Best sellers

මහගම සේකර ආවර්ජනා - "මහගම සේකර මහා කලාවේදියාණන්ගේ ජීවිතයේ අප්‍රකට තොරතුරු සොයා සැරිසැරූ රංජිත් අමරකීර්ති පලිහපිටිය සේකර දෙමාපියන් හා සුතනඹුවන් හා හිත මිතුරන් ඇසුරින් ද ඔහු ගේ නොපළ අත්ලිපි පරිශීලනයෙන් ද හෙළි පෙහෙළි කරගත් අපූර්ව තොරතුරු රැසක් මෙම ග්‍රන්ථයෙහි අන්තර්ගත ය. සේකරගේ පරිසමාප්ත නිර්මාණවලට පෙර නිමැවූ මුල් අත්පිටපත්, අහුරක් නිර්මාණකරණයෙහි හා සාහිත්‍ය කලා රසාස්වාදයෙහි නිරත දුහුනන් දැනුම් සඳහා මුල් වරට මෙහි ග්‍රන්ථාගත ව ඇත්තේ ය."

තුන්කල් දුටු පරණවිතාන - මහාචාර්ය සෙනරත් පරණවිතාන පඬිවරයාගේ ශාස්ත්‍රීය සේවාව සහ ජීවන තොරතුරු පිළිබඳ ඇගයීමක් ලෙසින් සිරිසමන් විජේතුංග මහතා මෙම කෘතිය රචනා කොට ඇත. පුරාවිද්‍යා ක්ෂේත්‍රයේ වැදගත් සේවාවන් ඉටු කළ එතුමා පිළිබඳ ලියවුනු මෙම ග්‍රන්ථය හුදෙක් පර්යේෂණාත්මක ග්‍රන්ථයක් නොව පර්යේෂණ කරන්නන් උනන්දු කරන්නක් ලෙස ද, සාමාන්‍ය පාඨක ජනතාව සඳහා එතුමාගේ සේවය පිළිබඳ අවබෝධයක් ලබා දීමට සමත් කෘතියක් ලෙස හඳුන්වා දිය හැක.

ඕලන්දේ ආනන්දාපදානය - ඕලන්දයේ ආනන්ද හිමියන් පිළිබඳ ව ඉංග්‍රීසියෙන් ලියැවුණ චරිතාපදාන කෘතිය "Monk of Monkey's" වන අතර මෙය එහි සිංහල පරිවර්තන කෘතියයි.

ශ්‍රීමත් අනගාරික ධර්මපාල චරිතාපදානය - මෑත යුගයේ ලක්දිව පහළ වූ විශිෂ්ට ම ජාතික වීරයෙකු වූ 'ශ්‍රීමත් අනගාරික ධර්මපාල චරිතාපදානය' මෙම ග්‍රන්ථයෙන් ලියවී ඇති අතර මෙම කෘතිය ලොකු-කුඩා, බාල-මහලු, උගත්-නූගත්, සියලු දෙනාම විසින් අනි‌වාර්යෙන් පරිශීලනය කළ හැකි ග්‍රන්ථයකි.

 අශෝක - චාල්ස් ඇලන් විසින් අශෝක අධිරාජ්‍යාගේ සැබෑ ඓතිහාසිකත්වය තහවුරු කරමින් මෑත කාලයේ දී ලියන ලද  "Ashoka - The Search for India's Lost Emperor" කෘතියෙහි සිංහල පරිවර්තනය "අශෝක" ලෙසින් ශාස්ත්‍රකාමී ලේඛිකාවක වන මානෙල් ජයමාන්න මහත්මිය විසින් සිදු ‌කොට ඇත.

සිංහලේ ඉතිහාසගත කාන්තාවෝ - "සිංහලේ ඉතිහාසගත කාන්තාවෝ" මගින් ඉදිරිපත් කැරෙනුයේ විජයාගමනයෙන් පසු අපේ ඉතිහාසයට එක් වන වැදගත් කාත්තා චරිත පිළිබඳ විමර්ශනයකි. විජයාගමනය නිසා ප්‍රමුඛත්වයට පත් වූ කුවේණියගේ සි‌ට මෑත අතීතයේ ජීවත් වූ ඉද්දමල්ගොඩ කුමාරිහාමි දක්වා චරිත විස්සක් පිළිබඳ විස්තර මෙහි ඇතුළත් ය.

සරණංකර සංඝරාජ චරිතය - නොයෙකුත් අන්ධ විශ්වාසයන්ගෙන් හා විකෘති සම්ප්‍රදායන්ගෙන් බුදු සමය‌ට බලවත් විපතක් පැමිණි සමයක දිවි දෙවැනි කොට නිරවද්‍ය බුද්ධ ශාසනය යළි පිහිටු වීම වෙනුවෙන් ඇප කැප වී කටයුතු කළ 'වැලිවිට සරණංකර සංඝරාජ මහානාහිමිගේ' චරිත කතාව මෙම කෘතියෙන් සාකච්ඡාවට ලක් කෙරේ.

දෙයියො හෙවත් හික්කඩුවේ නායක හාමුදුරුවෝ - හෑගොඩ ඛෙමානන්ද නාහිමි විසින් රචිත මෙම ග්‍රන්ථය තුළින් හික්කඩුවේ ශ්‍රී සුමංගල නායක ස්වාමීන් වහන්සේ චරිත කථාව දිග හැරේ. මෙම ග්‍රන්ථය පිළිබඳ පාඨක අදහස් කිහිපයක්.
මාර්ටින් වික්‍රමසිංහ මහතා - " මේ පොත බෞද්ධ දර්ශනය අරබයා සිංහලෙන් ලියවුණ ඉතා ම හොඳ පොත යයි මම සිතමි." 
එදිරිවීර සරත්චන්ද්‍ර මහතා - " මේ පොත අපූර්ව පර්යේෂණයක් සේ මට පෙනේ. ථෙරවාද බුද්ධ ධර්මයට මින් අමුතු ආලෝකයක් ලැබේ. භාරතීය දර්ශනයෙහි එන න්‍යායක්‍රමත් බටහිර තර්ක විද්‍යාවත් සැසඳීමෙන් මේ විමර්ශනය කර තිබීම මෙහි විශේෂ අංගයකි."

ගුරු පාරෙන් බෝ මළුවට - මෙය ලක්බිම ප්‍රධාන උප කෘර්තෘ ධර්ම ශ්‍රී තිලකවර්ධනයන් විසින් ඉරිදා ලක්බිම පුවත්පතට ලියන ලද සම්බුදු සසුනටත් රට - දැයටත් විශිෂ්ට සේවාවක් සිදු කළ සංඝපිතෲන් වහන්සේලා කිහිප නමකගේ අපදාන ලිපි සමුච්චය හා තවත් ලිපිවල එකතුවකින් සම්පාදනය වූ ග්‍රන්ථයකි.

දේශය අවදි කළ හේන්පිට‌ගෙදර ඤාණසීහ නාහිමිපාණෝ - ආගමික, අධ්‍යාපනික, සාමාජික, සංස්කෘතික වශයෙන් මෙරටට විශාල සේවාවක් ඉටු කළ අතිපූජ්‍ය හේනේපිටගෙදර ඤාණසීහ නාහිමියන්ගේ චරිත කථාව පූජ්‍ය මාවෙල සිරිසුමන හිමි විසින් මෙම කෘතිය තුළින් ඉදිරිපත් කරයි. 

ලක්දිව සඟරජ පරපුර 

හම්මලව සද්ධාතිස්ස මාහිමියෝ - වසර තිහකට අධික කාලයක් මෙරටින් බැහැර ව මෙරටටත්, බුද්ධශාසනයටත් අති විශාල සේවයක් කළ හම්මවල සද්ධාතිස්ස නායක තෙරණුන්ගේ ජීවිත කතාව කෙටියෙන් සරල ව මෙම ග්‍රන්ථය තුළින් ඉදිරිපත් කරයි.

වාදීභසිංහ මොහොට්ටිවත්තේ ගුණානන්ද හිමිපාණෝ

පවුල් අවුල් කරන ග්‍රහ බලය - පර්යේෂණයක ප්‍රතිඵලක් වශයෙන් එළි දක්වා ඇති 'පවුල් අවුල් කරන ග්‍රහ බලය' යුග දිවියට පිවිසීමට පෙර සෑම පුද්ගලයෙකුගේ ම දෙනෙතට ලක් විය යුතු ය. මෙය ජ්‍යොතිෂයේ නියැලෙන ප්‍රවීණ, ආධුනික දෙපක්ෂයටම කදිම අත් පොතකි. 

දෛවය සෙවීම හෙවත් ඉෂ්ටානිෂ්ට පිළිතුරු

ජ්‍යොතිෂ සිද්ධාන්ත පිළිබඳ පර්යේෂණාත්මක අත්දැකීම් - ජ්‍යොතිෂ සම්බන්ධ පර්යේෂණාත්මක තොරතුරු ඇතුළත් කර ගනිමින් සම්පාදිත මෙම කෘතිය මඟින්  සාම්ප්‍රදායික ජ්‍යොතිෂ සිද්ධාන්තවල ඇති සත්‍ය අසත්‍යභාවය තහවුරු කර ගැනීමට ඇති හැකියාව දියුණු කර ගැනීමට උපකාර සපයන අතර ආධුනික මෙන් ම පළපුරුදු ජ්‍යොතිෂ ශාස්ත්‍රඥයන්ට කේන්ද්‍ර පරික්ෂාවේදී මෙම කෘතිය අත්වැලක් වනු නොඅනුමාන ය.

 තාරකා විද්‍යාව බුදු දහම හා ජ්‍යොතිෂයේ විද්‍යාත්මක පදනම

ජ්‍යොතිෂ සමුද්‍රිකා

නක්‍ෂත්‍ර ගුරුවරයා - ‌‌මෙය ජ්‍යොතිෂ විෂය සබැඳි ව දැනුම් පිපාසයෙහි පෙළෙන පාඨකයනට තම දැනුම වඩ වඩාත් වර්ධනය කර ගැනීමට පරිශීලනය කළ හැකි කෘතියකි.

ඒරාෂ්ටික කාල වකවානු ඔබට බලපාන හැටි - මෙම කෘතිය තුළ අන්තර්ගතව ඇත්තේ "රිවිර" ඉරිදා සංග්‍රහයෙහි පාරින්ද්‍ර සුගතදාස මහතා විසින් ඒරාෂ්ටක කාල වකවානු පිළිබඳ ව පළ කළ ලිපි පෙළක එකතුවකි. මෙම විෂය පිළිබඳව උනන්දුවක් දක්වන පාඨකයනට මෙම කෘතිය වඩාත් වැදගත් වනු ඇත. 

සරණ මංගල චාරිත්‍ර - අළුත විවාහ වන තරුණ තරුණියන්ට මඟ පෙන්වීමක් වශයෙන් හා චාරිත්‍රාණුකූලව වඩාත් නිවැරදිව විවාහ මංගල චාරිත්‍රය ඉටු කිරීම සඳහා මඟ පෙන්වීමේ අදහසින් යුතුව කේ. ආර්. ආරියසිංහ මහතා මෙම කෘතිය සම්පාදනය ක‍ර ඇති අතර වියැකී යන මෙවැනි සංස්කෘතික චාරිත්‍ර වාරිත්‍ර රැක ගැනු පිණිස මෙම කෘතිය උපකාරී වනු නොඅනුමාන ය.

ඔබට රාජයෝග බලපාන්නේ කෙසේද? - ශෝභනී ද සොයිසා මහත්මිය විසින් ලියන ලද 'ඔබට රාජයෝග බලපාන්නේ කෙසේ ද' නමැති මෙම පොතෙහි මිථුන, කන්‍යා, ධනු, මීන ලග්න වලින් උපන් දරුවන්ට රාජයෝග පළදෙන හැටි පොතේ කතුවරිය ගැඹුරින් විග්‍රහ කරයි. මෙහි භාෂාව ඉතා සරල ය. ‌ජ්‍යොතිෂ සිද්ධාන්ත ඔස්සේ රාජයෝග පලදෙන හැටි විග්‍රහ කිරීම සිත්ගන්නා සුලුය. ජ්‍යොතිෂය හදාරණ ආධුනිකයන්ට මෙන්ම ජ්‍යොතිෂවේදීන්ට ද මෙම පොත හස්ථාර ග්‍රන්ථයකි.