Best sellers

ඔබට අවැසි සෞඛ්‍යා සම්පන්න දිවි පෙවෙත සාක්ෂාත් කර ගැනීම සදහා සහය වීමට නිරතුරු ව සුදානම් අප වනාහි සුදුසුකම් ලත්, අත්දෑකීම් බහුල වෘත්තිකයන් කණ්ඩායමකි. ලොව පුරා සිටින ජනතාවට අත්‍යවශ්‍ය සෞඛ්‍ය තත්ත්වයන් බොහොමයක් වළක්වා ගැනීම පිළිබඳව දැනුවත් කිරීම මඟින් ඔවුන්ට උපකාර කිරීම අප ගේ අරමුණයි. සංකීර්ණ සහ සංක්ෂිප්ත වෛද්‍ය විද්‍යාත්මක කරුණු, ඔබේ භාෂාවෙන් ම කියවා ඔබට අවබෝධ කර ගත හැකි බව සපථ කිරීම අප ගේ උත්සාහය යි. අප ඔබට ඉදිරිපත් කරන තොරතුරුවල කාලීනත්වය, අදාළ භාවය සහ විශ්වාසනීයත්වය සහතික කිරීම සඳහා සෑම පරිච්ඡේදයකම අන්තර්ගතය අපි ප්‍රවේගමෙන් සමාලෝචනය කළෙමු.

මෙම කෘතිය තුළ පිටකත්‍රය මුලාශ්‍රය කරගනිමින් විනය පිටකය, චුල්ලවග්ග පාළිය මෙන්ම මහාවංසය ආදී ඉතා ඓතිහාසික ග්‍රන්ථ ආශ්‍රය කර ගනිමින් ශාසනික හා  ඓතිහාසික වශයෙන් වැදගත් වන විහාරාරාම සහ මෙහෙණවර රාශියක් පිළිබදව ඉතා වටිනා කරුණු රාශියක් අන්තර්ගතය.

There are nine virtues such as Araham Sammāsambuddho in the gem of Buddha. There are six virtues such as Svākkhāto Bhagavato Dhammo in the gem of Dhamma. There are nine virtues such as Supațipanno Bhagavato sāvaka Sangho in the gem of Sangha. When all are added up there are twenty four virtues in the triple gem. It is called "Sūvisi mahā gunaya". This book describing those twenty four virtues is named Süvisi mahā guņaya.  in sinhala ranslate

රූපසිද්ධි - පාලි රූපසිද්ධි මහා ව්‍යාකරණ ග‍්‍රන්ථය පරිශීලනයෙහි නියුක්ත ආධුනිකයනට ඇතිවන ගැහැට දුරලීමවස් සම්පාදිත රූපසිද්ධි  ග‍්‍රන්ථයෙහි දෙවන කාණ්ඩය මෙයයි. මෙම ග‍්‍රන්ථය මගින් පාලි ව්‍යාකරණාවබෝධයට සරල මාර්ගයක් ලබාදෙනු ලබන අතර පිරිවෙන් අධ්‍යාපනයේදී ද ආවශ්‍යක ග‍්‍රන්ථයක් ද වේ. 

" ලක්දිව පරංගි ප්‍රයත්නය " නමැති මෙම ග්‍රන්ථය 1506 -1658 කාලය තුළ මෙරට පරංගි ක්‍රියාකාරකම් ගැඹුරින් සලකා බලන නූතන පර්යේෂණ අඩංගු කෘතියකි. පරංගීන්ගේ මෙරට සම්ප්‍රාප්ති කාලය, කෝට්ටේ, සීතාවක, මහනුවර සහ යාපන රාජධානි සමග හටගත් ගැටුම්, ඒවායේ ප්‍රතිඵල විශ්ලේෂණය කෙරේ.මෙහි සකාරණව විග්‍රහ කෙරෙන්නේ. පරංගීන් මෙරට ඇති කළ කැළඹිලිකාරි තත්වයත්, විදේශිකයා පිටු දැකීමට මෙරට විරෝදාර රණකාමී රජවරුන් සහ ජනතාව ගත් අප්‍රහිතක උත්සාහයකි. එකී උත්සාහයේදී මෙරට ඇති වූ විනාශය, වෙනස්කම්ද, ආර්ථික, ආගමික, සමාජයීය ක්‍ෂේත්‍රවල ඇති කළ බලපෑම් ද ගෙන හැර පායි. මෙම චිත්තාකර්ෂණීය වුද, චිත්ත සන්තාපයට හේතු වන්නා වූද ඉතිහාස කතා පුවත පාඨකයාගේ සිත් ගන්නා අයුරින් ඉදිරිපත් කෙරේ.

කෘතිය ඇසුරෙන්...
අනාදිමත් කාලයක සිට මිනිසා විසින් ගොඩනගන ලද සමස්ථ ඥාන පද්ධතිය සමගින් ජන මනෝවිද්‍යාව සමූහනය වී ඇත. ජන මනෝවිද්‍යාව විෂය මෙන්ම, එහි ස්වභාවය සහ විෂය ක්‍ෂේත්‍රය නවමු ශාස්ත්‍රීය සහ ක්‍ෂේත්‍රීය ගවේෂණයකට බුද්ධිය මෙහෙයවනු ලබයි. චය, අපගේම මනස පිළිබඳ අධ්‍යයනයක් ද වන්නේය.මෙම විෂය දර්ශනය, මනෝවිද්‍යාව පිළිබඳ අධ්‍යයනය කරනු ලබන ස්ථරයන්වලදී පවා වැඩිමනත් අයුරින් සාකච්ඡා නොවන බැව් පෙනේ. එය, ශ්‍රී ලාංකේය විශ්වවිද්‍යාල හා උසස් අධ්‍යාපන ක්‍ෂේත්‍රයට පමණක් සීමා වූවකි. මක්නිසාද යත්, යුරෝපා රටවල විශ්වවිද්‍යාල මට්ටමින් මෙම විෂය පළල්ව අධ්‍යයනය හා නිරීක්ෂණය සිදු කරනු ලබන හෙයිනි.ව්‍යවහාරය කෙසේවතුදු, මෙමගින් පාරදෘශ්‍ය කරලනු ලබන්නේ, ජන මනස හා සබැඳි මූලයන් පිළිබඳ අන්තරාවලෝකනයකි. ගවේශණයකි. වෙනත් අර්ථයකින් කියන්නේ නම්, අපගේම මනස පිළිබඳ ඉතිහාසය හා සබැඳි මානව චර්යා පිළිබඳ අධ්‍යයනයකි. එකී නිරීක්ෂණයන් මෙම කෘතියෙන් ගම්‍යමානය.

මෙය වනාහි දෛවඥවාවස්පති ශ්‍රී වාසුදේවගුප්තයන් විසින් ලියන ලද "ග්‍රහපලදර්පණ" නම් කෘතියේ සිංහල අනුවාදයයි මෙහි මුල ග්‍රන්ථය අස්මදාචාර්යය කෝට්ටේ ශ්‍රී කල්‍යාණි සාමශ්‍රි ධර්ම මහා සංඝ සභාවේ මහානායක ධූරණ අග්ගමහා පණ්ඩිත, ආචාර්යය බෙල්ලන ශ්‍රී ඤාණ විමලාභිධාන මාහිමිපාණන් වහන්සේට ඉදිරිපත් කරන ලදුව කෙසේ හෝ මෙය සිංහලට පරිවර්තනය කරනු ලෙස උන්වහන්සේගෙන් දිරිගැන්වීමක් ලැබිණි. මා තදබල ලෙස රෝගාතුරව සිටින මෙවන් අවස්ථාවකදී වුවත් ධෛර්යයෙන් යුතුව එම ඉල්ලීම ඉටු කළෙමි.මෙහි කතුවරයා විසින් නවග්‍රහයින්ගේ පලාපල පිළිබඳ භාවාත්ථ සහිතව මෙම කෘතිය රචනා කර තිබේ. සංස්කෘත ශ්ලෝක හා එහි භාවාත්ථය මෙහි අන්තර්ගතව ඇත. පදානු පදික පරිවර්තනයක් මෙහි නොමැත. මෙයට ප්‍රස්තාවනාවක් සපයා ඇති ශ්‍රී සීතාරාමන්ධා විසින් එය අනුමත කර තිබේ. මෙය කියවා පාඨකයා අවබෝධය ලබා ගත යුතුය.
මෙම කෘතිය මුද්‍රණය කොට ප්‍රකාශයට පත් කළේ අප හිතාදර ගොඩගේ සහ සමාගමේ අධිපති විශ්ව ප්‍රකාශන ශිරෝමණී (විද්‍යාලංකාර) දේශබන්ධු සිරි සුමන ගොඩගේ මහත්මාණන් විසිනි. එතුමාට මගේ ප්‍රසාදය හිමිවෙයි. පරිගණක හා මුද්‍රණ කටයුතු කළේ දෙහිවල නැදිමාලේ ශ්‍රී දේවී ප්‍රින්ටර්ස් අධිපති මහේන්ද්‍ර සේනානායක මහතා හා ඔහුගේ දයාබර පුත්‍ර හරිත ධරෙන්ද්‍ර සේනානායක මහත්මා ඇතුළු කාර්යය මණ්ඩලය විසිනි. පිට කවරය සකස් කර දුන්නේ ඩබ්ලිව්. එම්. කේ. විජය බණ්ඩාර මහත්මා විසිනි. මගේ ශාස්ත්‍රීය කටයුතු වලට සහයෝගය ලබා දෙන එසේම ශොධ්‍යපත්‍ර බැලීමෙන් හා ශංසය ස්ථාන නිරාකරණය කිරීමෙන් උපකාර කළ විශ්‍රාමලත් කථිකාචාර්ය, ශාස්ත්‍රපති, එච්. එල්. එස් අභයසිංහ මහතා ඇතුළු සියළු දෙනාටම මගේ අශිංසනය පිරිනැමේ.
හිරිපිටියේ පඤ්ඤාකිත්ති හිමි

ඔහු ජිවත් වූයේ උඩරට කැරැලි දෙකකින් උගත් පාඩම් මතඉංග්‍රීසි පාලකයන් විසින් රට ස්ථාවර කරමින් සිටි දහනව වනි ශත වර්ෂයේ දෙවැනි භාගයේය.එබැවින්ම ඔහුගේ වෙහෙසකර රාජ්‍ය සේවය රටේ සිදු වූ සමාජ දේශපාලන ආර්ථික හා අධ්‍යාපනික පරිවර්තන ක්‍රියාවලි ඉතිහාසයේ කුඩා පරිච්ඡේදයක් බවට පත්වෙයි.අමිහිරි ළමා කාලයකින් පසු අධිෂ්ඨානයෙන් කැපවීමෙන් සිය ජීවිතය සාර්ථකව ගොඩනගාගත් ඔහු ළමා කාලයේ සිටම සිංහල, ඉංග්‍රීසි, පාලි, සංස්කෘත ඉගෙන භාෂා ප්‍රවීණයෙකු ඔබට පත්වෙයි. කාලිදාසගේ මේඝ ධූත කාව්‍යය සිංහලයට පරිවර්-තනය කරයි. අලිඛිත උඩරට නීතිය, නීති නිඝණ්ඩුව නමින් ග්‍රන්ථාරූඩ කරයි.ඔහුගේ සුජාත පුත්‍රයෙකු මෙන්ම ප්‍රකට රාජ්‍ය තාන්ත්‍රිකයෙකු වූ ටිකිරි බණ්ඩා පානබොක්කේ (කනිෂ්ඨ) ලද ප්‍රසිද්ධිය පියා වූ ටිකිරි බණ්ඩා පානබොක්කේට (ජ්‍යෙෂ්ඨ) නොලැබී ගිය සෙයකි.වසර සියයකට ආසන්න කාලයක් සැඟව තිබූ ඔහුගේ ස්වයං ලිඛිත චරිතාපදානය මෙසේ සිංහලයෙන් එළි දැක්වීම මගින් එම අඩුව සපිරේ.

ශ්‍රී ලාංකේය සම්භාව්‍ය අධ්‍යාපන ඉතිහාසයෙහි කලෙක පටන් පැවැති අවශ්‍යතාවක් සම්පූර්ණ කිරීමක් වශයෙන් සංස්කෘත ආධුනික ශබ්දකෝෂය" සම්පාදනය වී ඇත. පිරිවෙන් හා ආධුනික සිසුන් සඳහා මෙම ශබ්දකෝෂය සම්පාදන වී ඇතත්, එමගින් දුහුනන් හට පමණක් නොව වියතුන්ට ද අනල්ප වූ ප්‍රයෝජනයක් අත්වනු නිසැක ය. මෙම ආධුනික ශබ්ද කෝෂය ආකෘතික වශයෙන් ඉතා සරල ය. ශබ්දකෝෂ සම්පාදනයේ දී ජනප්‍රිය අකාරාදි පිළිවෙළ අනුව වචන හෙවත් පද ගොනු සඳහා දේවනාගරී අක්ෂර භාවිත කරමින්, එම ශබ්දවල උච්චාරණය ද සිංහල අක්ෂර වලින් දක්වමින්, අර්ථ පැහැදිලිව දක්වා ඇත. සංස්කෘත විෂය වැනි සම්භාව්‍ය භාෂාවක් අධ්‍යනය කිරීමට අපේක්ෂා කරන ආධුනික ශිෂ්‍යයන්ට මහත් ප්‍රයෝජනයක් සලසන කෘතියකි.වචන පන්දහසකට අධික ප්‍රමාණයකට අර්ථ සපයා ඇති අතර, ශාස්ත්‍රීය ගවේෂණය සඳහා දේශීය හා විදේශීය මූලාශ්‍ර රාශියක් පරිශීලනය කර තිබීම ද සැලකිය යුත්තකි. නූතන තාක්ෂණික උපකරණ සඳහා භාවිත කරන වචන මෙන්ම, විද්‍යාත්මක වචන කෙරෙහි ද අවධානය යොමු කර තිබීම සුවිශේෂ ලක්ෂණයකි.තවද සංඛ්‍යා නාම, සංඛ්‍යා ස්ථාන නාම සහ විශේෂ වචන වසයෙන් දින හතේ නම්, මාස දොළහේ නම් දක්වා තිබීම ද අගය කළ යුතු ය. අ. ධා - අර්ථවත් ධාතු, ක්‍රි.වි -ක්‍රියා විශේෂණ, අව් - අව්‍යපද, නි - නිපාතපද වශයෙන් ශබ්දකෝෂ ක්‍රම වේද වලට අනුව කෙටි යෙදුම් දක්වා තිබීම ද ශබ්දකෝෂය පරිශීලනයෙහි පහසුවකි.සංස්කෘත විෂය පිළිබඳ ප්‍රාමාණික විද්වත් භාවයක් අත්කරගෙන සිටින පදියතලාවේ අමරවංශ හිමි ප්‍රාචීන භාෂා ශාස්ත්‍ර පිළිබඳව සහ තුලනාත්මක වාග් විද්‍යාව සම්බන්ධව ද ශාස්ත්‍රීය පර්යේෂණ රාශියක ව්‍යාවෘතව සිටියි. ග්‍රන්ථ කරණය සම්බන්ධයෙන් උන්වහන්සේ සතු සුවිශේෂ වූ ප්‍රායෝගික දැනුම "සංස්කෘත ආධුනික ශබ්දකෝෂය ¨ සම්පාදනයෙහි ද, යොදාගෙන තිබේ. ඉතා පරිශ්‍රමයෙන් වචන තෝරාගෙන, එහි නිරුක්ති ප්‍රකාරව අර්ථ දැක්වීම කෙරෙහි අවධානය යොමු කර ඇත. සංස්කෘත භාෂාව සහ සාහිත්‍යය පිළිබඳ සමාරම්භයේ සිට වර්තමානය දක්වා භාෂාමය, සමාජීය අවශ්‍යතා සපුරා ගැනීමට අවශ්‍ය ශබ්ද භාවිතය පිළිබඳ සංග්‍රහයක් ලෙස ද, අගය කළ හැකිය.
පූජ්‍ය පැපිළියානේ සුමිත්ත නා හිමි ජ්‍යෙෂ්ඨ කථිකාචාර්ය, සාරිපුත්ත ජාතික අධ්‍යාපන විද්‍යාපීඨය, නිට්ටඹුව.

වෛද්‍ය හෙන්රි මාර්ෂල් ම සිය සංඥාපනයේ පවසන පරිදි ඔහු 1808 දී ලංකාවට පැමිණියේ ය; කන්ද උඩරට රාජධානිය අත්පත් කරගැනීම සඳහා 1814 දී සංවිධානය කළ හමුදාවේ පළමු වන සේනාංකයට අයත් වූයේ ය. 1816 සිට 1821 තෙක් උඩරට පළාත්වල ජ්‍යෙෂ්ඨ ම වෛද්‍ය නිලධරයා වූයේ ය.මේ නිසා ම වෛද්‍ය හෙන්රි මාර්ෂල් කන්ද උඩරට රාජ්‍යය ඉංග්‍රීසින් හට අත්පත් වීම හා 1818 උඩරට නිදහස් සටන ද යන, අප රටට අතිශයින් ම වැදගත් වූ චෙතිහාසික අවස්ථාවන්හි සාක්ෂ්‍ය කරුවෙකි; සිංහලයේ අන්තිම රජු වූ ශ්‍රී වික්‍රම රාජසිංහ හා කතාබස් කළ තැනැත්තෙකි; කැප්පෙටිපොළ මහ නිලමේ සිය මරණයට වීරෝදාර ලෙස මුහුණ දුන් අයුරු දෑසින් දුටු වාර්තාකරුවෙකි. අද අප ගේ ජාතික වස්තුවක් වන ඒ වීරයා ගේ හිස් කබල රැකුණේ ද ඒ අවස්ථාවේ දී මේ වෛද්‍යවරයා වය ආරක්ෂා කරගැනීමට කටයුතු කළ නිසාය.
දහනව වන සියවසේ ලංකාව පිළිබඳ ව යුරෝපීයයන් ලියූ අනෙක් කෘතිවලට වඩා මේ කෘතිය සුවිශේෂ වනුයේ වෛද්‍ය මාර්ෂල් මෙය රචනයේ දී දක්වා ඇති මධ්‍යස්ථ භාවය නිසා ය. එහි දී ඔහු හා සම වනුයේ වෛද්‍යවරයකු ම වූ ජෝන් ඩේවි පමණි. එයට අමතර ව, ලංකාව පිළිබඳ ව ඒ වන විට පළ ව තිබු ග්‍රන්ථයන් ගෙන් ද නොපළ වාර්තා සටහන්, දිනපොත්, ලියුම්, හමුදා වාර්තා සටහන් ආදි බොහෝ මූලාශ්‍රයයන්ගෙන් ද උපුටාගත් කරුණු වලින් මේ ග්‍රන්ථය පිරි පවතී.

සත්‍ය සිද්ධි ඇසුරෙන් පුනර්භවය හා කර්මවිපාක විශ්ලේෂණය නම් මෙම කෘතිය කේ. කමලා කුලතුංග මහට්ජ්මිය විසින් රචනා කර ඇති අතර මෙහි විශේෂත්වය නම් සියලුම කථා සත්‍ය සිදුවී  වීමයි.

බටහිර යටත්විජිතවාදයේ නැගීම සහ වැටීම

ශ්‍රී ලාංකේය ඉතිහාසයේ අවසාන රාජාණ්ඩු සමය දෙදරුම් කළ ප්‍රබලම චරිතය ඇහැලෙපොළ මහා අදිකාරම්ය. සෙංකඩගල රාජධානියේ බලය සහ ඉංග්‍රීසි ආක්‍රමණිකයන්ගේ කූටෝපායන් මැද දෝලනය වූ ඔහුගේ ජීවිතය, වීරත්වයේත් ශෝකාන්තයේත් අසමසම එකතුවකි.ශ්‍රී වික්‍රම රාජසිංහ රජු සමඟ ඇති වූ ගැටුම හමුවේ, ඇහැලෙපොළ කුමාරිහාමි සහ දරුවන් මුහුණ දුන් අතිශය අමානුෂික ඛේදනීය ඉරණම සිංහල ඉතිහාසයේ නොමැකෙන කැළලකි. බලය උදෙසා රට පාවා දුන් ද්‍රෝහියෙකු ද? නැතහොත් කෲර පාලනයකට එරෙහි වූ විප්ලවවාදියෙකු ද?
1815 උඩරට ගිවිසුම හරහා රාජධානි පෙරළියට මඟ පෑදූ ඔහුගේ භූමිකාවත්, පසුව ඉංග්‍රීසින් අතින්ම සිරකරුවෙකු වී මොරිෂස් දූපතේදී අවසන් හුස්ම හෙළීමට සිදු වූ ඉරණමත් මෙම කෘතියෙන් විමර්ශනය කෙරේ. ඉතිහාසයේ සැඟවුණු සත්‍ය සොයා යන පාඨකයාට මෙය අගනා අත්දැකීමකි.

A detailed description of one of the most used suttas by ven.Balangoda Dhammananda 

පටිච්ච සමුප්පාදය මනස පිළිබද විශ්ලේෂණයක් යන මෙම කෘතිය වසර පහළොවක පමණ කාලයක සිට භාවනාවෙහි යෙදී අත්දැකීම් ලබාගෙන සිටින නිමල් ප්‍රනාන්දු මහතා විසින් රචනාකර ඇති අතර එය සත්වයකුගේ භවාන්තර උත්පත්තිය සංසාරික පැවැත්ම ධර්මාවබෝධය හා නිර්වාණවබෝධය පිළිබදව විස්තර කරයි.නොයෙකුත් කරුණු සංයෝජනය වීමෙන් මුළු විශ්වධාතුවම ඇතුළුව එහි තුළ අන්තර්ගත සියලු වස්තූන්හි හටගැන්ම,පැවැත්ම අභාවයටපත්වීම හා නැවත හට ගැන්ම සිදුවන බවත් මේ චක්‍රයෙන් මිදී යා හැකි බවත් ඒ සදහා මාර්ගයයක් පවත්නා බවත් ධර්මයෙහි විග්‍රහ වේ.
මෙම ග්‍රන්ථයේ කර්තෘ නිමල් ප්‍රනාන්දු මහතා පටිච්ච සමුප්පාදය තුළින් සිත පිළිබද විශ්ලේෂණයක් මෙහි ඉදිරිපත් කර ඇත. පටිච්ච සමුප්පාදය පිළිබදව ගැඹුරු අවබෝධයක් නොමැති අයට වුවද ඒ පිළිබදව ක්‍රමානුකූල අවබෝධයක් ලබා ගැනීමට පිටුවහලක් වන ග්‍රන්ථයක් ලෙස හැදින්විය හැකිය.

දිගු කලක සිට මෙරට භාවිත වන, දෙවියන් පිළිබඳ කවි එක් රැස් කොට තනි පොතක් වශයෙන් අද ඔබ අතට පමුණුවන මෙම කෘතිය. රුහුණු මාගම් පුර පෙදෙසේත්, සබරගමු පළාතේ හා නුවර ගම්පොළ ආදි පළාත් වලත් භාවිත වන  දේව කවි  රැසක එකතුවක් ලෙස හැදින්විය හැකිය.

දුටුගැමුණු මහ රජතුමා විසින් අනුරාධපුරයෙහි කරවන ලද රුවන් වැලි සෑය පිළිබඳ ඉතිහාසය පවසන ථුපවංශ' නම් වූ මේ ග්‍රන්ථය සකල විද්‍යාචක්‍රවර්ති පරාක්‍රම පණ්ඩිත නම් උගතෙකු විසින් රචනා කරන ලද්දකි.මේ පඬිවරයා හා බුත්සරණ කළ විද්‍යා චක්‍රවර්තීන් එක් කෙනෙක්ම යයි මීට කලකට පෙර අප අදහස වූ නමුත් ඒ අදහස වැරදි බව කියන්ට දැන් කරුණු තිබේ.බුත්සරණෙහි භාෂාව හා වෙනත් කරුණුත් පරික්ෂා කළ විට පෙනෙන්නේ එය පොළොන්නරු කාලයට අයත් ය යන බවය. ථූපවංශයෙහි සමහර තැන බුත්සරණින් ගෙන යෙදූ පාඨ තිබෙන නමුත් එය කුරුණෑගල කාලයට අයත් බව එහි තිබෙන ද්‍රවිඩ වචන බහුල වූ භාෂාවෙන් ඔප්පු වේ. මෙහි පෙනෙන ' මයිලඩි' ආදී සමහර ද්‍රවිඩ වචන අනික් සිංහල පොතක නැත්තේය.
මහා ස්තූපය පිළිබඳ ඉතිහාසය ඇතුළත් මේ පොතෙහි මුල බුද්ධ චරිතය සංක්ෂේපයෙන් දක්වන ලදී. මාර යුද්ධය මනොරමාකාරයෙන් මෙහි දක්වන ලදී. දශ පාරමිතාවන් යොධත්වයෙන් රූපණය කොට කළ වර්ණනාව අතිශය චමත්කාර ජනකය.මේ පොත බෞද්ධයන් විසින් බණ පොතක් ලෙස ආදරයෙන් කියවනු ලැබේ. සමහර විට අධ්‍යයන පරීක්ෂණයන් සඳහා ද මෙහි කොටස් නියම කරනු ලැබේ.සම්පූර්ණ ථුප වංශය දැන් සුලභ නොවේ. ඒ පිළිබඳ ව යෙදීමට අපට කාලයක් නොමැති හෙයින් ඒ කාර්යය විද්‍යොදය පිරිවෙනෙහි ආචාර්යවරයෙකු වූ පණ්ඩිත ගලගම සරණංකර ස්ථවිර නමට පැවරිමු. ඒ ස්ථවිර නම විසින් මෙය සකස් කර ඉතා අමාරු ගැටපදයට විවරණයක් ද සම්පාදනය කරන ලදී. මේ පොත කියවන සාමාන්‍ය බෞද්ධයන්ට ඒ ගැටපද විවරණය ප්‍රයෝජනවත් විය හැකිය.
වැලිවිටියේ සෝරත නායක ස්ථවිර

ක්‍රි. ව. 629 දී ඉන්දියාවට පැමිණ අවුරැදු 16 ක් එහි වැස ධම ශාස්ත්‍ර ඉගෙන මුළු ඉන්දියාවේම ඇවිද සිද්ධස්ථානාදිය බලා, පොත් රාශියක් එත්කොට ගෙන ක්‍රි.ව. 645 හේ දී චීනයට පැමිණි හියුං සියං තෙරනම ලියූ ගමන් විස්තරය තරම් විශාල ගමන් විස්තරයක් අන්‍ය චීන තෙරනමක් විසින් නොලියන ලදී. චීන බසින් ලියූ ඒ ගමන් විස්තරය සමුවේල බිලී පඬිතුමා විසින් ඉංග්‍රීරිසියට නගන ලදී. ඉන්පසු එය ගමන් විස්තරයන්ගේ සිළුමිණක් බව දැනගත් පඬිවරු ප්‍රංශ, ජර්මන්, වංශ ආදී භාෂාවලටද, නැගූහ. මේ සිංහලානුවාදය වනාහි වී ගමන්  විස්තරයන් එතුමාගේ ජීවන චරිතයත් එක්කොට ගලපා කරන ලද්දකි. "හියුං සියං යන්න ඒවං ඒවා යයිද ශබ්දය කරනු ලැබේ.

සිංහල කෂාය සංග්‍රහය නම් වූ මේ වෛද්‍ය ග්‍රන්ථය වනාහි අතීත ලංකාවෙහි සකලාංග සම්පූර්ණ ඉමහත් දියුණුවකින් පැවති ආයුර්වේද වෛද්‍ය ශාස්ත්‍රය හකුළුවා පැවිදි - ගිහි පඬිවරයන් විසින් ලියන ලද අර්ක ප්‍රකාශය (ශ්‍රී ලංකාධිපති රාවණ අධිරාජ) සාරාර්ථ සංග්‍රහව (ශ්‍රී ලංකාධිපති නරේන්ද්‍ර බුද්ධදාස) වරසාරාර්ථ සංග්‍රහව -සාරසංග්‍රහව - යොගාණිවය ප්‍රයෝග රත්නාවලිය (මයුරපාද පරිවෙණාධිපති බුද්ධ පුත්‍ර හිමි) භෙසජ්ජ මඤ්ජුසාව (පංචමූල පරිවෙණාධිපති හිමි) යෝගරත්නාකරය (මෝරගම්මන හිමි) වරයොග සාරය - හෙසජ්ජ මංජුසා සන්නය (වැලිවිට ශ්‍රී ගරණංකර සංඝරාජ හිමි) ශ්‍රී වීර පරාක්‍රම නරේන්ද්‍රසිංහ රාජ වෛද්‍යවරයාගේ අත් වේද පොත, ඇහැළපොළ අධිකාරම්තුමාගේ අත්වෙද පොතහා දඹදිව විසූ චරක - සුශ්‍රුත - වාග්භටාදි මහා දාර්ශනිකයන් විසින් ද ලියන ලද වෛද්‍ය ග්‍රන්ථයන්හි එන ප්‍රත්‍යක්ෂ ඵලදාසි ඖෂධ යෝග උපුටා තුන්දොස් සමනයෙන් දීර්ඝකාලීන නීරෝගතාවය අපේක්ෂා කරන රෝගීන්ගේ හා වෛද්‍යවරයන්ගේ ප්‍රයෝජනය සඳහා සකස් කරන ලද්දකි.

මේ කුඩා ග්‍රන්ථයේ විස්තර වන්නේ චිත්තහත්‍ථ මහ රහතන් වහන්සේ ගේ ශුද්ධ වූ චරිත කථාවයි. මුන් වහන්සේ ද අසූ මහා ශ්‍රාවකයන් වහන්සේලා අතරට අයත් නොවන මහ රහතන් වහන්සේ නමකි. එසේ ම ඒ තරම් ප්‍රකට නැති මහ රහතන් වහන්සේ නමකි. මේ උතුම් මහ රහත් චරිත කථාව සකසා ගැනීමේ දී ප්‍රධාන වශයෙන් භාවිත කළේ ධම්මපදට්ඨ කථාවත්, කුද්දාල ජාතකයත් ය.
ගෞතම බුදුසසුන තුළ මුන් වහන්සේ වඩා ත් ප්‍රකට වී ඇත්තේ සය වතාවක් සිවුරු හැරදමා ගොස් සත් වැනි වර නැවත පැවිදි වී අවසානයේ රාගාදී සියලු කෙලෙසුන් නසා දමා රහත් ඵලයට පත් වූ තෙරුන් වහන්සේ වශයෙනි. '

ජාතක පොත පොදුවේ අපේ සංස්කෘතිය කෙරෙහිත්, විශේෂයෙන් සාහිත්‍ය හා කලා ශිල්ප කෙරෙහිත් කර ඇති බලපෑම අනල්ප ය. එහෙයින් දිවයිනේ ප්‍රකට ගිහි පැවිදි වියතුන් කිහිප පළක් විසින් ජාතක පොතෙහි විවිධ අංශයන් අළලා කැරුණු දේශන වල පිටපත් රැගත් මෙම ලිපි සංග්‍රහය සිංහල සාහිත්‍යය වංශයට කැරෙන වැදැගත් එකතුවෙකි. මහාචාර්ය ඒ. වී. සුරවීර, මහාචාර්ය එම්. බී. ආරියපාල හා පණ්ඩිත බද්දේගම විමලවංස නා හිමි යන වියතුන් ගේ පර්යේෂණාත්මක හා සාර්ගර්භ ලිපි මෙහි ලා විශේෂයෙන් සඳහන් කරනු වටී.

අග්ගමහා පණ්ඩිත, විනය විශාරද, ආචාර්ය පරම පුජහීය වැලිගම සිරි ඤාණරතනාභිධාන අමරපුර ශ්‍රී ධර්මරක්ෂිත මහා නිකායයේ මහානායක මාහිමිපාණන් වහන්සේ වූ කලී සමීපාතීතයේ ශ්‍රී ලාංකේය ථේරවාද භික්ෂු පෞරුෂය අන්වර්ථ කළාහු අජානේය සංඝ නේතෘවරයාණ කෙනෙකි. ධර්ම විනය පිළිබඳ අටුවා - ටීකා නයින් නිරාකූලව ලිවීමෙහි හා බිණීමෙහි විස්මයාවහ විස්කම් පෑ උන්වහන්සේ අග්ගමහා පණ්ඩිත පූජ්‍ය බලංගොඩ ආනන්ද මෛත්‍රෙය මහ සමිඳුන් අතින් 1953 වර්ෂයෙහි ලක්දිව අග්‍රතම ධර්ම දේශකයන් වහන්සේ ලෙස අභිෂේක ලත්හ.
ධර්ම - විනය පිළිබඳ කුදු මහත් ග්‍රන්ථ ශතාධික සංඛ්‍යාවක් ලියා පළ කළ උන්වහන්සේ ථේරවාද මෙන් ම මහායාන බෞද්ධ ලෝකයාගේ ගෞරවාදරයට පාත්‍ර වූ චිරරාත්‍රඥ මහ තෙර නමකි. ගිහි බෞද්ධයාගේ සදාචාර වර්ධනය උදෙසා නිරතුරුව ලොකු කුඩා දහම් පොත් ලිවීම අවිජහිත සිරිතක්ව පැවති අතර, ඇතැම් දහම් ග්‍රන්ථවල පිටපතකුදු සොයා ගැන්ම දැනට දුර්ලභව පවතී. එබැවින් ඒ සියලු පොත් එකතු කොට කාණ්ඩ වශයෙන් පළ කිරීමට සූදානම් කොට ඇති අතර, මේ එහි පළමු පියවරයි. මෙම ධර්ම සංග්‍රහය හැම අතින් ම කාලෝචිත වන අතර, ධර්මකාමී සැමගේ වාසනාවක් බව නොපැකිළ පැවසිය හැකි ය.
පූජ්‍ය බුත්තල ඤාණාධාර හිමි පරිවෙණාධිපති - සිරි ඤාණරතන පිරිවෙන, මාකඳු ගොඩ, තල්පෙ, ගාල්ල,

Dependent origination is the core teaching common to all sects of Buddhism. It describes how a being comes to be, persists and with the realization of Nirvana, ceases to be. Persistence or life – existence - is unsatisfactory – dukkha – since ageing, illnesses and death etc., take place during this life. In order to fully cease dukkha – the unsatisfactory existence - one needs to understand dependent origination which invariably leads them to the practice of the Noble Eightfold Path culminating in the cessation of unsatisfactory existence - dukkha. Nimal Fernando, the author of this treatise, has explained dependent origination as an analysis of mind so that those who are not so enamored with the traditional presentation may find it compelling.

ශ්‍රී ලංකාවේ ශිලාලිපි හා සන්නිවේදනය පිළිබද සිරිසමන් විජේතුංග මහතා විසින් සම්පාදිත මෙම ග්‍රන්ථය ඉතා වැදගත් කෘතියක් වන අතර මෙම කෘතිය මගින් ඉතා වටිනා ශාස්ත්‍රීය සේවාවක් සිදු වන අතරේම ශිලාලිපි හා සන්නිවේදනය පිළිබද එක් දේශයක් කෙරෙහි නවමු අලෝක ධාරාවක් යොමුකරමින් ශිලාලිපි හා සන්නිවේදනය අතර පවත්නා සම්බන්ධය මෙලෙස අනාගත විද්‍යාර්ථීන්ට ගෞරවයෙන් ඉදිරිපත් කරනු ලබයි...

පුරාණ සෙල්ලිපි යනු එක් අතකින් තථ්‍යකාල වර්තා ලෙස සැලකිය හැකි මූලාශ්‍ර ප්‍රභේදයකි. එවැනි වාර්තාවක් සංශෝධනය වීමට තිබෙන ඉඩ ඉතා සීමිතය. මහාධිරාජඅශෝක වරක් තමා විසින් තොටවන ලද සෙල්ලිපි හැඳින්වීම ටිවිරස්ථිතික යන යෙදුම භාවිත කලේය . එහි අරුත සදාකල්හිම පවත්නා යන්න යි.
ඉනෝකා මන්නිලක විසින් රචනා කර තිබෙන මෙම කෘතිය ග‍්‍රී ලංකාවේ පැරණිතම සෙල්ලිපි තේමා කර ගැනීමෙන් රචනා කරන ලද්දකි. එම සෙල්ලිපිවල සඳහන් වන රාජ අභිධාන සහ ඒ ඒ රජ පවුල්වල අනුපිළිවෙල ඒ ඇසුරින් පහදා දීමට ඇය විසින් සැලකිය යුතු වෙහෙසක් දරා තිබේ. ඇයගේ උත්සාහය ශාස්ත්‍රීය දෘෂ්ටිකෝණයකින්  බලන විට වඩාත් වැදගත් වනුයේ එමගින් ශ්‍රී ලංකාවේ සෙල්ලිම පර්යේෂණ  පිළිබඳ උනන්දුවන්නේකුට ඒ සඳහා කල්පනා කිරීමට සරිලන නව ඉසව්වක් විවෘත කර තිබෙන නිසාය. ඕනෑම කාලයක පුද්ගලයෙකු විසින් භාවිත කරන අභිධාන, ධුරාවලී නාට, ආදි දේ සංශාතාත්මකය. ඉන් සන්නිවේදනය කරන විවිධ අරුත් තිබිය හැකිය. ප්‍රායෝගිකව දුෂ්කර වුවත්, ඒවා විකේතනය කිරීම යනු ඉතිහාසය වටහා ගැනීමට ඉවහල් වන, වැදගත් ප්‍රවේශයකි කතුවරිය මෙම කෘතියේ දී ඊට මූලික පියවරක් ගෙන තිබේ. මෙරට ඉතිහාසයෙවිසූ පාලකයින්ගේ අන්වය පිළිබඳ තවමත් නොවිසඳුනු ගැටලු කිහිපයක් තිබේ. අනාගතයේ දී ඒවා විසදීමට අරමුණු කර ගන්නා පර්යේෂකයෙකුට මෙම කෘතිය යම් ආදර්ශයක් සපයනු ඇත යන්න මගේ විශ්වාසය යි. සෙල්ලිපි ගැන උනන්දු වන සාමාන්‍ය පාඨකයෙකුට මෙවැනි කෘති මගින් අගය කළ යුතු මෙහෙයක් ඉටු කරනු ඇත.

පුරා විද්‍යාව පිළිබඳ මහාචාර්ය 
රාජ් සෝමදේව 

දා හත්වන සහ දහ අටවන සියවසේදී බොහෝ යුරෝපීය ජාතිකයන් සංචාරකයන් ලෙස ලංකාවට පැමිණියහ. ඔවුන් ලංකාවේ සොබා සෞන්දර්යයට කැමැත්තක් දැක් වූ අතර, ඒ වන විට රට පුරා තිබූ වනාන්තර ඔවුන්ගේ ගවේෂණ වලට ලක්වූයේ ය.
මේ කෘතියේ සඳහන් වන්නේ එවැනි සංචාරකයන් පිරිසක් යුරෝපයේ සිට ලංකාව බලා පැමිණීම යි. ඔවුන් යුරෝපයේ සිට දකුණු අප්‍රිකාවටත්, එතැන් සිට මාලදිවයින හරහා මුහුදු මාර්ගයෙන් ලංකාව බලා පැමිණෙති. ඔවුන්ගේ මුහුදු ගමන අතරතුර සිදුවන සිද්ධීන් ද, මාලදිවයින් දූපත් වලදී මුහුදු කොල්ලකරුවන්ගේ අත්අඩංගුවට පත්වී අවසානයේ ඔවුන්ගෙන් ගැලවී පලා යාම ද කතුවරයා විසින් සිත්ගන්නා ලෙස විස්තර කර ඇත. ලංකාවට පැමිණීමෙන් පසු ඔවුන්ගේ විවිධාකාර වූ ගවේෂණ පිළිබඳව ද කතුවරයා විසින් සිත් ගන්නා සුළු ආකාරයට විස්තර කර ඇත.

ප්‍රධාන පෙලේ මානව හිතවාදියෙක් ලෙස සැලකෙන රොබින් ශර්මා ලාබ නොලබන සමාජ සහ ආයතන රාශියක ආරම්භකයා වෙයි. ලෝකය පුරා දරිද්‍රතාවයෙන් පෙලෙන කුඩා දරුවන්ගේ සහ ළමුන්ගේ යහපත සඳහා ඔහුගේ අනුග්‍රහයෙන් පුන්‍ය ආයතන රාශියක් ක්‍රියාත්මක වන අතර ලාදුරු රෝගයෙන් පෙලෙන කුඩා දරුවන් නඟා සිටුවීම වෙනුවෙන් ඔහු සුවිශේෂී උනන්දුවක් දක්වයි. නායකත්ව පුහුණුව පිළිබඳ ලොව පුරා කීර්තියක් ලබන ශර්මා, පුද්ගල මානසික සංවර්ධනය ගැන ප්‍රවීනයෙකි. ආලෝකයට මං පෙන්වන්නෙක් වන මොහුගෙන් උපදෙස් ලබන්නන් අතර 'වාසනාවන්ත සමාගම් සියය ' මුල්කොට ගත් සුප්‍රසිද්ධ බිලියනපතියෝ, ප්‍රධාන පෙලේ ක්‍රීඩකයෝ, සංගීත ඔස්තාර්වරු සහ රාජකීයයෝ ද වෙති. ලෝකය පුරා ඉහලම ආදායම් ලබන සරල මනෝ විද්‍යාවටද බර, ජිවිත වලට යහ මහ පෙන්වන පොත් දාහතරක් ලියා ඇති මේ ප්‍රසිද්ධ දේශකයා, ජීවිතය සරි කර ගැනීමට අදාළව අභ්‍යාස පන්ති පවත්වමින් ලොව පුරා යයි. 'මුදලට ගත නොහැකි ධනය' නම් මෙම කෘතියද එලෙස ඔහුගේ අපිරිමිත උත්සාහයේ ප්‍රතිඵලයක් ලෙස බිහි වූ ඉතා වටිනා කෘතියක් ලෙස හැදින්විය හැකිය.

Publisher : Kukurampola Narada Thero
ISBN       : 978-624-92439-0-3
Pages      : 175
Weight     : 254 g
Binding    : Soft Binding
Name      : LORD BUDDHA S JOURNEY RECLAIMED

'මලියදේව මහ රහතන් වහන්සේ '  යන මෙම කෘතිය මලියදේව මහ රහතන් වහන්සේ පිළිබදව ගවේෂණාත්මක අධ්‍යයනයකින් අනතුරුව නාලිනී සුසීලා දිසනායක මහත්මිය විසින් රචනා කොට පඨක ඔබට පිළිගන්වනු ලබයි.

මහායාන ධර්ම ග්‍රන්ථ අතුරින් ඉතා ම උසස් වූ ධර්ම ග්‍රන්ථයක් ලෙස ජාත්‍යන්තර වශයෙන් අතිශයින් සම්භාවනීය වූ සාහිත්‍ය කෘතියක් ලෙස  සද්ධර්ම පුණ්ඩරික සූත්‍රය සැලකෙන අතර. මහායානිකයන් කියා සිටින්නේ මෙම සූත්‍රය බුදුන් වහන්සේ විසින් දේශනා කරන ලද සූත්‍ර අතුරින් ඉතා ම මූලික වූ සූත්‍රය වන බව යි. එමෙන් ම ඓතිහාසික වශයෙන්ද මෙය ඉතා පැරණි වන බව විචාරකයෝ කියා සිටිති. බුද්ධ දේශිත මුල් ම සූත්‍ර අතුරින් මෙය ප්‍රධාන තැන් ගන්නා බව මහායානිකයන්ගේ අදහස වන අතර 'සද්ධර්මපුණ්ඩරීක සූත්‍රය' කුමාරජීව හිමියනන්ගේ චීන පරිවර්තනය ඇසුරින් මහාචාර්ය ලියොන් හුර්විට්ස් මහතාගේ ඉංග්‍රීසි පරිවර්තනය ඇසුරින් මහාචාර්ය ගුණපාල ධර්මසිරි මහතා විසින් සිංහලයට පරිවර්තනය කර ඇති ඉතා වටිනා කෘතියක් ලෙස හැදින්විය හැකිය.

'ගාන්ධි - දුරින් හිද ඔබ පියාණෙනි' නම් මෙම කෘතිය ඉන්දියානු ජනතාවගේ පියා වන මහත්මා ගාන්ධි සහ ඔහුගේ වැඩිමහල් පුතු වන හරිලාල් ගාන්ධි අතර තිබූ අරගලකාරී සම්බන්ධතාවය ගැන විස්තර වන නව්‍යවාදී විශිෂ්ට ගණයේ නිර්මාණයක් ලෙස හැදින්විය හැකිය.

ජ්‍යෝතිෂයේ නොපෙනෙන මානය නැමැති මෙම කෘතිය ආචාර්ය පියසේන රතුවිනාන මහතා විසින් රචනා කර ඇති අතර කෙනෙකුගේ ජන්මපත්‍රයේ උපන් වේලාවේ සිට මරණය දක්වා ගමන් කරන මේ භව ගමනේ දී ජ්‍යෝතිෂයට අනුව තමන්ට බල පිහිටන ග්‍රහයන්  කවරෙක්ද ? එසේ තම තමන්ගේ ජිවිත වලට එවැනි ග්‍රහයන් බලපැවැත් වෙන්නේ කෙසේද ? එසේම ජ්‍යෝතිෂයේ ගුප්ත ස්වභාවය, නොපෙනෙන මානය යන මෙවැනි දේ පිළිබදව ඉතා පුළුල් විශ්ලේෂනයකින් අනතුරුව එළිදක්වන ලද ඉතාමත් වටිනා   කෘතියක් ලෙස හැදින්විය හැකිය.