Buddhist & Other Novels

හිරුණිගේ ලෝකය 

නිදහසේ ඉන්ඩ දෙන්ඩ - කතෘ විසින් අත්දුටු සිදුවීම් කීපයක් වස්තු කර ගනිමින් රචිත මෙම කතා තුළින් එම සිදුවීම් තුළ ජීවත් වූ චරිතයන්ගේ චිත්ත සන්තානයන් විවරණය කරන්නට උත්සාහ කර ඇත. 

මැකීගිය දඩමං - මෙම කෘතිය පරම්පරා තුනක වැද්දන්ගේ ජීවිතය විස්තර කරමින් එකම කතාවක් ස්වරූපයෙන් ලියන ලද්දකි.

තිමිර කපා හිරු පායා - විමලරත්න ධම්මික කටුලන්ද ශූරීන් ගේ ප්‍රථම හා නවතම කෘතිය වන "තිමිර කපා - හිරු පායා" බෙහෙවින් ප්‍රචලිත කතා පුවතක් පසුබිම් කර ගත්තේ වුව ද, එය රසාලිප්ත ව නවතාවයෙන් යුතු ව කියවිය හැකි වෘතාන්තයක් බවට පත් කරලීමෙන්, කතුවරයා ලේඛන කලාවෙහි ලා සිය චාතුර්‍යය මැනවින් පසක් කර සිටියි.

බුද්ධදාසි  - අනුරාධපුර රාජධානියේ අවසාන සමයේ මිහිරි රහස්, කටුක දේශපාලන පරිසරය හා සාමාන්‍ය මිනිසුන් ගේ ජීවන රිද්මයට ද පණ පොවන බුද්ධදාසි සුනේත්‍රා ගේ පරිකල්පනයේ අග්‍ර ඵලයකි. මහාවංශයට අනුව දුර්වල රජකු වූ පස්වන මහින්ද මෙහිදී එකල කලාපීය දේශපාලනයේ විෂම චක්‍රයට හසු වූ ප්‍රිය පුරුෂයෙකි. 
කව් ගී පමණක් නොව පැ‍රණි අභයගිරියේ ධර්ම දේශනා පවා ඇසෙන දැනෙන "බුද්ධදාසි" ඓතිහාසික නවකතා සීමාව ඉක්මවමින් පාඨකයාට මෙත්තාභියෝගයක් ද ඉදිරිපත් කරන්නේ එය නැවත කියවා වත්මන් දේශපාලන ප්‍රශ්න හා සසඳා බලමින් තම තමන් ද රට ද සුවපත් කර ගත හැකි මාර්ගයක් එළි පෙහෙළි කරමිනි.

මියුලු නුවර යුද මිහිර - උම්මග්ග ජාතක කථාවේ "මියුලු නුවර වටලෑම" කොටසට හානි නො වන පරිදි එහි රසයන් සහ හේතු ඵල සබඳතා අවබෝධ කරගෙන "මියුලු නුවර යුද මිහිර" වර්තමාන පාඨකයනට රස විඳීමට සලස්වා ඇත.

මිරිවැඩි නොලද ගෙන් - 1 - පූජ්‍ය තලංගල්ලේ සෝමසිරි හිමියන් විසින් සිංහල බසට 'මිරිවැඩි නොලද ගෙන්' නමින් පරිවර්තනය කර ඇත්තේ ජපන් ජාතික ශ්‍රේෂ්ඨ චිත්‍ර කතා රචකයකු වන කෙයිජි නකසව ගේ 'හදෂිනෝ ගෙන්' නම් වූ කෘතියයි.

මිරිවැඩි නොලද ගෙන් - 2 - පූජ්‍ය තලංගල්ලේ සෝමසිරි හිමියන් විසින් සිංහල බසට 'මිරිවැඩි නොලද ගෙන්' නමින් පරිවර්තනය කර ඇත්තේ ජපන් ජාතික ශ්‍රේෂ්ඨ චිත්‍ර කතා රචකයකු වන කෙයිජි නකසව ගේ 'හදෂිනෝ ගෙන්' නම් වූ කෘතියයි.

මිරිවැඩි නොලද ගෙන් - 3 - පූජ්‍ය තලංගල්ලේ සෝමසිරි හිමියන් විසින් සිංහල බසට 'මිරිවැඩි නොලද ගෙන්' නමින් පරිවර්තනය කර ඇත්තේ ජපන් ජාතික ශ්‍රේෂ්ඨ චිත්‍ර කතා රචකයකු වන කෙයිජි නකසව ගේ 'හදෂිනෝ ගෙන්' නම් වූ කෘතියයි.

රාජාන්තරය

දිවස්හුල - මේ වූ කලී කලක් මුළුල්ලේ බෞද්ධ සාහිත්‍යයික හා ධර්ම මූලාශ්‍ර හැදෑ‍රීමේ ප්‍රතිඵලයක් වශයෙන් බිහි වූ නිර්මාණාත්මක කෘතියක් ලෙස හැඳින්විය හැක.

 තෝල්යා සහ යහළුවන් ගේ හපන්කම් 

යාචක ගීතය - මෙය අපේ පාඨකයාට අලුත්ම අත්දැකීමක් වනු ඇත. සමාජයේ ගැරහුමට හා පිළිකුලට ලක් වුව ද යාචකයෝ සිතින් අප වැනි මිනිසුන් ය. ඔවුහු සමාජයේ මහුතරය මෙන් ම බලවතුන්ගේ සූරා කෑමට හසුවෙති.

මහාවීර - මෙය වනාහි ආගමික සන්නිවේදනය ඇසුරු කොට හුදී ජන පහන් සංවේග පිණිස නිර්මිත නිර්මාණශීලි නවකතාවකි.

ළා දලු බෝපත් 

පියාබන අප්සරා - මේ ඔබ අතට පත්වන්නේ ආත්ම විශ්වාසය, අධිෂ්ඨානය, උද්‍යෝගය, තම ඉලක්ක හඹා යාම, තර්ජන ගර්ජන මැද නොසෙල් වී ඉඳීම, ආදි පෞරුෂ ගුණඟ සහිතව ක්‍රියාත්මක වී විශිෂ්ට චරිතයක් බවට පත් ව, පුරාවෘත්තයක් බවට පත් වූ ලී ෂුංග්මීගේ චරිතාපදානයයි.

අවමානවිකා - පුෂ්පා ජයතිලක, පන්සිය පනස් ජාතකයේ මාතාංග කතාවේ එන දිට්ඨ මංගලිකාගේ චරිතය සහ ඒ ආශ්‍රිත සිදුවීම් පෙළ මෙහි ප්‍රතිනිර්මාණය කරන්නීය. මේ නිසා 'අවමානවිකා' කෘතිය හැඳින්විය හැක්කේ ගැහැනියක විසින් ස්ත්‍රීවාදී ඇසකින් ලෝකය විමසීමට කළ දෘෂ්ටිවාදී උත්සාහයක් ලෙසයි.

පිරිනිවන්  ගීතය  - ස්වර්ණා කාන්ති "පිරිනිවන් ගීතය" ලියා ඇත්තේ දැඩි ආත්ම සංයමයකිනි. එක් අතකින් මෙය පරිනිර්වාණ සූත්‍රය සිංහලයට නැඟීමකි. බුදුරජාණන් වහන්සේ සමඟ මේ තුන් මස පසුපස ගිය ශ්‍රාවිකාවක සේ ගමන් මග, පරිසරය පමණක් නොව පසු කර ගිය ස්ථාන ඉළිබඳව ඓතිහාසික තොරතුරු ද ඉදිරිපත් කර ඇත. මහා පරිනිර්වාණ සූත්‍රය වැනි ගැඹුරු දහමක් ඉතා සරළව ඉතා විචක්ෂණව නව කතාවක් පරිද්දෙන් ඉදිරිපත් කර තිබීම නිසා මෙම කෘතිය වඩාත් පාඨකයිනට සමීප වනු ඇත.

දෙව්දත් සිහින - සම්මා සම්බුදුන් කෙරෙහි සංසාරගත වෛරයක් උපදවා ආත්මයක් ආත්මයක් පාසා උන්වහන්සේ පසුපස පසැමිතුරුවැ හඹා ආ විෂම චරිතයක් වූ දෙව්දත් පාදක කොට ඒ ඇසුරින් කරන ලද නව නිර්මාණයක් ලෙස මෙම ග්‍රන්ථය හඳුන්වා දිය හැකිය.

සිත මෝරන තුරු 

වෙල්ලස්සේ කඳුළ - 1818 දී ඉංග්‍රීසි පාලනයට විරුද්ධව වෙල්ලස්සේ දේශප්‍රේමි සිංහලයින් ඇරඹූ මහා සටන පසුබිම්ව නාමික නවකතා ස්වරූපයක් ගත් සත්‍ය කතා පුවත මෙය වේ. එකල සිංහලයින් අතර සිටි සත්‍ය ගරුක, දැ හිතකාමී, අභිමානවත් දේශප්‍රේමීන් එක් පසෙක ද, මෙරට මතින් හා බොරු ගිවිසුමක් මගින් නතු කළ ඉංග්‍රීසින් හා උදාර පෝෂණය පතා ඔවුන්ගේ පසට ගිය උඩරට දේශද්‍රෝනි රදළයින් අතලොස්සක් දෙනා අනෙක් පසෙක ද හිඳ කළ සටනේ කතා පුවත හැටියට ද මෙය හැඳින්විය හැක.

නිරාමිසාවලෝකනය

සුනාපරන්තය - මෙම ග්‍රන්ථය බුද්ධ කාලය පසුබිම් කොටගත් ඓතිහාසික නවකතාවකි.

පිටමං වීම