Biographies

පරිවර්තකගෙන්
මේ වනාහි බටහිර මවිතයෙන් මවිතයට පත් කළ "හෝලේ බාබා" යන සුරතල් නාමයෙන් හැඳින් වූ හිමාලයානු මහා යෝගී ස්වාමි රාමාගේ නිල චරිතාපදායයි. මෙය ස්වාමි රාමා විසින්ම තම අභිමතය පරිදි තෝරා ගන්නා ලද ගෝලයෙකු වූ ආචාර්ය පණ්ඩිත් රාජ්මනී ටිගුනයිට් විසින් ලියවන ලද The Of-ficial Biography of Swami Rama of the Himalayas කෘතියේ අසංක්‍ෂිප්ත පරිවර්තනයේ ප්‍රථම කොටසයි.

පරිවර්තකගෙන්
මේ වනාහි පණ්ඩිත් රාජ්මනි ටිගුනායිට් විසින් ලියන ලද විවිධ යෝග දක්ෂතා තුළින් බටහිර මවිත කළ යෝගී ස්වාමි රාමාගේ පුර්ණ චරිතාපදානය රැගත් The Official Biography of Swami Rama of the Himalayas කෘතියේ අසංක්ෂිප්තපරිවර්තනයේ දෙවැනි කොටසයි.

අපේ කාලයේ බෝසත් වර්ගයක් පිළිබඳ සජිව් ආදර්ශය ආචාර්ය පුජ්‍යපාද ඕමල්පේ සෝභිත නාහිමි තුළින් දකිමි. අනිර්වචනීය වූ කැපවීම් සමූහයක ප්‍රතිඵල ලෙස උන්වහන්සේ ගොඩනගා ගත් ව්‍යක්ත විශාරද බහුශාතපෞරුෂවත් ථේරාපදානය නූතනයට මෙන්ම අනාගත සඟ පරපුරට ද අභිමානවත් පූර්වාදර්ශයක් සපයයි.උන්වහන්සේගේ ජාතික හා සාමාජික මෙහෙවර විමසු කල පැහැදිලිව පෙනී යන්නේ පූර්ව ළමා වියේ සිට මිනිස් දිවියේ විවිධ ස්ථරයන්ට සහ බොහෝ දෙනාගේ නෙතනොගැටෙන සමාජ කොටස් දෙසට ද තම කාරුණික අවධානය අභීත අයුරින් සක්‍රීය කොට ඇති බව ය.ගුණ නැණ එඩි බල සපිරි නූතන තාක්ෂණික ලෝකය ද ජයගත හැකි, දෑ සමයට හිතැති අනාගත පරපුරක් ගොඩනැඟීම පිණිස ඕමල්පේ නාහිමියන් දිවා රෑ සිදු කරන කැපවීමට ජාතිය ම ණය ගැති ය."විසාරදෝව උපසංකමිති" යන බුදු වදනට ද අනුගතව දේශීය ට හෝ විදේශීයට හෝ උන්වහන්සේ වැඩම කළ හැම තැනකදී ම සභා මැද, සඟ මැද විශාරද බවත් සෝභමාන ය. උස් තැන් දැක හැකිලෙන සහ මිටි තැන් දැක පිම්බෙන අපේ බොහෝ නායක කාරකාදීන් වෙතින් දක්නා ලැබෙන දුබලතාව. ප්‍රබලතාවක් ලෙසින් සැලකෙන සමාජයක ඕමල්පේ නා හිමියන් ගේ වැනි වරිතයකට හිසි ගෞරව හා තනතුරු ලැබීම අපේක්ෂා කළ නොහැක්කක් ය යන්න ද මෙතෙක් සිදුව ඇති දෙයින් පැහැදිලි ව පෙනී සහ සත්‍යයයි.කුඩා දරුවාගේ සිට වැඩිහිටියා දක්වාත්, හෙරණ දරුවාගේ සිට මහතෙර නමක දක්වාත් වූ සැම අයෙකු වෙත මහාහිමියන්ගේ උජු සුජු වර්වාංගයන් සුපැහැදිලි ඔවාදයක් ම සපයයි.විශ්ව කීර්තිධර ඕමල්පේ සෝගිත තාඔුපාණෝ සාසනාභිමානීය හ. දේශභිතෛෂිය හ. කීර්ති ප්‍රශංසා නොවිමසා තම යුතුකම හා වගකීම් වෙනුවෙන් අවැසි හැම මොහොතකම පෙනී සිටින්නහු ය. සංඝ සමාජයේත්, පොදු ජන සමාජයෙත් යහපැවැත්ම වෙනුවෙන්ම කැප වූ ඒ පරමාදර්ශී ජිවන වෘත්තාන්තය පිළිබඳ අනුල්ලඝහිය සාධකය වශයෙන් "අසා ගුණ සහ සා" කෘතිය සාධු ජන සම්භාවනාවට මැතවත් ම පාත්‍ර වනු ඇත.
මැලේසියාවේ ප්‍රධාන සංඝනායක පුජ්‍යතර බූටාවත්තේ සරණංකර නාහිමි

මෙම කෘතිය සාරිපුත්ත මහා රහතන් වහන්සේගේ චරිත කතාවේ සදහන් තොරතුරු ඇසුරින් සකසන ලද සාහිත්‍ය නිර්මාණයකි. ඉතා දුලභව පවතින මූලාශ්‍ර පරිශීලනය කරමින් මෙම ග්‍රන්ථය සකසන ලදමුත්, ඇතැම් කරුණු අඩංගු කිරීමේ දී එකී කරුණු වල ඓතිහාසික නිරවද්‍යතාවයට වඩා උන්වහන්සේගේ අසිරිමත් ජීවිත කතාව පාඨකයාට සංවේදී ලෙසින් සමීප කරලීම කෙරෙහි රචකයා විසින් ගෙන ඇති උත්සාහය විශේෂ අතර මහා මුනි ජිනේන්ද්‍රසීහයන් වහන්සේගේ ළය මඬලෙහි උපන් ජ්‍යේෂ්ඨ පුත්‍ර වූ දම් සෙනෙවි සාරිපුත්ත මහ රහතන් වහන්සේ නම් වූ ස්වර්ණමය කඳු මුදුනින් පැන නැංගා වූ ඒ මහා ගුණ ගංගාව, සකල ලෝකවාසී සියලු සත්ත්වයන්ගේ සිත් සාරධර්මයන්ගෙන් පුරවාලමින්, කෘතිය පරිශීලනය කරන සියලු පාඨකයන් හට මහා ගුණ කදම්බයක් වනු නොඅනුමානය.

පාඨක සිත්හි සැදැහැ වඩමින් සසුන ඹරේ පෑයූ ගුරු තරුවක ප‍්‍රභාවය කෘතිය පුරා විහිදී යයි. 

වනපෙත පරම්පරා උරුමයයි. මහකැලය ජීවන අඩවියයි. දඩමං - අලිමං - උරමං සේම, අධිමං දිගේ සැරිසරනුයේ සහජිවන සබැඳියාවෙනි. වනපෙත සතා සිව්පාවා හා සොබාදහමේ අස්පර්ශය සංස්කෘතික සම්ප්‍රදායට ඔව්හු පරම්පරා ලේ උරුමයෙන් උරුමක්කරුවෝ වෙති. ඌරුවරිගෙ වන්නිය ලැත්තෝ බිහිවන්නේ ආදිවාසී සියලු ජන සම්මුතීන් හා නායකත්ව ජන්ම ලාභය උත්පත්තියෙන් කරපින්නා ගෙන ය. ආදිවාසී පරම්පරා උරුම සුරැකීම සිය සනුහරේ ඇත්තන්ගේ ජීවන සුරක්ෂාව වත්මන් නායක වගකීම් අතර ප්‍රධානය. වනදිවියේ සිරිත් විරිත්, වත්පිළිවෙත්, කිලි, තහංචි, ජනවිශ්වාස, ඇදහිලි හා ජනසම්මුතීන් ඉදිරියට පවත්වා ගෙන යෑමේ අභියෝග වන්නිය ලැත්තෝ සතු ප්‍රධාන වගකීමකි.
"වන්නියලැත්තෝ" චරිතාපදානය සම්මානිත ලේඛක ජනශ්‍රැතිවේදී ගුණසේකර ගුණසෝම සාකච්ඡා ඇසුරෙන් ප්‍රබන්ධිත මානව පුස්තක වියමනකි. එමඟින් ආදිවාසී උරුමයන් ලේඛනාරූඪ කර මතු පරපුර උදෙසා සුරක්ෂා කර තිබේ. කොටස් පොජ්ජ දාසයකින් අන්තර්ගතය සමන්විත මේ චරිතාපදානය යනු: ආදිවාසි සියලු ජනශ්‍රැති එක මිටකට කැටිකර වැදි වහර හා සිංහල ගද්‍ය ශෛලීය කදිමට ඈඳාගත් චරිතාපදානයකි. එහෙයින් වන්නියලැත්තෝ' චරිතාපදානය වූ කලී, ආදිවාසි ජනශ්‍රැති, වාග්ග්විද්‍යා, සංස්කෘතික මානව විද්‍යා, පරිසරවිද්‍යා, ජීව විද්‍යා, ශාකවිද්‍යා, වෛද්‍ය මානවවිද්‍යා, සෞඛ්‍ය විද්‍යා, සොබාදම් විද්‍යා, මෘදු කුසලතා සංවර්ධන විද්‍යා, අස්පර්ශනීය සංස්කෘති උරුම පමණක් නොව ඉතිහාස මුලාශ්‍ර ආදී අධ්‍යයන විෂය මූල රැසක එකතුවකි. එහෙයින් වන්නියලැත්තෝ' චරිතාපදානය සිරිලක ආදිවාසි විශ්ව කෝෂයකි.
මහින්ද කුමාර දළුපොත
ජ්‍යෙෂ්ඨ කථිකාචාර්ය
සෞන්දර්ය කලා විශ්වවිද්‍යාලය

කතුවරයාගෙන්...
මේ කුඩා පොතේ අන්තර්ගත වන්නේ බෝධිසත්ව ගුණෝපේත ශ්‍රීමත් බ්‍රහ්මචාරි වලිසිංහ හරිශ්චන්ද්‍රතුමා ගේ චරිත කථාව යි. මෙය සම්පූර්ණ චරිත  කථාව නොව එතුමා ගේ චරිත ය පිළිබඳ ව දැන ගත යුතු මූලික කරුණු ස්වල්පයක් බව දතයුතු ය. මෙතුමා ගෙන් සිංහල ජාතියට හා සම්බුද්ධ ශාසනයට සිදු වූ සේවාව අතිමහත් ය.
අනුරාධපුර ශුද්ධ නුවර පිහිටි සිද්ධස්ථාන හා මිහින්තලා පුදබිම මිසදිටුවන් ගෙන් බේරා දීමට මුල් වී ක්‍රියා කළේ මෙතුමා ය. නාරන්විට සුමනසාර හිමියන් හා එක් වී මහා සෑයේ සංවර්ධන කටයුතු සඳහා මහත් වූ සේවාවක් සිදු කළේය. මෙතුමා ජීවත් වූයේ වසර තිස්හයක් වැනි කෙටි කාලයකි. ඒත් ඒ කෙටි කාලය තුළ දී රට පුරා යමින් සිදු කළ දේශනා ගණන අතිමහත් ය. දහස් ගණනකි. ග්‍රන්ථ දහ තුනක් ද සම්පාදනය කළේය. බුදු සසුන වෙනුවෙන් මුළු ජීවිතය ම කැප කළේය. ඒත් මේ තොරතුරු කිසිවක් මේ කාලයේ සිටින බහුතරයක් දෙනා නොදනිති. දැන ගැනීමට මගක් ද නැත.කරුණු මෙසේ පවතින බැවින් ' ශ්‍රීමත් බ්‍රහ්මචාරි වලිසිංහ හරිශ්චන්ද්‍ර චර්තය' නම් වූ මේ කුඩා පොත සම්පාදනය කළෙමි. මේ පොත මුල සිට අග දක්වා කියැවීමෙන් ශ්‍රීමත් බ්‍රහ්මචාරි වලිසිංහ හරිශ්චන්ද්‍රතුමා පිළිබඳ ප්‍රමාණවත් අදහසක් ලබා ගැනීමට හැකිවනු ඇතැ'යි සිතමි.

යුරෝපීය චින්තනය. බෞද්ධ පුනරුදය හා ඔල්කොට් නම් වූ මෙම කෘතිය  ශ්‍රීමත් හෙන්රි ස්ටීල් ඕල්කට් තුමාගේ ජීවිත කථාවත්, එතුමා ගෙන් ලංකාවේ බෞද්ධ පුනරුදයට හා විශේෂයෙන් බෞද්ධ අධ්‍යාපනයට සිදු වු සුවිශේෂ මෙහෙවරත් සම්බන්ධයෙන් හැදෑරීමට ඇති ඉතා සාර්ථක නිබන්දයක් වන අතර  ඊට හේතුව කතුවරයා යොදා ගෙන ඇති තුන්කොන් දෘෂ්ටි කෝණයයි; එනම් යුරෝපීය පසුබිම. බෞද්ධ පුනරුදය හා ඕල්කට් තුමාගේ භූමිකාවය. ඉතා වැදගත් මේ පුස්තුතය දෙස බලන මෙම අපූර්ව දෘෂ්ටි කෝණය කෘතියට නැවුම් බවක් එක් කිරීමට සමත් වී ඇත. බුද්ධි ප්‍රබෝධයකට, රස වින්දනයකට මෙන් ම ජාති හිතෛෂි භාවයකට පාඨකයා රැගෙන යන අපූර්ව කෘතියක් ලෙස මෙම කෘතිය හැදින්විය හැකිය.

ඉතිහාසයෙහි තම නම සටහන් කරමින් ඉතිහාසය ගොඩ නැගීමට මෙන්ම සමාජය නව මං කරා පිවිසවීමට, එය වෙනස් කිරීමට මූලික මෙහෙයක් ඉටු කළ පුද්ගලයන්ගේ චරිත වලින් අපට ලබා ගැනීමට හැකි ආදර්ශ බොහෝ ය. මෙම මෙහෙවර ඉටු කිරීමෙදි ඔවුන්ට මුහුණ පෑමට සිදු වූ ගැටළු. ඔවුන් ඒවාට සාර්ථක ලෙස විසඳුම් සොයාගත් අයුරු ඔවුන්ගේ ජීවන දැක්ම හා ජිවන ආකල්ප පිළිබඳ කිසියම් දැකීමක් ඔවුන්ගේ චරිත වලින් අපට ලබාගත හැකි අතර ශ්‍රෙෂ්ඨ චරිත-4 යන මෙම කෘතිය තුළින් ඉතිහාසයේ සිටි එවැනි ශ්‍රෙෂ්ඨ චරිත කිහිප දෙනෙකු පිළිබදව රසවිදින පාඨකයා හට මනා විශ්ලේෂනාත්මක දැනුමක් ලබා ගත හැකිය. 

'තොල්ස්තෝයි තාගෝර් සහ ගාන්ධි ත්‍රිකෝණගත ත්‍රිමූර්තිය' යන මෙම කෘතිය තුළින් ඩබ්ලියු.ඒ.අබේසිංහ මහතා විසින් එකම කෘතියක් තුළින් තිදෙනාම එක් කොට ඉතා විශ්ලේෂණාත්මක අයුරින් පෙර පරිදි ත්‍රිකෝණගත ත්‍රිමුර්තියක් ලෙස ඉදිරිපත් කර ඇති මෙම කෘතිය ලොකු කුඩා සියලු දෙනා හට ඉතා වටිනා කෘතියක් ලෙස හැදින්විය හැකිය.

කැලණි විශ්විවද්‍යාලයේ කුලපති, අග්ගමහා පණ්ඩිත, ධර්ම ශාස්ත්‍ර ශිරෝමණී, ත්‍රිපිටකාචාර්ය පූජ්‍ය වල්පොළ ශ්‍රී රාහුල මහාචාර්ය පාදයන් වහන්සේගේ ජීවිත කතාව කෘතියක් ලෙස ගුණදාස ලියනගේ මහතා විසින් මෙසේ පාඨක ඔබ හමුවට ඉදිරිපත් කරයි.

බුදු මඟ, තෙර මඟ, රජ මඟ, වීරු මඟ ගෙනැ නිමි නැගි රඟ සැබවින් මන රඟ
එක ලක යැ අරමුණට ජනපතිඳු නැගෙනුවට ජයවඩන මෙහෙයුම ද අගී මැයි

උතුර නැගෙනහිර යුදබිම සලකා හිමි සඳුගෙ අරම නිතරැ එහි වැඩම කැර කළ මෙහෙය උතුරුතර
හිමි, ඔබට ලැබෙන පුද පඬුරු රැස රට රකින සෙබළ රැස පිණිස පුද පඬුරු කළ ඔබගෙ වෙසතුරු සිරිත උදාර යැ
දවස මෙරමා වැඩම කැප වන සෙ සැලැස් මැති දින සිරිතයති පෙළට උවදෙසෙති

හෙළ බුදු සව්වෙක්මි, නමට නිසි වන පෙවෙතැති ව මෙ විට දෙදහස් පන්සිය පනසට නැඟෙන පුබුදුවට එක් වී වාරියපොළ සුමඟුල් හිමි උපත නැවැත ලැබූ වැනි යැ බෙංගමුවේ නාලක හිමි

අරිසෙන් අහුබුදු

යම් මහා ස්ථවිරාවක් මහා ප්‍රඥාවෙන් යුක්ත වූවා ද, පැතිර ගිය පුළුල් ප්‍රඥාවෙන් යුක්ත වූවා ද, භික්ෂුණීන් අතර චිරාත් කල් පැවිදිව සිටියා ද, ඕ තෝමෝ ගෞතමී මහා ප්‍රජාපතී ය. බුද්ධ ශ්‍රේෂ්ඨයන් වහන්සේගේ පුංචි අම්මා ය. භික්ෂුණී සංඝයාට සරණක් වී පිරිනිවන් වැඩි මහා ගෞතමී තෙරණියට නමස්කාර වේවා! 
ප්‍රජාපති ගෝතමී මහ රහත් තෙරණින් වහන්සේ පිරිනිවන් පෑ අවසන් මොහොත යන මෙම කෘතිය අතිපූජනීය කිරිබත්ගොඩ ඤාණානන්ද ස්වාමීන් වහන්සේ විසින් රචනා කරන ලද ඉතා වටිනා කෘතියක් ලෙස හැදින්විය හැකිය.

කතෘහිමියන්ගේ අදහස් බිදක්...
අප භාග්‍යවතුන් වහන්සේගේ මහාශ්‍රාවක සඟරුවන අතර ආනන්ද මහ රහතන් වහන්සේගේ නම කියන විට ම මුළු මහත් බෞද්ධ ලෝකයාගේ සිතෙහි උවහන්සේ පිළිබඳව මහත් ආදර ගෞරවයක් නිතැතින් ම හටගනී. එයට ප්‍රධාන හේතුව නම් අනඳ මහ තෙරුන් විසිපස් වසක් පුරා සිය සදාදරණීය ශාස්තෘන් වහන්සේට නිබඳ කැපවීමෙකින් උපස්ථානයන් කිරීම ය. එසේ ම, බුද්ධ දේශනා කියවීමේ දී ද ආනන්ද නාමය නිතර ම හමුවේ.අප ගේ අනඳ මහ තෙරුන් පිළිබඳව බොහෝ තොරතුරු ඇතත් ඒ සියල්ල ම එක්කොට පොතක් ලිවීම පහසු නැත. එහෙත් අනඳ මහ තෙරුන් පිළිබඳ දත යුතු බොහෝ වැදගත් කරුණු කාරණා මේ පොතෙහි සඳහන් ය. ඇතැම් විට ඒවා ඉතා අනුවේදනීය ය.
අනඳ මහ තෙරුන් බඳු සත්පුරුෂ උතුමෙකුගේ උත්තුංග චරිතාපදානය මෙපමණෙකින් හෝ ලියන්ට ලැබීම කෙනෙකුට ලැබෙන අතිමහත් භාග්‍යයක් යැයි සිතේ. ඔබත් මේ පොත අවසන් වනතුරු කියවුව මැනව. අනඳ මහ රහතන් වහන්සේ පිළිබඳව සිත පහන් කරගත මැනව. ඒ මහෝත්තමයන් වහන්සේගේ අසිරිමත් දිවිසැරිය දැනගන්ට ලැබීම වාසනාවක් කොට සැලකුව මැනව. එය කවදා හෝ ඔබට පිහිට වනු ඇත.
කිරිබත්ගොඩ ඤාණානන්ද හිමි

හෙල බසටත් හෙළ රැසටත් හෙළ දෙසටත් අසදිස මෙහෙයක් කල කුමාරතුංග මුනිදාස නම් හෙළයේ සුබැසි විරුවාණන්ගේ මහරු සිරිත මෙලෙස කෘතියක් ලෙසින් තිරිකුණාමලේ ආනන්ද මහ නාහිමියන් විසින් පාඨක ඔබට පිළිගැන්වේ.

'සංසාර ගමන සහ තලල්ලේ ධම්මාලෝක හාමුදුරුවෝ' යන මෙම කෘතිය මගින් විවිධ බාධක හැප්පීම් ඔස්සේ තලල්ලේ ධම්මාලෝක හිමියන් ජිවිතයේ ලැබු අත්දැකීම් සම්භාරයක් සීසර් සුදුසිංහ මහතා විසින් මෙසේ පාඨක ඔබ හමුවේ ගෙන හැර දක්වනු ලබයි.

ඒ වගත් මෙසේම.. (පිච්ච මල් හාමුදුරුවෝ) යන මෙම කෘතිය පූජ්‍ය කොටපොළ අමරකිත්ති මාහිමියන්ගේ පණස් වසරක පැවදි දිවියේ මග සටහන් සියල්ල එකට කැටි කොට ඉදිරිපත් කිරීමකි.

'ස්වයං රචිත චරිතාපදානය හෙවත් අතීතාවර්ජනා, නම් මෙම කෘතිය  ආචාර්ය ඉනාමළුවේ ශ්‍රී සුමංගල මහනාහිමියන් ගේ ස්වයං චරිතාපදානය ඇසුරින් උන්වහන්සේ විසින් දඹුලු පුරවරයට කරණ ලද ඒ මහා ශාසනික සේවාවත් අතීතයේ රජ දරුවන් විසින් දඹුලු පුරවරයට කරණ ලද්දා වූ සංවර්ධනයත් පිළිබදව රචනා කරන ලද ඉතා වටිනා කෘතියක් ලෙස හැදින්විය හැකිය.

රට - දැය - සමයට ජීවය දෙමින් ක්‍රියා කරන උදාර ගිහි - පැවිදි උතුමෝ සුපූජිත ජීවිත ඇත්තෝ වෙති. ඒ අතර මහ සඟරුවන ඉතිහාසය පුරාම නම් දිනාගත් සුපින්වත්තුය. බෙන්තොට, පිටාරඹ ශ්‍රී ධර්ම විජයාරාමාධිපති, දක්ෂිණ භාරතීය ප්‍රධාන සංඝනායක ධූරන්දර, ආචාර්ය තලාවේ සංඝරතන නාහිමියන් වහන්සේ ලෝකාර්ථ සාධනයෙහි නිරත වන එවැනි උතුම් වූ මහසඟරුවනකි.අප නාහිමිපාණන් වහන්සේගේ සුපේශල, ශික්ෂාකාමී ජීවන ගමන් මඟ අළලා 'තලාවේ හාමුදුරුවෝ" නමින් උදාර චර්තාපදාන ග්‍රන්ථයක් සම්පාදනය කිරීම අතිශයින්ම වැදගත් ය. අර්ථවත් ය, කාලෝචිත ය. ඊට දායකත්වය දරන ඉඳුරුවේ ඇම්. පී. මුනිදාසයන් අප ළබඳ කිව්ව්වරයෙකි. මාධ්‍ය වේදියෙකි, ලේඛකයෙකි. සෞඛ්‍ය සේවාවේ නිරතව දහස් ගණන් රෝගීනට පිළිසරණක් වූ කරුණාබර්ත සත් ගුණවතෙකි.
දකුණු සිරිලක ඉඳුරුව නිජබිම කර ගත් ඇම්. පී මුනිදාසයන් ප්‍රවීණ ජ්‍යොතීර්වේදියෙකු හා කලාකරුවෙකු වූ ඇම්. පී. ගුණදාස සුරින් හා සබැඳි පාරම්පරික කලා පවුලකට අයත් ප්‍රකට කලාකරුවෙකි. මුද්‍රිතජනමාධ්‍ය ක්ෂේත්‍රයට සම්බන්ධ හෙතෙම කවි, කෙටිකතා, ශාස්ත්‍රීය ලිපි, ඡායාරූප, වාර්තාකරණය ආදිය පිළිබඳ පුළුල් අත්දැකීම් ඇති ප්‍රවීණ ලේඛකයෙකි. මේ කිවිවරයා සම්පාදනය කළ “තලාවේ හාමුදුරුවෝ" කෘතිය පාඨක භවතුන්ට ජීවිතාදර්ශයක් සපයන චරිතාපදාන ග්‍රන්ථයක් වන බව නොඅනුමානය.
නන්දසේන පළිහක්කාර

'ගාන්ධි - දුරින් හිද ඔබ පියාණෙනි' නම් මෙම කෘතිය ඉන්දියානු ජනතාවගේ පියා වන මහත්මා ගාන්ධි සහ ඔහුගේ වැඩිමහල් පුතු වන හරිලාල් ගාන්ධි අතර තිබූ අරගලකාරී සම්බන්ධතාවය ගැන විස්තර වන නව්‍යවාදී විශිෂ්ට ගණයේ නිර්මාණයක් ලෙස හැදින්විය හැකිය.

'සසුන් ගිරි තරණය' යන මෙම කෘතිය තුළ ආචාරිනී කොළොන්නාවේ කුසුමා භික්ෂුනියගේ ''Braving the Unknown Summit '' නම් වූ චරිතාපදානයේ සිංහල අනුවාදය ඔබ හමුවේ ගෙන හැර දක්වන වගයි.

'ලොවෙහි උතුම්ම කත' යන මෙම කෘතිය දෙනගම සිරිවර්ධන මහතා විසින් රචනා කර ඇති අතර බෞද්ධ කාන්තා වංශයේ විශිෂ්ටතම ආදර්ශමත් චරිතය වන යසෝදරවන්ගේ කථා පුවත  මෙම කෘතියෙන්  ඉදිරිපත් වෙයි.
වල්මත් වූ වර්තමාන ලාංකික වනිතාවන්ට මේ උත්තම යශෝධරා චරිතය අඳුරින් එළියට එන්නට හෙළන ආලෝක දහරාවක් වනු නොඅනුමානය.

ථෙරවාදී බෞද්ධ භික්ෂුණියක ලෙස ප්‍රථම වරට පැවිදි වූ අපරදිග කාන්තාව ඓය ඛේමා විය. එබැවින් කාන්තාවන් සඳහා වූ ආරාම ජීවිතය නැවත පණ ගැන්වීමට තැන දරන සෑම බෞද්ධ නිකායකම කාන්තාවන් තුළ උද්යෝගයක් ඇති කිරීමට ඇය ආදර්ශයක් දී ඇත. ඇයගේ සරල හා ප්‍රායෝගික පොත පත නිසා ඇය ජාත්‍යන්තර වශයෙන් කීර්තියක් ලැබූ ගුරුවරියක් වන්නී ය. ඇය ඛෙමා තෙරණිය වීමට ප්‍රථම ගත කළ ඇයගේ ජීවිතයේ කුතුහලය දනවන තොරතුරු මෙම කෘතිය මගින් පාඨක ඔබ හමුවේ ගෙන හැර දක්වයි.

'උපන්දාසිට' මෙම කෘතිය මාර්ටින් වික්‍රමසිංහ මහතා විසින් රචනා කර ඇති අතර ගැමි පරිසරය මාර්ටින් වික්‍රමසිංහයන් කෙරෙහි පැවැත් වූ බලයත් ඒ පරිසරයෙහි බැසගත් මුදුන් මුල ඇති ඔහුගේ චරිතය හැම ආපදාවන්ට ඔරොත්තු දෙන දැඩි ශක්තියක් ලැබූ සැටිත් ඔහු මේ පොතින් ව්‍යක්ත ලෙස නිරූපණය කරන්නේ තමා කළ පින් පව් නොසඟවා කියන මමත්වයෙන් තොර දරුවකු ලෙසිනි.