Children's Books

'එකෝමත් එක රටක‍්
නමැති මේ පොත් පෙළේ අරමුණ දරුවන්ගේ ආස්වාදය සඳහා සිංහල ජන කතා සමහරක් සිතුවම් සමඟ ඉදිරිපත් කිරීමයි.මේ කතා කියවීමෙන් සිංහල ගැමියාගේ නිර්මාණ ශක්තිය ගැන මෙන්ම පාරම්පරික ගමේ ජීවන රටාව ගැන ද දැන ගත හැකිය.කියවීම ආස්වාදජනක අත්දැකීමක් කර ගැනීමට මේ පොත් පෙළ හේතු වනු ඇත.

අපේ අතීතය ගැන කියවමු
විජය රජුගෙන් පටන් ගෙන අපේ අවසාන රජු වන ශ්‍රී වික්‍රම රාජසිංහගෙන් අවසන් වන යුගය ඉතා දිග එකකි.මේ කාලය තුළ විවිධ රජවරු අප රට පාලනය කළහ.මේ පොත, පොළොන්නරුවේ 'ස්වර්ණමය යුගයක්’ බිහි කොට, වෙළඳාම මෙන්ම කෘෂිකාර්මික දියුණුවක්ද, ඇති කළ මහා පරාක්‍රමබාහු රජු ගැනය.

අපේ අතීතය ගැන කියවමු
විජය රජුගෙන් පටන් ගෙන අපේ අවසාන රජු වන ශ්‍රී වික්‍රම රාජසිංහ රජුගෙන් අවසන් වන යුගය ඉතා දිග එකකි. මේ කාලය තුළ විවිධ රජවරු අප රට පාලනය කළහ.මේ පොත, ක්‍රි.ව. 1187 සිට 1193 දක්වා පොළොන්නරුවේ රජ කළ නිශ්ශංකමල්ල රජතුමා ගැන ය.

අපේ අතීතය ගැන කියවමු
විජය රජුගෙන් පටන් ගෙන අපේ අවසාන රජු වන ශ්‍රී වික්‍රම රාජසිංහගෙන් අවසන් වන යුගය ඉතා දිග එකකි. මේ කාලය තුළ විවිධ රජවරු අප රට පාලනය කළහ. මේ පොත, කෘෂිකාර්මික දියුණුවට ජලාශ රාශියක් ගොඩනැඟූ මහසෙන් රජු ගැන යි.

අපේ අතීතය ගැන කියවමු
විජය රජුගෙන් පටන් ගෙන අපේ අවසාන රජු වන ශ්‍රී වික‍්‍රම රාජසිංහ ගෙන් අවසන් වන යුගය ඉතා දිග එකකි.මේ කාලය තුළ විවිධ රජවරු අප රට පාලනය කළහ.මේ පොත, බුදු දහමින් ලංකාව බැබලවූ දේවානම්පිය තිස්ස රජු පිළිබදවය.

මෙයින් ඇතැම් කතන්දරයක් කලකට ඉහත දී ලංකාදීප පුවත් පතෙහි බිංදු ගේ යහළුවන් උදෙසා මා විසින් කියන ලදී. ඒවා මෙහි ඇතුළු කිරීමට අවසර දුන් එම පත්‍රයේ ප්‍රධාන කතෘ තැන්පත් ඩී.බී. ධනපාල මහත්මාණන්ට මාගේ ස්තුතිය හිමි වෙයි.
එසේ ම මේ සඳහා මා පොළඹවා ලූ, ලංකාදීප කතෘ මණ්ඩලයේ සිරිපාල තිලකසේන හිතවතාණන්ටත්, මෙය ප්‍රකාශයට පත් කළ සමන් මුද්‍රණාලයටත් මම ස්තුති වන්තවන්නෙමි.
මහගම සේකර , 1958

කතෘ ගෙන්...
ධම්මපදය යනු සමස්ත මිනිස් සමාජයටම ගැළපෙන පරිදි රචනා වූ මහඟු ග්‍රන්ථයකි. ජීවිතයේ ඕනෑම අවස්ථාවකට සම්බන්ධ කර ගත හැකි ආදර්ශ පාඨ ඇතුළත් ධම්මපදය පැරැන්නන් නිතරම පරිහරණය කිරීමට පුරුදුව සිටියා. ජීවිතයේ සරල මට්ටමේ සිට ඉතාම ඉහළ මට්ටම දක්වා හෙවත් නිවන් අවබෝධය දක්වා පුද්ගලයකු හැඩගැසිය යුතු ආකාරය ධම්මපදයේ සඳහන් වෙනවා. සමාජය ගුණ ධර්මවලින් දිනෙන් දිනම පිරිහෙමින් පවතිනවා. එම නිසා ධම්මපදයේ වටිනාකම වර්තමානයේ හොඳින්ම දැනෙනවා.
තෝරා ගත් කතා කිහිපයක් මෙහි දී ඉතා ලිහිල් හා සරල භාෂාවෙන් පුංචි දූ දරුවන් වෙනුවෙන් මම ඉදිරිපත් කිරීමට උත්සාහ කළා. ඒවා අපේ ජීවිත හැඩ ගස්වා ගැනීමේ දී බොහෝ ප්‍රයෝජනවත් වෙන ආදර්ශවත් කතා කිහිපයක්. ඒවා හොඳින් කියවා බලා ඒවායින් පුංචි ඔබේ ජීවිතයට ගත හැකි හොඳ  දේ වෙන් කරගෙන ඒවා පිළිපදින්න. එවිට ජීවිතය මනා ලෙස හැඩ ගස්වා ගත හැකියි.

කුඩා ළමුන් සදහා උපමා කතාන්දර 100ක් ඇතුළත් ඉතා වටිනා ග්‍රන්ථයකි. 

කතෘ ගෙන්...
ළමා විය සුන්දරය. එහි වාද බේද බොහෝ දුරට හීනය. සතුට, සැනසුම ළමා වියේ ජීවය වේ. එහෙත් දියුණුවේ හිනි පෙත්තට පය තැබීමට මිනිසා දරන වෑයම ක්‍රමානුකූලව නොවන නිසා විටින් විට එක් එක් මාරකයන් මගින් සුන්දර ළමා ලොව විනාශ කරන අවස්ථා අපට අද සමාජයේ සුලභව දක්නට ලැබේ. කුඩා කළ වැරදි මග ගොස් නොමග යන දරුවා වැඩිවියට පත් වූ විට සමාජයෙන් පළිගැනීම වැලැක්විය නොහැකි දෙයකි. ළමා පරපුර කෙරෙන් මෙසේ විද්‍යාමාන වූ ගති ලක්ෂණ උරුමයන් කෙරෙහි විශාල වෙනසක් කිරීමට බාල දක්ෂ ව්‍යාපාරය කරනුයේ මිල කළ නොහැකි සේවයකි.
මම බාල දක්ෂයෙකු සේ ලබාගත් අත්දැකීම් 'නෙල්ලි කැලේ වීරයෝ' නමින් ඔබ වෙත ඉදිරිපත් කරමි. මෙහි මුල් පිටපත මා ලියා අවසන් කළේ මා නව වැනි ශ්‍රේණියේ ඉගෙනුම ලබන අවධියේ දීය. එබැවින් මේ පිළිබඳව සාධාරණ විවේචන ඇතොත් සතුටින් භාර ගනිමි. අවසන් වශයෙන් මම ඔබෙන් මෙය ඉල්ලමි. ජාති, ආගම්, කුල, වර්ණ භේදයන්ගෙන් ළමා පරපුර බේද නොකර ඔවුනට හිමි සුන්දර ලෝකය සැමදාමත් රැක ගැනීමට ඔබේ සහාය ලබා දෙන්න

Buddhism for Beginners Part 1,2,3 - Ideal book for children as it realtes Life of the Buddha in Question and Answer form.Also suitable for adults, not familiar with the basics of the Teachings of the Buddha.

හරි පුදුම සැත්කම් කළ බුද්ධදාස රජ්ජුරුවෝ - අපේ බුදුරජාණන් වහන්සේ කාලයෙහි සිටි ජීවක වෛද්‍යචාර්‍යතුමන් සිහිගන්වන පින්වත් බුද්ධදාස රජතුමා ගුණයෙන් නුවණින් පිරි බෝධිසත්ව රජ කෙනෙකි. වෙදකමෙහි ඉතා දක්ෂ වූ රජතුමා කරන ලද සැත්කම් ඉතාමත් ආශ්චර්‍යවත් ය. දශ රාජධර්මයෙන් රජ කළ රජතුමා රට ස්වයංපෝෂිත කරමින් රට දියුණුවෙන් දියුණුවට පත් කළේය. එවන් ආදර්ශමත් රජ කෙනෙකු පිළිබඳව ලොකු කුඩා සැම කෙනෙකුටම වාගේ රස විඳින්නට හැකි වන සේ සරල බසින්ම ලියන්නට මට සිත්විය. කුඩා දරුවන්ට වර්ණ චිත්‍ර දැකීමෙන් ඇතිවන්නේ සතුටකි. ආස්වාදයකි. එමගින් රජතුමාගේ විස්මිත ආශ්චර්‍යමත් සැත්කම් ගැන පැහැදිලි අවබෝධයක් ඔවුනට ලබා දීම ද මෙහි අරමුණකි.