Buddhist & Other Novels

පුංචි හදට එදා කතා  - මෙම කෘතිය උස් කඳු මුදුනකින් ගලා හැලෙන සිසිල් දියඇල්ලක් සේ අතොරක් නෑර කියවා ගෙන යා හැකි දම් රසයෙන් අනූන ප්‍රායෝගික අර්ථ රසයෙන් පිරිපුන් අර්ථවත් ග්‍රන්ථයකි.

මා ඔබේ යසෝදරා - මෙය කාල්පනික නිර්මාණයකි. මෙහි දැක්වෙන්නේ සිද්ධාර්ථ කුමරුවන්ගේ හා යසෝදරා කුමරියගේ සැබෑ ජීවන තොරතුරු පමණක්ම නොවේ. මා විසින් ලියන ලද සියලු දෑ අපේ විශ්වාසයන් හා ගළපාගෙන යසෝදරා කුමරිය පිළිබඳව අප සිත් තුළ ඇති බැඳීම, ආදරය, ගෞරවය නොබිඳෙන ලෙසින් ලියන්නට මම සෑම විටම ප්‍රවේශම් වුණෙමි. පොත පත පරිශීලනය කොට ශාක්‍ය දේශයේ ජන ජීවිතය පිළිබඳව මා රැස් කරගත් තොරතුරු ද මෙයට ඇතුළත් කර ඇත.

සැඟවුණු සසර සරදම් - සාහිත්‍යාකරයෙන් මතුකර ගනු ලැබූ මිණිකැට බඳු අගනා කථාවස්තු කීපයක් මෙහි දක්නට ලැබේ. ඒවා තහවුරු කරමින් ලියැවුණු නිදසුන් අතර හමුවන ඇතැම් අදහස් ධර්ම සාහිත්‍ය වේදීන්ගෙ අවධානයට යොමුකර තිබෙන අයුරු ප්‍රශංසනීය ය.

රක්තකේශර - මෙම ග්‍රන්ථය විනෝදාත්මක හෝ මාරක වර්ගයේ නව ප්‍රබන්ධ කතාවක් නොවේ. සරසවි දියණියක, විද්‍යාර්ථිනියක වන, සුධීතා නම් වූ යුවතියක වටා ගෙතුණු යථාර්ථවත් කතා වියමනකි.

අඳුරට එළියක් - මෙම කෘතිය සඳහා අන්තර්ගත වී ඇත්තේ වළගම්බා රජුගේ පාලන සමයයි. රට එක්සත් කිරීම, පරසතුරන් පරාජය කිරීම, භික්ෂූන් වහන්සේ රට වෙනුවෙන් කළ කැපවීම, බැමිණිතියා සාගතය, අභයගිරි විහාර පූජාව, පැරණි සිරිලක පූජනීය ස්ථාන පිළිබඳව ද විස්තර මෙහි අන්තර්ගතයයි.

මිණිඊල 

සිරගෙදරදි බුදුන් දකී 

රන් කරඬුව - 2015 දී "රන්කරඬුව" හොඳම නවකතාවට හිමි ස්වර්ණ පුස්තක සම්මානයෙන් හා බෞද්ධ සාහිත්‍ය සම්මානයෙන් පිදුම් ලැබීය.

වන සරණ - මේ "වන සරණ", ආර්, එල්. ස්පිට්ල් දොස්තර මහත්මයා විසින් ලියන ලද සුප්‍රකට SAVAGE SANCTUARY නම් පොතේ සිංහල අනුවාදය යි. මෙය සත්‍ය කරුණු ආශ්‍රයෙන් ලියන ලද මානව විද්‍යාත්මක වටිනාකමින් යුත් කරුණු රාශියක් ඇතුළත් රසවත් කතාවකි.

මහාවීර ඉන්ද්‍රජිත් මේඝනාද 

බිම්බා

මණ්ඨපුර සුපර්ණකා - රාම,රාවණ සංග්‍රාමයේ සියලු විස්තර ද, සුපර්ණකාගේ අනුවේදණීය පෙම් පුවතේ තොරතුරු ද මෙහි ඇතුළත්ව ඇත. රාක්ෂය ග්‍රෝත්‍රිකයන්ගේ පැරණි සිරිත් විරිත් ද හැකි තරමින් ඇතුළු කොට තිබේ.

දෙවිදත් කතාව - දෙව්දත් කතාව අරභයා විස්තරාත්මක තොරතුරු ඇතුළත් ග්‍රන්ථයක් සම්පාදනය කිරීමට දයාපාල ජයනෙත්ති මහතා දරා ඇති උත්සාහය අගය කළ යුතුය. දෙව්දත් තෙරුන් පිළිබඳව වෙනත් චරිත කතාවක් ලෙස කියවිය හැකි අන්දමින් ඔහු විසින් විවරණයක් ද සපයා ඇත. ත්‍රිපිටකයේ විවිධ තැන්හි තොරතුරු ඒකරාශී වී ඇති පරිච්ඡේද අටකින් යුත් මෙම ග්‍රන්ථය කියවන විට හැඟී යන්නේ ඒ අරභයා ජයනෙත්ති මහතා දරා ඇති පරිශ්‍රමයයි. ආධුනික ප්‍රවීණ කාගෙත් අවධානය දිනා ගැනීමට මෙම ග්‍රන්ථය සමත්ව ඇති බව සඳහන් කළ යුතුය.

පොඩිසාදු ගෙදරට වැඩි දා 

සංසාර බන්ධන - මෙම නවකතාවට පාදක වී ඇත්තේ සිංහල දෙමළ ජාතිවාදී විරසකයේ එක් සියුම් පැතිකඩකි.

රාහුලයෙක් උපන්නා - ජීවිතයේ විවිධ අත්දැකීම් තුළින් සසරේ කටුක බව අවබෝධ කොට ගෙන සිටි සිද්ධාර්ථ කුමරා, යසෝධරා රාහුලව ප්‍රසූත කරන දිනය වෙද්දී ගිහිගෙය හැර ගොස් පැවිදි වීමට පිඹුරුපත් සකසමින් සිටි බව සැබෑ වුවද 'මහා අභිනිෂ්ක්‍රමණය' සඳහා අවශ්‍ය සංඥාව ලබා දුන්නේ රාහුල උපත ය. සිදුහත් පුතෙකුව මෙලොව එළිය දුටු රාහුල, බුදු පුතෙකු ලෙසින් සසර ගමන නිම කිරීමට දහම් ඇස ලැබුවේය. සූත්‍ර පිටකයේත් ජාතක කතාවලත් තැනින් තැන විසිර තිබුණ ද, එක්තැන් කොට ගෙතූ විට රාහුල තෙරුන්ගේ ජීවිත කතාව ආදර්ශවත් මෙන්ම අර්ථවත් එකකි. මව සමඟ සත්වසරක් ගිහි දිවි ගෙවූ රාහුල, හතළිස් වසරකට අධික කාලයක් බුදුපියා සෙවනේ බුදු පුතෙකු සේ කල් ගත කළ ජීවිතය 'රාහුලයෙක් උපන්නා' තුළින් ඔබ වෙතදිග හැරෙන්නේ අපූර්ව නවකතාවක් ලෙසිනි. 

සසර සැරිසරා - කාල නිර්ණය කිරීමට අසීරු දුරාතීත අභිරහස් ඊජිප්තුවේ පාරාවෝ රජ සමයේත්, බැබිලෝනියානු එඬේර යුගයේත්, රෝම අධිරාජ්‍ය සමයේත් එකට ජීවත් වෙමින්, ශෝචනීය ලෙස වෙන් වෙමින් වසර දහස් ගණනක් තිස්සේ භවය පුරා සැරිසරන ආත්මගත යුවලකගේ ඇදහිය නො හෙන මේ ආත්මයේ එක්වීමක සත්‍ය කතාවක් අනාවරණය කෙරෙන "සසර සැරිසරා" (Only Love Is Real) 

සලමල සුවඳමය 

සිදුහත් යශෝදරා 

අමිද අසපුවේ තෙරණිය සහ තවත් කතා - මෙම කෙටි කතා සංග්‍රහය පරිවර්තන සාහිත්‍ය ක්ෂේත්‍රයේ සුවිශේෂ සලකුණක් සනිටුහන් කර ඇත. මුල් කෘතියේ රසය ඒ ආකාරයෙන්ම සිංහල පාඨකයා වෙත සමීප කරවීමට පරිවර්තකයා සමත්ව තිබීම මෙහි විශිෂ්ට ලක්ෂණයකි. 

පුණ්‍ය තීර්ථ

පංසලේ කතාවක්

වංකගිරිය 

ලීලාවතී බිසව - මෙම නවකතාවට පසුබිම් වී ඇත්තේ ලංකා ඉතිහාසයේ පොළොන්නරු යුගයයි. මෙහි ප්‍රධාන චරිතය වන ලීලාවතී බිසව පොළොන්නරුවේ රජ කළ මහා පරාක්‍රමබාහු රජුගේ අග මෙහෙසිය ය. මේ නවකතාව තුළින් අප විමසිල්ලට ලක් කරනුයේ "ඇයට පරාක්‍රමබාහු රජතුමා අතින් සාධාරණය ඉටු වූයේ ද ? නැද්ද ?" යන ප්‍රශ්නයි. මිත්තා කුමරියගේ, රත්නාවලී බිසවගේ සහ සුගලා බිසවගේ චරිත මේ නවකතාවේ එන තවත් වැදගත් චරිත තුනකි. එමෙන්ම පොළොන්නරුවෙ රජ කළ කල්‍යාණවතී බිසවගේ චරිතය ද මෙහි දී විග්‍රහ වෙයි.

හඬනළුවෙන් බුදු මඟ - මෙහි අන්තරගතව ඇත්තේ 'බෞද්ධ ගුවන්විදුලි නාට්‍ය' ය.

අසරණ මිනිස්සු - මෙම කෙටි නවකතාව දොස්තොයෙව්ස්කිගේ කුළුදුල් කෘතියයි. ඔහු වයස විසිදෙක වීමටත් පෙර ලියූ මෙම කතාවෙන් විශ්ව සාහිත්‍යයේ අද්විතීය ස්ථානයක් හිමිකර ගන්නා උදීයමාන ශ්‍රේෂ්ඨ ලේඛකයකුගේ පෙර ලකුණු පළ කළේ ය.

විමුක්තිය සොයා

ඉතිහාසය කැලඹු  පෙම් කතා - මෙහි ඇතුළත් වනුයේ දැනට දශක තුන හමාරකට පමණ ඉහතදී මුලින් ම ප්‍රේමසිරි මාහිංගොඩ මහතා විසින් "සිළුමිණ' පුවත්පතට සතිපතා ලියන ලද කතා පෙළකි.

මොනරවිල - මෙම කෘතිය සඳහා පාදක වන්නේ මෑත කාලීන ශ්‍රී ලාංකික ඉතිහාසයෙහි අතිශය උද්වේගකර සිදුවීමක් වූ '1818 උඩරට මහ කැරැල්ල' ලෙස හැඳින්වෙන විමුක්ති අරගලයයි.

කාශ්‍යප රජු සහ අභිරහස - නවමු චින්තනයන්ගෙන් පිරුණු යොවුන් විය තාත්විකය, ගවේෂණාත්මකය. ඕනෑම අභියෝගයන් හමුවේ නොසැලී පෙරමුණට යාමට තරම් ඒ සිත් තීරණාත්මකය. වර්තමානයේ මෙන්ම යටපත්ව ගිය අතීතයේ යෞවනයාට ද මෙය සාධාරණය. මෑත කාලීන යෞවනයාගේ රඟමඩල එළිදරව් කරන සිතුවම් කොතෙකුත් කරළියට බැස ඇත. මේ නිසා අප නොදුටු අතීත යෞවනයාගේ සිතුම් පැතුම් අපේක්ෂාවන් මෙසේ වන්නට ඇතැයි සිතා 'කාශ්‍යප රජු සහ අබිරහස' නම් වූ මේ ගවේෂණාත්මක යොවුන් කතා වස්තුව ඔබ අතට පත් කරමි.

මඝ ගිය මඟ 

අලි ඩෝලේ - අලි - මිනිස් ගැටුමට මුතුන් මිත්තන් සතු අත්දැකීම් ඔස්සේ සැබෑ උත්තරයක් සොයන යොවුන් දරුවන් දොළොස් දෙනෙකුගේ පරිසර ගවේෂණයකි.