Prices drop

සූත්‍ර, විනය හා අභිධර්ම ලෙසින් දක්වා ඇති බුදු දහම පසු කාලීනව එකතු වූවා යැයි සැලකෙන විවිධ පුද පූජා හා වන්දනා ක්‍රම පිළිබඳව සුවිශේෂී විග්‍රහයක් ඉදිරිපත් කරමින් නිර්මාණය වූ අගනා කෘතියක් ලෙසින් දැක ගත හැක.

ථෙරගාථා පාලි - ත‍්‍රිපිටක ග‍්‍රන්ථාවලියෙහි ඛුද්දක නිකායට අයත් ථෙරගාථාපාලිය යනු ගෞතම බුදුන් වහන්සේගේ ශාසනයට ඇතුළත් ව සිිටි, තෙරුන් වහන්සේලා කිහිප නමක් විසින් තමන් පසක් කළ ආධ්‍යාත්මික පාරිශුද්ධිය අනාවරණය කරනු පිණිස පද්‍යයමය බසට නගන ලද භාව ගීතාවලියකි. මෙයින් ථෙරගාථා පාලියෙහි සත්තක, අට්ඨක, නවක සහ දසක යන නිපාත ඇතුළත් කර තිබේ. 

"සන්න සහිත පාලි ථූපවංශය" නමැති මෙම නවතම පාඨ ග්‍රන්ථය දුටුගැමුණු මහරජතුමා විසින් අනුරාධපුරයෙහි ඉදිකරන ලද රුවන්වැලි මහං සෑය පිළිබඳව ලියා තිබෙන පාලි වංශකථාවයි. සිංහල ජාතියේ ප්‍රෞඪතත්වයත් ශාසනික ඉතිහාසයත් පිළිබිඹු කරන පාලි ථූපවංශය ආදී යුගයේ සිට අනුරාධපුර යුගය දක්වා ස්තුපයේ ඉතිහාසය ද විදහා දක්වන වටිනා ග්‍රන්ථයකි. 

ගම්පොළ දොරටු - මෙම ග්‍රන්ථය මගින් ප්‍රදේශයේ පුරාවිද්‍යා උරුමය වාර්තාගත කිරීම හා ප්‍රාමාණික දැනුමක් පාඨකයා අතට පත් වේ. 

Mahabharata

පුනරුත්පත්තිය බුදුදහමෙහි මූලික ඉගැන්වීමකි.කුසල අකුසල කර්ම පුනරුත්පත්තිය සදහා බලපාන ආකාරය මිනිස් සිතට ඒත්තු ගැන්වීමට බෙහෙවින් ඉවහල්වේ.

ටී.බී. ඉලංගරත්න සූරීන්ගේ නවකතා සමූහය අතරින් ‘‘අඹ යහළුවෝ’’ ලබාගෙන ඇත්තේ සුවිශේෂී ස්ථානයකි. මෙය පාඨකයන් විසින් ඉමහත් ආදරයෙන් වැළදගත් කෘතියකි. 

බාලාවතාරය - මේ පෙළ පොතෙහිද සූත්‍ර පාඨ කළු අකුරින් යොදා ඇති අතර පාඩම් කිරීමේ පහසුව පිණිස වැකි ගොනුකොට ඇත. සන්නයෙහි දැක්වෙන සිරස්තල පිටු අංක සහිතව පෙළෙහි ද නිසි තැන යොදා ඇත්තේ සන්නයෙහි අදාළ තැන සොයා ගැනීමේ පහසුව පිණිසයි.

සද්ධර්මරත්නාකරය - පළාබත්ගල වනවාසී ධර්මකීර්ති පරම්පරානුයාත පූජ්‍යපාද ධම්මදින්නාචාර්ය විමලකීර්ති මහා ස්වාමිපාදයන් වහන්සේ විසින් විරචිත ය.

ශාන්තිකර්ම සාහිත්‍යයේ බෞද්ධාගමික මුහුණුවර - දශක තුනකට ආසන්න කාලයක් ප්‍රාසංගික වේදිකාවේ ස්වකීය දක්ෂතා ප්‍රයෝගිකව එළිදක්වා තමා සේවිත කලා ප්‍රකාරය ඇතැඹුලක් සේ ප්‍රගුණ කර ඇති බව සකලවිධ ප්‍රේක්ෂකයින් හමුවේ සපථ කළ සෞන්දර්‍ය කලා විශ්වවිද්‍යාලයේ ජ්‍යේෂ්ඨ කථිකාචාර්‍ය ආචාර්‍ය නිෂාදී රත්නාවලී ස්වකීය අත්දැක්කිම් පරිකල්පනය හා පොත පත පරිශීලනය කිරීමෙන් ලත් දැනුම මෙම ග්‍රන්ථයෙන් ඉදිරිපත් කර ඇත.

සිදත්සඟරා විමසුම

ව්‍යවහාර දෙමළ භාෂා ප්‍රවේශය - එදිනෙදා සන්නිවේදනය සඳහා ප්‍රායෝගික භාෂා කුසලතා කෙරෙහි අවධානය යොමු කරමින් මූලික සංවාද දෙමළ ඉගෙනීමට සිංහල කථිකයන්ට උපකාර කිරීම සඳහා මෙම පොත නිර්මාණය කර ඇත. එය සුබ පැතුම්, ප්‍රකාශන, පොදු වාක්‍ය ඛණ්ඩ සහ මූලික ව්‍යාකරණ වැනි මාතෘකා ආවරණය කළ හැකිය. දෙමළ කතා කරන පරිසරයන් තුළ වඩාත් ඵලදායී ලෙස සන්නිවේදනය කිරීමට අපේක්ෂා කරන සිංහල කථිකයන් සඳහා මෙම සම්පත ප්‍රයෝජනවත් වනු ඇත.

නැඟෙනහිර පළාත හා උතුරු පළාතේ සිංහල බෞද්ධ උරුමය - පුරා විද්‍යාව හදාරන විද්‍යාර්ථින්ටත්, මෙරට සංස්කෘතික අනන්‍යතාව පිළිබඳ උනන්දුවක් දක්වන අයටත් මේ කෘතියෙන් ලැබිය හැකි දැනුම හා අවබෝධය ඉතා පුළුල්‍ ය.

මඤ්ජුශ්‍රීභාෂිත වාස්තුවිද්‍යාශාස්ත්‍ර - මහාබෝධිවංසය රචනා වන කාලයේ ද ජීවමාන ව පැවැති මෙම ශිල්පශාස්ත්‍ර සම්ප්‍රදාය ගැඹුරින් අධ්‍යයනය කිරීම් ශ්‍රී ලාංකේය පුරාවිද්‍යාඥයනට අතිශයින් වැදගත් වනවා මෙන් ම, පොදුවේ බෞද්ධ කලාවන් පිළිබඳ උනන්දුවක් දක්වන විද්‍යාර්ථින්ට ද ඉන් ලබාගත හැකි ප්‍රයෝජන අනල්ප ය.

'සංසාර මන්දිර II ආධ්‍යාත්මික ලෝකය' මෙම ග්‍රන්ථය පුනර්ජන්මය හා අධිමානසික ක්ෂේත්‍රය සම්බන්ධ ජිනා සෙර්මිනාරා මහත්මිය විසින් ලියන ලද සුප්‍රකට ග්‍රන්ථයක් වූ 'ද වර්ල්ඩ් විදින්' ග්‍රන්ථයයි එහි විෂයයේ ස්වභාවයේ ගැඹුර ලුහු නොවන ලෙස කන්නිමහර සුමංගල හිමියන් සහ කුමාරි ගුණරත්න මහත්මිය විසින් සිංහල භාෂාවෙන් කරන ලද පරිවර්තනයකි. රාජ්‍ය සාහිත්‍ය සම්මාන උළලේදී වරක් හොදම පරිවර්තන ග්‍රන්ථයට හිමි සම්මානයද ද දිනාගත් ග්‍රන්ථයකි.

ශ්‍රී ලංකා බෞද්ධ හා පාලි විශ්වවිද්‍යාලයේ බෞද්ධ සංස්කෘතික අධ්‍යයනාංශයෙහි කථිකාචාර්යවරයෙකු වන නිලන්ත දිසානායක මහතා ශ්‍රී ජයවර්ධනපුර විශ්වවිද්‍යාලයෙන් ශාස්ත්‍රවේදී ගෞරව හා දර්ශනපති උපාදි හිමිකරගෙන දැනට දර්ශනසූරී උපාධිය සදහා පර්යේෂණවල නියැළෙන තරුණ විද්වතෙකි. එසේම මෙරට ජාතික විශ්වවිද්‍යාල හා උසස් අධ්‍යාපන ආයතන රැසක ආරාදිත දේශකයකු වශයෙන් කටයුතු කරන ආචාර්යවරයෙකි. බුදුදහම හා තදනුබද්ධ සංස්කෘතිය පිළිබද ශාස්ත්‍රීය ග්‍රන්ථ රැසක් සමාජගත කර ඇති ග්‍රන්ථ කතුවරයෙකි. 

සිංහල ව්‍යාකරණ මතවාද පිළිබද ව අධ්‍යනය කිරීම වර්තමානයේ සිදු කෙරෙන්නේ ඉතා අල්ප වශයෙනි. එවැනි කාලයක එම්. කේ. සුසන්ත සේනාධිරලංකාර මහතා විසින් ශ්‍රී ලංකා බෞද්ධ හා පාලි විශ්වවිද්‍යාලයයේ දර්ශනපති උපාධිය සදහා ඉදිරිපත් කරන ලද ''විදුදය විදුලකර ගුරුකුල ඇසුරින් ඒවා අතර පැවති ශාස්ත්‍රීය වාද විවාද පිළිබද අධ්‍යනයක්'' යන මාතෘකාව යටතේ කරන ලද පර්යේෂණය ඉතා වැදගත් බව සදහන් කළ යුතුය. එම පර්යේෂණය ඇසුරින් සම්පාදනය කරන ලද ''විද්‍යාදය හා විද්‍යාලංකාර ගුරුකුල අතර පැවති ශාස්ත්‍රීය වාද විවාද'' නමැති මෙම ග්‍රන්ථය ''ගුරුකුල ප්‍රභවයට මූලික වූ අෂ්ටායතන '' ගුරුකුලවලින් ප්‍රභාවිත පිරිවෙන්වල ප්‍රභවය සහ විකාසනය'' ''විද්‍යාදය, විද්‍යාලංකාර ගුරුකුල මතවාද හා තදන්‍ය වාද විවාද'', ගුරුකුලාගත අක්ෂර වින්‍යාස මතවාද'' යනුවෙන් පරිච්ජේද හතරකින් යුක්ත වෙයි.

'මැදරට ඓතිහාසික විහාරස්ථාන' නමැති මෙම ග්‍රන්ථය නූතන මධ්‍යම පළාතේ දිස්ත්‍රික්ක තුනෙහි ඓතිහාසික වශයෙන් වැදගත්, පූජනීය වූ රජමහා විහාර හා පුරාණ විහාරස්ථාන සම්බන්ධයෙන් වැදගත් කරුණු අනාවරණය කරන කෘතියක් ලෙස පෙන්වාදිය හැකිය.

භික්ෂුව වූ කලී ලාංකීය ජන සමාජයේ සුවිශේෂි චරිතයකි. සමාජ, ආගමික, ජාතික, දේශපාලනික, අධ්‍යාපනික භූමිකාවන්වල පෙරටුගාමී චරිතයක් වන්නේ ද භික්ෂුවයි. මහින්දාගමනයෙන් පසුව බෞද්ධ රාජ්‍යයක් වූ ශ්‍රී ලංකාවේ රාජ්‍ය පාලකයන් විසින් අවවාද අනුශාසනා ලැබුවේ ද භික්ෂුවගෙනි. බොහෝ විට ස්වකීය අභිමතාර්ථ පසෙකලා පොදු මහජනයාගේ සුභසෙත උදෙසා භික්ෂුව ක්‍රියාශිලීව කටයුතු කරනු ලබයි.

සංස්කාරක සටහන
ධම්ම පිටකත්‍රයෙහි සුලභ වදනකි. අර්ථ සමුදායක් රැගත් ගැඹුරු වදනකි. ධම්ම විවිධාර්ථ හෙයින් තැනට සුදුසු අයුරින් ගතයුතුය. ධාරනාර්ථවාචී ධර ධාතුවෙන් පරම ධම්ම ප්‍රත්‍යයෙන් සංසිද්ධ ධම්ම අර්ථ සමූහයක් ගෙන දෙයි. බුදුරජාණන් වහන්සේ දේශනා කළ නිරවද්‍ය කරුණු විය යුතු ස්වභාවය යන අර්ථයෙන් ධම්ම නම් වෙයි. සංස්කෘතයේ දරන උසුලන සිහියේ රඳන යන අර්ථ ගෙන දෙන ධර්ම යන ප්‍රකෘතියෙහි එම අර්ථයෙන් බුදුරදුන් වදාළ සියල්ල ධර්මයයි. ධම්ම ක්‍රියාකාරිත්වය අනුව ධම්ම සංකල්පයකි. මෙම සංකල්පයෙහි ව්‍යාප්ත වූ අර්ථ ක්‍ෂේත්‍රයක් ඇති බවත් බෞද්ධ චින්තනයෙහි සර්වප්‍රකාරයෙන්ම වැදගත් වූ අර්ථ ගාම්භීර්යයක් මෙම සංකල්පයෙහි අන්තර්ගත බව ත්‍රිපිටක හා අර්ථකථාවන්හි දක්නට ඇති අර්ථ විවරණවලින් දැකීමට පුළුවන. පෙර අපර දෙදිග පහළ වූ චින්තකයන් දාර්ශනිකයන් රාෂ්ට්‍ර පාලකයන් මෙම සංකල්පය අර්ථ නිරූපණය කර ඇත.

මෙම කෘතිය පණ්ඩිත් රාජ්මනී ටිගුනායිට් විසින් රචිත 'The Official Biography of Swami Rama of the Himalayas' කෘතියේ අසංක්ෂිප්ත පරිවර්තනයේ අවසන් කොටස වන අතර බටහිර විමතියට පත් කළ හිමාලයානු යෝගී ස්වාමී රාමා තුමාගේ චරිතාපදානය මෙම කෘතිය තුළ අන්තර් ගත වේ.

වනගත රජමහා විහාර පොතෙන් වන්දනා කරුවා උත්සාහ කළේ වනාන්තර බදව හෝ වන මැද ගල්ලෙන්වල හුදෙකලා වූ පෙති පිළිම, දාගැබ්, පුරාවිද්‍යා ස්ථාන වන්දනා කිරීමටය. ඒවායේ සැඟවුණු පුරාවිද්‍යාත්මක අගය සහ ඓතිහාසික වටිනාකම සොයා ඉදිරිපත් කිරීමටය. මෙම කෘතියේ ගලේවෙල ගැරඬිගල ලෙන්වල ගල් ඇඳන්, ඇති පොල කඳු බෑවුමේ මාතලේ තල්ගහගොඩ ලෙන් විහාරය. ඇළහැර අමුණ සහ බකමුණේ බුදුරුවයාය පිළිමය. කන්දේගම කන්දේ සැතපෙන පිළිමය. හෙනන්නේගල ලෙනේ දාගැබ සහ උතුරේ කුරුඳුමලේ විහාරය. සපුමල්ගස්කඩ සහ කිඹුලාගලත් ගැන කරුණු අඩංගුය. ලංකා පටුන, යාල වන මැද නටබුන් විහාර මෙන්ම තරුලෙන්ගල සහ පඩිකෙම්ගල ඇතුළු අප තුළ කුතුහලය දනවන පුරාණ රජ මහා විහාර රාශියක් ගැන මෙම කෘතියෙන් දැනුමක් ලබාදෙන අතරම ඒවා සොයා වන්දනා කිරීමට පාඨකයා පොලඹවයි