Prices drop

මෙම කෘතිය අධ්‍යනය කිරීම තුළින් ඔබට මානව ඉතිහාසය පුරාවටම විවිධ විවිධ ක්ශ්‍රේත්‍රයන්හි සාකච්ජාවට භාජනය වූ ' ආත්ම ' යන්න පිළිබද දාර්ශනික හා ආගමික වශයෙන් විමසීමට ලක් කරණ අතර ඒ තුළින් හුදෙක් විශ්වාසයන් මත පමනක් පදනම්ව ඇති බොහෝ කරුණු සත්‍ය ලෙස ගවේශනාත්මකව විශ්ලේෂණය කිරීමට හැකිය.

මේ ප්‍රේත වස්තුව පාලි පේතවත්ථු අටුවාව සරල සිංහලයට නැඟීමෙහි ප්‍රතිඵලයකි. ඒම නිසා ප්‍රේත වස්තු කථා පහසුවෙන් තේරුම් ගැනීමට මේ ග්‍රන්ථය සහාය වෙයි.ප්‍රේත වස්තුවෙහි කථාවස්තු අතර ගාථාද දක්නට ලැඛෙයි. මේ ග්‍රන්ථයෙහි ගාථා කථා වස්තු වලට ඇතුළත් නොකොට ගාථාවන්හි අර්ථ සපුරා සිංහලයට නගා ඇත. එහෙත් ග්‍රන්ථය අවසානයෙහි ප්‍රේත වස්තුවේ සියලු ගාථා අර්ථ සමඟ දක්වා ඇත. ග්‍රන්ථයෙහි කථාවස්තූන්හි සඳහන් කොට ඇති අංක මඟින් එයින් පැවසෙන අර්ථය සහිත ගාථාව කුමක්ද යනු හඳුනාගත හැකි ආකාරයට මෙම ග්‍රන්ථය රචනා කර ඇත.

බුද්ධචරිතය - බුදුන් වහන්සේගේ උපතේ සිට පරිනිර්වාණය තෙක් චරිතාපදානය ද එතැන් පටන් තුන් වන ධර්මසංගායනාව තෙක් ශාසන ඉතිහාසය ද මෙහි සවිස්තරව දැක්වේ.

Siksa Samuccaya A Compendium of Buddhist Doctrine

Ceylon Beaten Track - is a travelogue that takes readers on an adventurous journey through the lesser-known corners of Ceylon (modern-day Sri Lanka). Written with a blend of humor, insight, and a deep appreciation for the country's culture and landscapes, the book offers a fresh perspective on travel in Sri Lanka. From bustling markets to serene temples, lush tea plantations to remote villages, the author recounts their experiences and encounters with locals, providing a colorful portrayal of the island's diverse and vibrant tapestry. Through vivid descriptions and engaging storytelling, "Ceylon Beaten Track" invites readers to explore off the beaten path and discover the hidden gems of this enchanting destination.

The Concise Pali-English Dictiona - is a reference book that provides translations and explanations of Pali words into English. Pali is the language in which the Theravada Buddhist scriptures are written, and this dictionary is particularly useful for students, scholars, and practitioners of Buddhism who wish to understand the meaning of Pali terms found in Buddhist texts. The concise nature of the dictionary makes it a handy tool for quick reference and study.

නම්රුවන්මල  හෙවත් රුවන්මල් නිඝණ්ඩුව 

කව්සිළුමිණ - කුස ජාතකය පදනම් කරගනිමින් දෙවන පණ්‌ඩිත පරාක්‍රමබාහු රජු විසින් රචිත පද්‍ය කාව්‍යය කව්සිළුමිණ ලෙස සැළකේ.

බුදුන් වහන්සේ හේතුඵල දේශනය සිදු කර ඇත්තේ එක් ක්‍රමයකට නොව ක්‍රම තුනකිනි. එනම් ආර්ය සත්‍යය ක්‍රමය, පටිච්ච සමුප්පාද ක්‍රමය සහ පට්ඨාන ක්‍රමය යනුවෙනි.  එලෙසම පටිච්ච සමුප්පදාය තුළ ද දොළොස් ආකාර වූ හේතුඵලයන් දක්වා ඇත. එහෙත් ඒ කිසි තැනක තෘෂ්ණාව ආදි ධර්‍ම ඵලයට හේතුවන සැටි විනා එලෙස හේතුවන්නේ ඇයි දැයි විස්තර කර නොමැත. නමුත් පට්ඨාන ප්‍රකරණය යනු එලෙස කුඩා ධර්‍ම කොටසක නොනැවතී සිට සෑම හේතුඵල ධර්‍මයන් පිළිබඳව ම බුදුරදුන් කර ඇති දේශනාවයි. මෙය හුදෙක් තවත් ග්‍රන්ථයක් නොව මෙය ඉතා ගැඹුරු වූ ද විශාල වූ ද ධර්‍ම කොටස් නොයෙක් ක්‍රම මගින් විස්තර කොට ඇති හේතුඵල දේශනයයි. එබැවින් නුවණැත්තන් කියවා අවබෝධ කර ගත යුතු ග්‍රන්ථයක් වන මෙම පට්ඨාන ප්‍රකරණ ග්‍රන්ථය  ඉතා ගැඹුරු වූ අර්ථ ඇති බැවින් අවබෝධයෙන් යුක්තවම කියවීම ඉතා වැදගත්ය.මක්නිසාද යත් මෙය එකී පට්ඨාන ප්‍රකරණ පාලි ග්‍රන්ථයට නිර්මාණය කරන ලද සිංහල අනුවාදය බැවිනි.

ගැඹුරු දහමක් වන අභිධර්මය ආධුනිකයාගේ පටන් සියළු දෙනාටම අපහසුතාවයකින් තොරවම උගැන්වීමට හා ඉගෙන ගැනීමට අභිධර්මචන්ද්‍රිකාව පරිශීලනයෙන් හැකි වෙයි.මුල් කාලයේ කාණ්ඩ නවයකට පැවති මෙය කොටස් එකතු කොට සම්පූර්ණ පොතක් වශයෙන් ප්‍රකාශයට පත් කර ඇත.

දීඝ නිකාය ටීකා - (මහා වග්ග)

ත්‍රිපිටකටයේ ගැටලු තැන් පැහැදිලි කරදීම සඳහා බුදුන් වහන්සේගේ කාලයේ සිට වාචනා මාර්ගයෙන් ආචාර්ය පරම්පරා මඟින් රැගෙන ආ අර්ථ විවරණ සිංහල භික්ෂූහු මිහිඳු හිමියන්ගෙන් උගෙන ත්‍රිපිටකයේ ගැටලු තැන් හෙළ බසින් අර්ථ විවරණය කළහ. මේ අනුව අටුවා යනු ත්‍රිපිටකයේ ඇති දුරවබෝධ වචන සහ බුද්ධ ධර්මයේ ගැඹුරු තැන් පැහැදිලි කරමින් විස්තර කිරීම සඳහා සංගෘහිත ග්‍රන්ථයි. හෙළටුවා වශයෙන් එහි සඳහන් ව ඇත්තේ මහා අට්ඨකථා, කුරුන්දි අට්ඨකථා, පච්චරිය අට්ඨකථා ය. මේ අතුරින් ප්‍රධාන වූයේ මහා අට්ඨකථායි. මෙය මූලට්ඨකථාව නමින් ද වැවහර ය. ත්‍රිපිටකයට ම අයත් අට්ඨකථාවල මහා අට්ඨකථාව සඳහන් හෙයින් එය ත්‍රිපිටකය ම අලළා සකස් වූ හෙළටුවාවක් බව ද සැලකේ.
ක්‍රිස්තු වර්ෂ 5 වන සියවසේ බුද්ධඝෝෂ හිමියන්ගේ පටන් ආරම්භ වූ පාලි අට්ඨකථා ලිවීමේදී යම් යම් පාඨ පැහැදිලි කර විස්තර කිරීමේදී හෝ ධර්ම කරුණු පැහැදිලි කිරීමේ දී ලංකාවේ යම් යම් පාලකයන්ගේ හෝ සමාජයේ වෙනත් සිදුවීම් හා විස්තර ඇතුළත් කිරීම නිසා මෙරට පුරාණ ඉතිහාසය ගොඩනැඟීමේ දී විවිධ අංශවලින් මෙම පාලි අට්ඨ කථා විශේෂයෙන් වැදගත් වේ.

උඩරට මහ කැරැල්ල - උඩරට මහ කැරැල්ල පිළිබඳව තෙන්නකෝන් විමලානන්ද සූරීන් අතින් ලියැවුණු මේ කෘතිය නිසැකවම  ඒ ගැන එතෙක් මෙතෙක් සිංහලෙන් පළ වූ විශිෂ්ටතම කෘතිය ලෙස අවිවාදයෙන් පිළිගැනෙයි.  ප‍්‍රථමයෙන් කොටස් වශයෙන් පළ කරන ලද මේ කෘතිය දැන් තනි පොතක් ලෙස මෙසේ පළ වෙයි. 

ධම්මානන්දාභිනන්දන - අස්ගිරි මහාවිහාර පාර්ශවයේ ශ්‍රීමත් මහානායක මාහිමි ප්‍රධාන සානුනායක විංශද්වර්ගික කාරක සංඝසභාවේ සමානඡන්දයෙන් අප ගුරුදේවෝත්තම මහාවිහාර වංශික ස්‍යාමෝපාලි මහානිකායේ අස්ගිරි මහාවිහාර පාර්ශවයේ මහාලේඛකාධිකාරී, මැදගම ධර්මකීර්ති ශ්‍රී ධම්මක්ඛන්ධ ධම්මානන්දාභිධාන මාහිමිපාණන් වහන්සේ මහනුවර ඓතිහාසික සුදුහුම්පොළ රජමහා විහාරයෙහි අභිනව විහාරාධිපති නායක මාහිමියන් වශයෙන්, තෝරාපත් කොට එහි ශ්‍රී සන්නස් පත්‍රය පිරිනමන මෙම ඓතිහාසික හා පූජනීය අවස්ථාවේ දී උන්වහන්සේට උපහාරයක් වශයෙන් ප්‍රායෝගික වටිනාකමක් ඇති ග්‍රන්ථයකි.

බුද්ධ චරිතය (පුරාවෘත්තය හා ඉතිහාසය වශයෙන්) - එඩිවඩ් ජේ. තෝමස් ශූරීන්ගේ "The Life of the Buddha as Legend and history" නම් වූ කෘතියෙහි සිංහල පරිවර්තනය මෙයයි. මෙය කරුණා සේනානායක මහත්මිය විසින් සිංහලට පරිවර්තනය කර මුල් වරට ප්‍රකාශයට පත් කරනු ලැබූයේ 1966 වර්ෂයේදී ය.

ධර්මාශෝක සුනිශ්චිත ජීවන චරිතය - මෙම ග්‍රන්ථය ජාත්‍යන්තර කීර්තියට පත් පෙර'පර දෙදිග භාෂා හසළ මහා ප්‍රාඥයකු වූ ද, කුශාලග්‍රබුද්ධිමත් කෘතහස්ත ලේඛකයෙකු හා ප්‍රවීණ රාජ්‍යතාන්ත්‍රිකයකු වූ ද ආචාර්ය ආනන්ද ඩබ්ලිව්.පී.ගුරුගේ විසින් සිව් වසරක් පමණ කාලයක් තුළ කරන ලද පර්යේෂණාත්මක අධ්‍යයනයක ප්‍රතිඵලයක් වශයෙන් වර්ෂ 1993 දී එළි දක්වන ලද ASOKA THE RIGHTEOUS - A DEFINITIVE BIOGRAPHY නම් කෘතියේ සිංහල අනුවාදයයි.

 ධම්මපදයෙන් හෙළිවන දාර්ශනික විග්‍රහය

ශ්‍රී වික්‍රම රාජසිංහ චරිතය හෙවත් උඩරට පුරාණ මුලාදෑනීන්ගේ ලේකම්මිටිය - "පේරාදෙණිය විශ්වවිද්‍යාලයීය ප්‍රධාන පුස්තකාලයෙහි ලංකා කාමරය තුළ පරිග්‍රහණ අංක 277590 යටතේ තැන්පත් කොට තිබෙන, පත්ඉරු පනස් අටකින් සමන්විත වන පරිදි සකස් කොට ඇති 'ශ්‍රී වික්‍රම රාජසිංහ චරිතය හෙවත් උඩරට පුරාණ මුලාදෑනීන්ගේ ‌ලේකම්මිටිය නමින් නම් කොට ඇති පුස්කොළ පොත අතිශය වැදගත් පැරණි ලේඛනයක් වශයෙන් සැලකිය හැකි ය."

ශ්‍රී ලංකාවේ බෞද්ධ ප්‍රතිමා කලාව - 'සිංහල බෞද්ධ ප්‍රතිමා භේදය හා ප්‍රමාණ' යන මාතෘකාව යටතේ මුලින් 1988 දී ලියන ලද මෙම ග්‍රන්ථය 'ශ්‍රි ලංකාවේ බෞද්ධ ප්‍රතිමා කලාව' යන අලුත් නමින් මෙලෙස ‌පල කෙරේ. මෙහි ප්‍රථම පරිච්ඡේදය බුදු පිළිම සඳහාත්, දෙවන පරිච්ඡේදය බෝධිසත්ව සංකල්ප සඳහාත්, තුන්වන පරිච්ඡේදය දිසාපාලකයන් ගැනත්,  සිව්වන පරිච්ඡේදයේ බලි ශාන්තිකර්ම ඉතිහාසය, විහාර සිතුවම් අතර ඇති නවග්‍රහ, රාශි හා නැකැත් චිත්‍ර හා බලි රූප භේද සඳහාත් වෙන් කොට ඇත.