Best sellers

පාලි භාෂා ඉතිහාසය - මෙම ග්‍රන්ථය සම්පාදනය කර ඇත්තේ ප්‍රාචීන ප්‍රාරම්භ, මධ්‍යම, අවසාන හා විශ්වවිද්‍යාල උපාධි සඳහා පාලි භාෂාව හදාරන සිසුන්ගේ දැනුම අභිවර්ධනය සඳහා ය. කච්චායන සම්ප්‍රදාය පරිශිලනය කරමින් රචිත මෙම කෘතිය පාලි භාෂාව හදාරන ආධුනිකයන්හට ද අතිශයින් වැදගත් වේ. 

ලංකාවේ ගැමි ජන කතා - දෙවන වෙළුම - හෙන්රි පාර්ක් මහතා විසින් රචනා කළ 'Village Folk of Ceylon' කෘතිය වන්ද්‍රශ්‍රී රණසිංහ මහතා විසින් 'ලංකාවේ ගැමි ජනකතා' නමින් සිංහලය‌ට පරිවර්නය කර ඇත. මෙම කෘතිය සිංහල ජන කතා එක් රැස් කොට රචනා කරන ලද්දකි.

මහා මුද්‍රා භාවනා - "ටිබැට් භාවනා ක්‍රම අතර උසස් ම භාවනා ව ලෙස දැක්වෙන 'මහා මුද්‍රා භාවනාව' සාර්ථකව කිරීමෙන් ඇතිවන ප්‍රතිඵලය ලෙස දක්වා ඇත්තේ මේ ජීවිතයේ දී ම ධර්‍ම ප්‍රත්‍යක්ෂය ලැබීම ය. සුවාසූ (84) සිද්ධවරයන් පිිළිබඳ ටිබැට් කථා සංග්‍රහයේ දැක්වෙන්නේ ද මහා මුද්‍රාව ගුරුවරයෙකුගෙන් ශිෂ්‍යයාට සම්ප්‍රේෂණය වීමෙන් මේ ජීවිතයේ දී ම සිද්ධ හා මහා සිද්ධ බවට පත් වූ සමාජයේ විවිධ මට්ටම්වල සිටි යෝගීන් පිළිබඳව ය."

සෙන් දුනු ශිල්පය - සෙන් දුනු ශිල්පය ද සෙන් දහම ප්‍රායෝගිකව පුහුණු කිරීමේ එක් ක්‍රමෝපායක් පමණි. එසේ නොමැති ව වෙනත් අයෙකු විනාශ කිරීමේ අදහසක් එහි නැත. එබැවින් මෙම සෙන් දුනු ශිල්පය යනු කුමක්දැයි හරිහැටි ප්‍රත්‍යක්ෂයක් ලැබීමක් වන්නේ ම ය. ඒ සඳහා මෙම ග්‍රන්ථය මහඟු උපකාරයක්වනු නොඅනුමාන ය.

ආලෝක මාර්ගය - "මෙය ජෝන් කොලින්ස් නැමැති ඉංග්‍රීසි කාන්තාවට අදෘශ්‍යමාන අතරමැදියෙකු භූතාත්ම ස්වරූපයෙන් පැමිණ සිහිනයෙන් සම්ප්‍රේෂණය කරන ලද්දකි. ඇය විසින් ඉන්පසුව මෙය ලිඛිත භාෂාව‌ට ගෙන ඇත. ඇය මෙම සිදුවීමට පෙර මෙම පොතට අයත් කරුණු කිසිවක් ගැන දැන සිටි නැති අතර, සිදු වූ සෑම දෙයක් ම ඇය නොදන්නා ආශ්චර්යයකි."

ස්වභාවයේ ස්වභාවයක් - මෙය ලාඕට්ගේ "තාඕ තේ චින්" කෘතියේ සිංහල පරිවර්තනය යි.

කළු ගොනාගේ කතාව - ජාතක කතා පොත ඈත අතීතයේ සිට ම සිංහල බෞද්ධ සමාජයට ගුරුහරුකම් දුන් පොතකි. එහි එන කථා, පොඩි දරුවන් අතට පත් කිරීමෙන් ඔවුන්ගේ ගුණ නැණ දෙකම වැ‌ඩෙනු ඇත. මේ කථා පොඩි දරුවන්ට ආසාවෙන් ද කෙටියෙන් ද කියවිය හැකි අයුරින් ඉදිරිපත් කිරීම මේ පොත් පෙළේ අරමුණයි. මෙහි එන කථාවට පදනම් වූයේ 'කණ්හ ජාතකය' යි.

රුක් දෙවිවරු - ජාතක කතා පොත ඈත අතීතයේ සිට ම සිංහල බෞද්ධ සමාජයට ගුරුහරුකම් දුන් පොතකි. එහි එන කථා, පොඩි දරුවන් අතට පත් කිරීමෙන් ඔවුන්ගේ ගුණ නැණ දෙකම වැ‌ඩෙනු ඇත. මේ කථා පොඩි දරුවන්ට ආසාවෙන් ද කෙටියෙන් ද කියවිය හැකි අයුරින් ඉදිරිපත් කිරීම මේ පොත් පෙළේ අරමුණයි. මෙහි එන කථාවට පදනම් වූයේ 'රුක්ඛධම්ම ජාතකය' යි.

ජාතක පොතෙහි අධිමානුෂික චරිත - පූජ්‍ය කුකුරම්පොල ඤාණවිමල හිමිපාණන් විසින් රචිත "ජාතක පොතෙහි අධිමානුෂික චරිත" නම් වූ කෘතිය මෙතෙක් ජාතක පොත පිළිබඳ හෙළූ දෘෂ්ටිකෝණය වෙනත් මඟකට යොමු කරවීමට දැරූ උත්සහයක් ලෙස හඳුන්වා දිය හැකි ය. එහි දී උන්වහන්සේ විසින් ජාතක පොත පිළිබඳ ව මෙතෙක් නොදුටු අංශයකට තම විචක්ෂණාක්ෂිය යොමු කොට ති‌බේ. විශේෂයෙන් අධිමානුෂික චරිත මිනිස් දිවිය කෙරෙහි දක්වන බලපෑම අධීක්ෂණයට ලක් කොට තිබේ.

බෝසත් සිරිතෙන් බණ කථා 50 ක් - මෙම ග්‍රන්ථය අර්ථවත් බණ කථා 50 කින් සමන්විත වූ ග්‍රන්ථයකි. එක් එක් බණ කථාවෙන් ලබා ගත හැකි උපදේශන ද සඳහන් කොට තිබේ. 

This book is an attempt to look at Buddhism from an intellectual prospective. As the texts of Buddhism are so vast a newcomer to Buddhism will find it difficult to understand the basics of Buddhism as rituals associated with Buddhism may confuse them.

A comprehensive study of the human being including the natural law of Dependent Origination applicable to all phenomena.

කොටිකාවත්තේ සද්ධාතිස්ස නාහිමි දම් දෙසුම් 3 - පූජ්‍ය කොටිකාවත්තේ සද්ධාතිස්ස නාහිමිපාණන් වහන්සේ විසින් දේශනා කරන ලද ධර්‍ම දේශනා පදනම්ව සම්පාදනය වූ ග්‍රන්ථ පෙළෙහි තුන්වන ග්‍රන්ථය මෙය වේ. 

රැය දහවල ඉක්ම වූ රහතුන් - පූජ්‍ය ඇඹිලිපිටියේ ආනන්ද ස්ථවිරයන් වහන්සේ විසින් පවත්වන ලද ධර්ම දේශනා අතුරින් තෝරාගත් දේශනා 16 ක එකතුකින් මෙම ග්‍රන්ථය රචනා වී ඇත.

සාරිපුත්ත ධර්ම දේශනා - "බුදු සසුනෙහි මහා ප්‍රාඥයන් වහන්සේගේ අසදෘශ ප්‍රඥාමහිමය පිළිබඳ ව විශිෂ්ට විස්තරාර්ථ ධර්ම විවරණයක් ත්‍රිපිටකානුගත සූත්‍රධර්මාශ්‍රයෙන් මෙතෙක් පළව නොමැති හෙයින් එම ඌණතාවය සපුරමින් පර්යේෂණාත්මකව නිරවද්‍ය ධර්ම විවරණයන්යෙන් පරිපූර්ණව මහත් පරිශ්‍රමයෙන් සම්පාදිත මෙම මාහැඟි ධර්ම ග්‍රන්ථයෙන් සසුන් මඟ වටහා ගැනීමට කාලීන අවශ්‍යතාවය ද ඉටු වන හෙයින් ධර්මවිනය පිළිබඳ විචක්ෂණ ප්‍රඥාපාටවයකින් යුත් ලේඛක ස්ථවිරයන් වහන්සේ නමක් වන රාජකීය පණ්ඩිත ශාස්ත්‍රවේ දී බෝපිටියේ ඥානවාස හිමියන් විසින් රචිත සාරිපුත්ත ධර්ම දේශනා ධර්ම ග්‍රන්ථය අතිශයින් ප්‍රශස්ථ මහා ශ්‍රාවක චරිතාපදානයෙකි."

බුදුරජාණන් වහන්සේ සහ උන්වහන්සේගේ ධර්මය 

මරණය සහ තනිකම - "ක්‍රිෂ්ණාමූර්තීන්ගේ ඉගැන්වීම් සිංහලයට පරිවර්තනය කිරීම කළ හැකි දෙයක් නොවේ. එතුමන් විසින් ඉංග්‍රීසි භාෂාවේ යෙදුම් පවා එහි සම්මත අර්ථය ඉක්මවා යොදා ගැනුණු හෙයින්, සුපුරුදු පරිවර්තන කාර්යයක යෙදීමෙන් එම ඉගැන්වීම් සිංහල පාඨකයා වෙත පිරිනැමිය නොහැකිය. එහෙත් එම ශ්‍රේෂ්ඨ ඉගැන්වීම් සම්බන්ධයෙන් ඉතා දිගු කලක සිට අවධානයෙන් යුතු ව පරිශීලනයෙහි යෙදී සිටින මෙම කෘතියෙහි කතුවරයා වූ ආරියරත්න විජයසිංහයන් එහි හරය දැකීමට යොමු වී ඇත්තෙකු වශයෙන් පමණක් නොව, මූලික වශයෙන් ම ඒ පිළිබඳ ව දුරවබෝධයෙන් බොහෝ සෙයින් මිදී ඇත්තෙකු බව ද මෙම ලිපි කියවීමේ දී කෙනෙකුට පෙනී යන වැදගත් කරුණකි."

සංසාර ප්‍රවාහය - මෑත කාලයේ ජීවත් වූ අද්විතීය දාර්ශනිකයෙකු වූ ජේ. ක්‍රිෂ්ණමූර්ති මහතා ආචාර්ය වල්පොළ රාහුල හිමියන් සමඟ කළ සාකච්ඡාවක් පාදක කර ගනිමින්, ආරියරත්න විජයසිංහ මහතා විසින් "සංසාර ප්‍රවාහය" නම් මෙම ධර්ම ග්‍රන්ථය පාඨකයනට ඉදිරිපත් කෙරේ.

සතුටෙන් ජීවත් වී සතුටෙන් මරණයට මුහුණ දෙන්නේ මෙහෙමයි - නූතන මෙහෙණි සස්න ආරම්භ කිරීමට පුරෝගාමී වූ ඕස්ට්‍රේලියානු ජාතික වයාමා මෙහෙණින් වහන්සේගේ දේශන මාලාවක සිංහල පරිවර්තන ඇතුළත් කොට නිර්මාණය වන පොත් පෙළෙහි ආරම්භක කෘතිය මෙයයි.

සිනාසෙන සුදු හාමුදුරුවෝ - 26 - අජාන් බ්‍රහ්මවංසෝ මහතෙරුන් වහන්සේ විසින් වරින් වර විවිධ මාතෘකා යටතේ පවත්වන ලද දේශන අතුරින් පහත සඳහන් මාතෘකා යටතේ ඉංග්‍රීසියෙන් පැවැත් වූ දේශනවල සිංහල පරිවර්තන මෙම ග්‍රන්ථයේ ඇතුළත් වේ. 
1 Freeing problems with Metta
2 Effective Management 
3 Hopelessness
4 Being Afraid

ද්වාර ප්‍රවේශය හෙවත් උළුවහු පැනීම -  "උළුවහු පැනීමේ ගුරු කුල සම්ප්‍රදායට අනුව ලියවුණු අංගසම්පූර්ණ හරවත් ග්‍රන්ථයක් මේ වනතෙක් සම්පාදනය වී නොමැති අතර එම අඩුපාඩුව සපුරාලනුවස් ගරු පූජ්‍ය අල්ගමවත්තේ සුමනවංශ හිමියන් විසින් රචනා කර ඇති 'ද්වාර පැනීම හෙවත් උළුවහු පැනීම' ග්‍රන්ථය ඉතා අගනා ග්‍රන්ථයක් ලෙස විවාදයෙන් තොරව පිළිගත හැක. "

ආධ්‍යාත්මික මනෝවිද්‍යාව - මෙම කෘතිය ආධ්‍යාත්මික ජීවිතය යනු කුමක් ද? සම්ප්‍රජානනය යනු කුමක් ද? ප්‍රඥාව යනු කුමක් ද? ප්‍රඥාව පිළිබඳ මනෝවිද්‍යා විවරණ, සත් ජීවනය, මානසික ගැටලු නිරාකරණය කර ගන්නේ කෙසේ ද? වැනි පරිච්ඡේද එකොළහක් යටතේ මනෝවිද්‍යාව විශය පථය‌ට අනුකූල කරුණු පාදක කර ගනිමින් විග්‍රහයන් ඉදිරිපත් කෙරෙන අගනා කෘතියකි.

ධම්ම පද පාළිය - බෞද්ධයාගේ අත්පොත ලෙස සැලකෙන ධම්ම පදය මුළුමහත් බෞද්ධ ධර්මය ම හකුළුවා දක්වන්නකැ යි කිවහොත් එය වැරදි නොවේ. මේ, ධම්ම පද පාළිය පිළිබඳ ව තිලකරත්න මහතා විසින් සම්පාදිත ග්‍රන්ථයකි. ධම්ම පද පාළියෙහි අඩංගු ගාථා ධර්මයෙහි සිංහල අර්ථය හා බුදුරජාණන් වහන්සේ ඒවා දේශනා කිරීමට මුල් වූ හේතුන් මෙන් ම ඒවායේ අන්තර්ගත ධර්ම කරුණු පිළිබඳ විවරණයක් කර තිබීම ද මෙහි ඇති සුවිශේෂීත්වයකි.

ධම්මපදය සහ භගවත් ගීතා - ධම්මපදයෙහි හා භගවත් ගීතාවෙහි එන ගාථා හා එම එක් එක් ගාථාවෙහි තේරුම ද පැහැදිලිව සඳහන් කරමින් මෙම ග්‍රන්ථය රචනා කිරීමට කතෘ එච්. එම්. මොරටුවගම මහතා ගෙන ඇති උත්සහය ප්‍රශංසනීය ය.