ්‍යාත්මික නීති සම්බන්ධ ව වසර හතළිහකට වැඩි කාලයක නවමු පර්යේෂණ කළ ආචාර්ය ජෝසප් මර්ෆි ගේ ආකර්ෂණීය සොයා ගැනීම් මේ අගනා කෘතියෙහි අන්තර්ගත වේ. ඔබගේ ජීවිතයේ හැම අංශයකම වර්ධනය සඳහා, යටිසිතේ බලය උපයෝගී කර ගැනීමේ උපක්‍රම මෙහි විස්තර කෙරෙයි. 
මෙහි සඳහන් ඉතා වැදගත් කරුණු අතර කීපයක් නම් 
කනස්සල්ල, බය සහ සෘණ සිතුවිලි ජය ගැනීම 
මූල්‍ය සාර්ථකත්වයට සහ නිදහසට ගත යුතු පියවර 
*ස්වයං පිළිගැනීම සහ සෞභාග්‍යය අත්පත් කර ගැනීම 
සම්බන්ධතා වගා කිරීම සහ සතුට විඳ ගැනීම 
* සුවය සහ සැපත සඳහා අනන්ත හැකියාව වැඩට ගැනීම 

ස්වයං වර්ධනය සහ ස්වයං සාර්ථකත්වය අත් කර ගැනීමට උපදෙස් දීම සඳහා ලොවේ මේ දක්වා ලියන ලද ග්‍රන්ථ අතර අග්‍රතමය ලෙස මේ පොත සැලකේ. ඔබ අත් පසුරෙහි, පහසුවෙන් ඔබට අල්ලා ගතහැකි ලෙස පවතින අතිශයින් විස්මය ජනක වූ මහා බලය සඳහා වූ යතුර මේ ග්‍රන්ථය මගින් ඔබ අතෙහි තැබෙයි. කිසි දිනක ඉටුකර ගත නොහැකි යයි පෙනෙන සුවිශාල හා දුෂ්කර කාර්යයන්, හුදෙක් තම යටි සිතේ විස්මිත බලය පාලනය කිරීම ඉගෙනීම මගින් ඉටුකර ගන්නට ලොව පුරා ලක්ෂ සංඛ්‍යාතපාඨකයන්ට මේ ග්‍රන්ථය මග පෙන්වා ඇත. පුද්ගලයෙකුට දෛනික කටයුතු හා සමස්ථ ජීවිතය සංවර්ධනය කර ගැනීම සඳහා සිය මනස භාවිතා කිරීමට සරල, ප්‍රායෝගික අත්දුටු අභ්‍යාස ඔහු ඉදිරිපත් කරයි. පාඨකයා ග්‍රහණය කර ගන්නා අපූරු කතන්දර හේතුවෙන් මේ පොත ඉතා රසවත් වී ඇති බවද කිව යුතුය. 

මේ කෘතියෙන් නාසි මාරක කඳවුරුවල දී මුහුණ දුන් භයානක සිද්ධි ඇතුළු ට, ඉෂ්ටාර්ථ චිකිත්සාව පිළිබඳ න්‍යායය අනාවරණය කර ගැනීමට පාදක වූ තම ජිවිත අත්දැකීම් කතන්දරයක ආකාරයෙන් ඉදිරිපත් කර ඇත. කතුවරයා ඕස්විවිටස්හි සහ වෙනත් වද කඳවුරු තුළ ගත කිරීමෙන් අනාවරණය කර ගත් ඉෂ්ටාර්ථ චිකිත්සාව, මානසික ව හෝ ආධ්‍යාත්මික ව දුෂ්කරතාවන්ට මුහුණ දී සිටින පුද්ගලයන්ගේ පෞරුෂ ගැටලු නිරාකරණය සඳහා දායක වන නවීන හා සුඛවාදී එළැඹුමක් වේ. 
" පසුගිය වසර පනහ තුළ ලෝකයේ මනෝ විද්‍යා චින්තනයට කරන ලද ප්‍රධාන ම දායකත්වය ලෙස මේ කෘතිය හැඳින්විය හැකිය " 
කාර්ල් ආර්. රොජර්ස් (ප්‍රකට මනෝ විද්‍යාඥ )

කර්තෘ ගෙන්...
පැට්‍රිෂියා ලෝරන්ස් කතුවරියගේ ''The 5 things we need to be happy, and money isn't one of them" w බසට නඟා ඔබ අතට පත්කිරීමට ලැබීම පිළිබඳව අතිශයින් ම සතුටු වෙමි. නොයෙකුත් ආගමික ශාස්තෘවරුන්, චින්තකයන් දාර්ශ-නිකයන් විසින් ලොවට හෙළි කර ඇති දර්ශනයන්ගේ දෝංකාරය මෙම ග්‍රන්ථය තුළින් මතුවන බව, පාඨක ඔබ වටහා ගන්නවා ඇත. මෙම ග්‍රන්ථය පරිවර්තන කාර්යයෙහි යෙදී සිටින විට සැම විටම මගේ සිහියට නැඟුණේ, සොක්‍රටීස් පඬිවරයාගේ ප්‍රකාශයකි. " මිනිසුනි, ඉසුරු පසුපස හඹා යාමට තොපට ලජ්ජා නැතිද?" යන එම වාක්‍යයෙන් ධ්වනිත වන අදහස මෙම ග්‍රන්ථය තුළද අන්තර්ගත වෙයි. තම ජීවිත අත්දැකීම් පාදක කරගනිමින්, තමා ඉදිරිපත් කරන අදහස් උදාහරණ මගින් තහවුරු කරමින්, පාඨකයාගේ අවධානය රැක ගැනීමට කතුවරිය සමත් වී ඇත. 

'සුගත තථාගතාභිවන්දනා ' නම් මෙම බුද්ධ බෝධි වන්දනා හා අධිෂ්ඨාන වන්දනාමය ග්‍රන්ථය අප රැසයූ ග්‍රන්ථයන් අතර ඉතා විශේෂ ග්‍රන්ථයකි. මෙය හුදු වන්දනා ගාථා පොතක් ම නොවනු ඇත. ථෙරවාද ත්‍රිපිටක හා අට්ඨ කථා ග්‍රන්ථාගතයන් අනුව මනුලොව සත්ත්‍වයන්ට නුදුරු අනාගතයේ දී මුහුණ දීමට සිදුවන අනතුරක් ලෙස අන්තර් කල්ප විනාශය පෙන්වා දී ඇත. එය ඉතා අනුවේදනීය ශෝකාලාපයකි; ශෝකාන්තකි. ධර්මතා ස්වරූපය නම් බහුතර ජනතාව එහි දී දුගතිගාමී වන බව යි. එම අනතුරින් අත්මිදීම උදෙසා ප්‍රාර්ථනානුකූලව කුසල් දහම් වැඩීමේ වටිනාකම ධර්මයේ විශේෂයෙන් පෙන්වා දී ඇති කරුණකි. මෙම ග්‍රන්ථය වනාහි එම සදුපදේශානුකූලව එකී විපතින් අත්මිදෙනු පිණිස ප්‍රාර්ථනානුකූලව කුසල් දහම් රැස් කර ගැනීම පිණිස අත්තහිත පරහිතකාමී නුවණැතියන්ට ලබා දෙන මග පෙන්වීමකි. 

ජීවිතය ජය ගැනීමට අප බහුතරයකට ඇත්තේ නොහිම් ආසාවක්. ඒත් හැම දෙනෙකුම ඒ සඳහා අවැසි කැප කිරීම සහ වගකීම උර දැරීමට තරම් බුහුටි වන්නේ නැත. මේ විශ්වය ලෝකයේ වෙසෙන සිය සියළු අනුගාමිකයින්ට සමානව මවා ඇති එකම දෙය කාලය යැයි කිව හැකිය. මෙලොව වෙසෙන පළමු පෙළේ ධන කුවේරයාටත් අතු පැළක දිවිගෙවන දුගියාටත් මවා ඇති කාලය දිනකට පැය 24 ක් පමණයි. මේ කාලය ක්‍රමවත්ව කළමනා කරණය කර ගනිමින් ජීවිත සාර්ථකත්වයට ළඟා කරගන්නේ කෙසේද ? 

කර්තෘ ගෙන්....
ඔබේ දැක්ම අත්දකින්න, ඔබේ උත්කෘෂ්ඨ අදහස් ක්‍රියාවට නංවන්න, ඔබේ හදවතේ නලියන සංගීතය අත්විඳින්න. ඔබේ සිතේ ජනිත වන ලස්සන ඔබේ සිතුවිලි සරසන අලංකාරය ආදී සෑම දෙයක්ම ඔබේ ලෝකය ගොඩනගනු ඇත. 

ලෝක ප්‍රකට වෛද්‍ය විද්‍යා ලේඛක විනායි ජෝෂි ගේ 'STRESS - Form Burnout to Balance' කෘතියේ සිංහල අනුවර්තනය ලීලනන්ද ගමච්ච් මහතා විසින් ' ආතතිය අපි දැවෙමුද? නිවෙමු ද?' ලෙස සිංහලයට අනුවර්තනය කර ඇති අතර මෙම කෘතියේ  සුවිශේෂී ප්‍රබලතාවක් වන්නේ, ආතතියේ හැම අංශයක්ම ජීවිතයේ හැම අංශයකටම බලපාන ආකාරය තියුණු විමර්ශනයකට යොමු කිරීමයි. එසේම, පෞරුෂය, ප්‍රජනනය, ජීරණය, ප්‍රතිශක්තිය, විෂාදය, ස්මෘතිය, වියපත් වීම, දිය වැඩියාව, හෘදයාබාධ ආදියට එහි බලපෑම ගැන කතුවරයා සැලැකිලිමත් වෙමින් ග්‍රන්ථය රසවිදින පාඨකයාහට ඉතා ඉහල රසවින්දනයකින් යුතු ග්‍රන්ථයක් නිර්මාණයක් ඉදිරිපත් කර ඇත.

කර්තෘ ගෙන්...
ජීවිතයට ඇත්ත වශයෙන්ම තේරුමක් නැත. එය අර්ථවත් වන්නේ ඔබට සදාකාලික ගීතයක් ගායනා කළ හැකි නම්, ඔබට දිව්‍යමය, දිව්‍යමය සුවඳක් නිකුත් කළ හැකි නම්, ඔබට නෙළුම් මලක් විය හැකි නම්, මරණයෙන් තොර, අකාලික විය හැකි නම් පමණි. ඔබට පිවිතුරු ආදරයක් බවට පත් විය හැකි නම්, ඔබට මෙම පැවැත්ම අලංකාර කළ හැකි නම්, ඔබට මෙම පැවැත්මට ආශීර්වාදයක් විය. හැකි නම් ජිවිතයට වැදගත්කමක් ඇත්තේ එව්ට පමණි. එසේ නොමැති නම් එය නිෂ්ඵල ය. එය හිස් කැන්වසයක් වැනි ය ඔබට එය ඔබේ මුළු ජීවතයේම රැගෙන යා හැකි අතර ඔබට එහි බරින් මිය යා හැකිය, නමුත් එහි ඇති තේරුම කුමක්ද? එය මත යමක් පින්තාරු කරන්න ජිවිතයේ අර්ථය නිර්මාණය කළ යුතුය. අර්ථය දැනටමත් ලබා දී නැත. නමුත් ඔබට නිදහස ලබා දී ඇත. ඔබට නිර්මාණශීලීත්වය ලබා දී ඇත. ඔබට ජීවිතය ලබා දී ඇත. අර්ථය නිර්මාණය කිරීමට අවශ්‍ය සියල්ල ලබා දී ඇත. අර්ථය සඳහා අත්‍යවශ්‍ය සියලු ම අමුද්‍රව්‍ය ලබා දී ඇත, නමුත් අර්ථය ලබා දී නැත. අර්ථය ඔබ විසින් නිර්මාණය කළ යුතුය. ඔබ ඔබෙම අයිතියෙන් නිර්මාණ කරුවෙකු විය යුතුය

'LOUISE HAY You can your life' නම් ඉංග්‍රිසි කෘතියේ සිංහල පරිවර්තනය වන ' ජීවිතය සුවපත් කරගන්නට නම්..' කෘතිය සිරිසේන රත්නායක මහතා විසින් සිංහලට පරිවර්ථනය කරන ලද අතර මෙම කෘතිය ලොව පුරා පිටපත් මිලියන ගණනක් අලෙවි වී ඇති අතර මෙම කෘතිය අධ්‍යනය කිරීම තුලින් ඔබේ ධනාත්මක සිතිවිලි අවධිකර ඒ මගින් ජීවිතය දියුණුවෙන් දියුණුවට පත් කරයි. මෙමගින් පුද්ගලයෙකු යනු කවරෙක්ද, ඔහුගේ හැකියාවන් මොනවාද, එම හැකියාවන් ඔප් නංවන්නේ කෙසේද, ඒ සඳහා කාලය කළමණාකරණය කළ යුත්තේ කෙළෙසද ආදී වශයෙන් සවිස්තරාත්මකව ගෙන හැර දක්වයි. 

'වෙනස් වෙන්න පටන් ගන්න' නම් මෙම කෘතිය අමිල මුතුකුට්ටි මහතාගේ නිර්මාණයක් වන අතර පුද්ගල සාර්ථකත්වය උදෙසා ඔහු විසින් සකස් කළ  ගවේෂණයක ප්‍රතිඵලයකි. සරල උදාහරණ සහිතව ඔහු ජීවිතය ජයගන්නා මාර්ගය සාමාන්‍ය පාඨකයාට කියා දීමට මෙම කෘතියෙන් සමත්ව සිටින අතරම මිනිසුන්ගේ සාමාන්‍ය ජීවන රටාවේ සිදුකරන වෙනස්කම් මගින් ජීවිතය සාර්ථකත්වය කරා ගෙන යන මඟ ඔහු මෙහි දී පැහැදිලි කරයි. මෙය ජීවිතයේ ජයග්‍රණය අපේක්ෂා කරන ඕනෑම තරාතිරමක පුද්ගලයෙකුට අත්‍යවශ්‍ය වන කියවීමක් ලෙස හැදින්විය හැකිය. 

මනෝ විද්‍යාත්මක උපදේශනය විෂය මෙකල වෙනදාට වඩා ව්‍යාප්ත වෙමින් පවත්නා බව පෙනීයයි. විශ්වවිද්‍යාල, රාජ්‍ය ආයතන මෙන්ම පෞද්ගලික ආයතන මගින් ද විවිධ මට්ටමේ උපදේශන පාඨමාලා රැසක් පැවැත්වේ. "අසාමාන්‍ය මනෝවිද්‍යාව" ඒ සියලු පාඨමාලා සඳහා පොදුවේ අත්‍ය වශ්‍ය අනිවාර්යයෙන්ම හැදෑරිය යුතු විෂයකි. අසාමාන්‍ය වූ මානව චර්යා තේරුම් ගැනීමට එම දැනුම අවශ්‍ය වන බැවිනි. අසාමාන්‍ය මනෝ විද්‍යාවේ 'මානසික අක්‍රමිකතා හා ඉන් මිදීම' නම් වූ මෙම කෘතිය පෙරකී සියලුම පාඨමාලා විද්‍යාර්ථින්ගේ අවශ්‍යතා ඌන පූරණය පිණිස සම්පාදනය කරන ලද්දකි. එම පාඨමාලා විෂය නිර්දේශ වල අන්තර්ගත වන සියලු මානසික අක්‍රමිකතා මෙම කෘතියෙහිලා සරළ සුමග ලෙස විස්තර කොට කියා දෙනු ලැබේ. 

සංකීර්ණ වෙමින් පවතින සමාජ වටපිටාවක තම දරුවා කෙසේ හදා වඩා ගන්නේ දැයි දෙමාපියන්ගේ සිත් තුළ පවතින කුතුහලයකි. තමන් යුග දිවියට පිවිසීමේ දී ඇති කර ගත් සුන්දර අරමුණු ව්‍යාකූල කර නොගෙන නිර්ව්‍යාජ සිතුවිලි සහිත පුද්ගල පෞරුෂයෙන් හෙබි දරුවෙක් සඳහා මෙහි ඇතුළත් ධර්මතා උපයෝගී කර ගත හැකිය. දරුවන් තුළ ඇතිවන චිත්තවේග පාලනය කර ගැනීම සහ එයින් අධ්‍යාපනය සාර්ථක කර ගැනීම පිළිබඳ මනා පරිචයක් මෙම කෘතිය පරිශීලනයෙන් ලැබේ. 

කර්තෘ ගෙන්...
පිරිවෙන් ශිෂ්‍යයන්ගේ මානසික ගැටලු (Mental Problems) හඳුනාගැනීමත්, හඳුනාගත් ගැටලු විෂයෙහි මනෝවිද්‍යා උපදේශනය (Psychology Counselling) යොදා ගැනීමේ යෝග්‍යතාව පිළිබඳ මානක සෞඛ්‍ය පදනම් (Mental Health) කරගත් ප්‍රතිකාරාත්මක විග්‍රහයක් ඉදිරිපත් කිරීමත් මෙම පරීක්ෂණයේ අරමුණයි.

කර්තෘ ගෙන්....
පේෂකර්ම සංස්ථාවේ වැඩ මූලිකවශයෙන්ද, නාවික ආධුණික ඉංජිනේරුවකු...... වශයෙන් ද, පළාත් පාලන සේවයේ කාර්මික නිලධාරීවරයෙකු ..... වශයෙන් ද, ගුරුවරයෙකු වශයෙන් ද, විදුහල්පතිවරයෙකු වශයෙන් ද, ශ්‍රී ලංකා ශිෂ්‍යභට බලකායේ, කොමිෂන් ලත් නිලධාරියෙකු වශයෙන් ද, ලැබුව අත්දැකීම් වලින් බිඳක් මෙම පුස්තකයට ඇතුළත් කළේ ඉන් අනාගත පරපුරට යහපතක් වේයයි බලාපොරොත්තුවෙනි. 

පුද්ගල පෞරුෂ සංවර්ධනය හා මනෝ විද්‍යා උපදේශනයේ න්‍යායාත්මක පදනම් පිළිබඳ සවිස්තර අධ්‍යයනයක් මෙම ග්‍රන්ථයේ අන්තර්ගත ය. සිග්මන්ඩ් ප්‍රොයිඩ්, වර්ක් එරික්සන්, කාල් රොජර්ස්, ඒ බ්‍රහම් මාස්ලො, හැන්ස් අයිසෙන්ක්, බග් ස්කිනර් වැනි මනෝ විද්‍යාඥයන් විසින් ඉදිරිපත් කළ න්‍යායයන් මෙහි අන්තර්ගත කර ඇත. මෙම ග්‍රන්ථය උපදේශන ක්‍ෂේත්‍රයේ නියැලි සැමට, තම විෂයය පිළිබඳ නිවැරදි විද්‍යාත්මක මූලධර්ම වටහා ගැනීමට උදවු වනු ඇත.
ඊට අමතර ව විශ්ව විද්‍යාල වල මනෝ විද්‍යාව, සමාජ විද්‍යාව, අධ්‍යාපන විද්‍යාව හදාරන පූර්ව උපාධි හා පශ්චාත් උපාධි අපේක්ෂකයන්ට, ප්‍රජා සංවර්ධනයෙහි හා සමාජ සේවා වැඩවල යෙදෙන සංවර්ධන නිලධාරීන්ට, ළමා රැකවරණය හා සංවර්ධනය පිළිබඳව කටයුතු කරන එම ක්‍ෂේත්‍ර වල නිලධාරීන්ට , උපදේශන මධ්‍යස්ථානවල සේවයෙහි නියුතු උපදේශකවරුනට ,පාසල් හා අනෙකුත් අධ්‍යාපන ආයතනවල උපදේශන සේවාවෙහි යෙදෙන උපදේශකවරුන්ට ,  හෙදි පාඨමාලා හදාරන හෙදියන්ට , අධ්‍යාපන ඩිප්ලෝමා, අධ්‍යාපන විද්‍යා පීඨ ඩිප්ලෝමා හදාරන ගුරු සිසුන්ට , ළමා ප්‍රවර්ධන කටයුතුවල නියැලි නිලධාරන්ට හා පරිවාස නිලධාරීන්ට මෙන් ම සෑම ගුරුවරයකුට හා දරුවන් හදාවඩා ගන්නා දෙමාපියන්ට ද අත් පොතක් ලෙස භාවිත කළ හැකි ය. 

ප්‍රවීණ මනෝ විද්‍යා උපදේශක  දිනුක මධුෂාන් වන්නිනායක මහතා විසින් රච්ත 'ඔබේ දියුණුව ඔබ තුළමය යන මෙම කෘතිය තුළ . ඔබේ දියුණුවට අවශ්‍ය මනෝවිද්‍යාත්මක කරුණු රැසක් අඩංගු අතර ඒ තුළින්, තමන් තුළ ඇති ශක්තීන් අවධි කර, තම දැනුම මෙහෙයවා යම් යම් උපක්‍රම මගින් ජීවිතයේ දියුණුව කරා ගමන් කරන අයුරු පහදා දේ.