Research & Criticism Books

මානසික ආතතිය පාලනයට බෞද්ධ උපදේශනය - මිනිස් ඉතිහාසයේ වෙන කවරදාකටත් වඩා වත්මන් සමාජය සංකීර්ණත්වයට පත් ව ඇතිවා පමණක් නො ව මිනිසා ද අතිශය කාර්‍යබහුලත්වයට පත් ව ඇත. මේ නිසා මානසික අවිවේකය ප්‍රබල සමාජ ගැටලුවක් බවට පත් වී තිබේ. සරල හා සාමකාමී දිවි පැවැත්ම අගයන, ඒ සඳහා මැනවින් මාර්ගෝපදේශනය ලබා දෙන බුදුදහම වැනි ආගමික ඉගැන්වීමකින් ලැබෙන පිටුබලය අතිශය වැදගත් ය. එබැවින් උණපාන පේමනන්ද හිමියන් විසින් රචිත මෙම පර්‍යේෂණ ග්‍රන්ථය වත්මන් පුද්ගල හා සමාජ ජීවිතයට මග පෙන්වීමක් මෙන් ම ශක්තිය්ක් ලබා දෙන ග්‍රන්ථයක් ලෙස හැඳින්විය හැකිය. 

මානසික ගැටළු සහ සමාජ ගැටළු - මෙම කෘතියෙන් ප්‍රධාන වශයෙන් බලාපොරොත්තු වන්නේ පුද්ග්ලයන්ගේ මනසෙහි ස්වභාවය පිළිබඳ පර්‍යේෂණ කිරීමයි. එමෙන් ම ඒ හේතුවෙන් ඇතිවන මානසික සහ සමාජ ගැටලු පිළිබඳව විමර්ෂණයට භාජනය කිරීමය.

බණ්ඩාර දෙවිවරු - ලක්දිව පුරා විසිරී සිටින බණ්ඩාර දෙවිවරුන් පිළිබඳ මුල්වරට සමස්ත එකතුවක් දක්නට ලැබෙන මෙම කෘතිය ඒ පිළිබඳ වැඩිදුරටත් පර්‍යේෂණ කරන විද්‍යාර්ථියන්ට කදිම මග පෙන්වීමක් ලබාදෙන කෘතියක් ලෙස හැඳින්විය හැකිය.

ශ්‍රී වික්‍රම රාජසිංහ නොහොත් අළුත් දෙවියෝ

ශාන්තිකර්ම සාහිත්‍යයේ බෞද්ධාගමික මුහුණුවර - දශක තුනකට ආසන්න කාලයක් ප්‍රාසංගික වේදිකාවේ ස්වකීය දක්ෂතා ප්‍රයෝගිකව එළිදක්වා තමා සේවිත කලා ප්‍රකාරය ඇතැඹුලක් සේ ප්‍රගුණ කර ඇති බව සකලවිධ ප්‍රේක්ෂකයින් හමුවේ සපථ කළ සෞන්දර්‍ය කලා විශ්වවිද්‍යාලයේ ජ්‍යේෂ්ඨ කථිකාචාර්‍ය ආචාර්‍ය නිෂාදී රත්නාවලී ස්වකීය අත්දැක්කිම් පරිකල්පනය හා පොත පත පරිශීලනය කිරීමෙන් ලත් දැනුම මෙම ග්‍රන්ථයෙන් ඉදිරිපත් කර ඇත.

සිංහල ගම්වල පිළිවෙත්, විශ්වාස හා චාරිත්‍ර

අද්වෛත වේදාන්ත දර්ශනය

නවකතා විවරණය - ලෝක සාහිත්‍යයෙහි දියුණු වූ නව්‍ය අංගයක් බවට පත් නවකතාව පිළිබඳ පුළුල් අවබෝධයක් ඇතිව සරත්චන්ද්‍ර වික්‍රමසූරිය මහතුන් විසින් සපයන ලද මෙම ග්‍රන්ථය ඉතා කාලෝචිත වූ සාහිත්‍ය සංග්‍රහයකි. ඉංග්‍රීසි ආදී භාෂාවන්ගෙන් දක්නා සුප්‍රසිද්ධ නවකතාවන්ගේ තතු විචාරපූර්වකව පාඨකයා වෙත ඉදිරිපත් කරන අයුරු මනහරය. විචාරාක්ෂියෙන් සිංහල නවකතාව සමීක්ෂණය කොට මෙම ග්‍රන්ථය සපයා තිබීම සඳහන් කළයුතු විශේෂ ලක්ෂණයකි. දිනෙන් දින සංඛ්‍යාවෙන් වැඩී යන සාහිත්‍ය විචාරකයන්ගේ ප්‍රමෝදය පිණිස මෙම කෘතිය හේතුවනු නොඅනුමානය.

බෞද්ධ ආචාර ධර්ම 

මුල් බුදුසමයෙන් ඉගැන්වෙන පාප සංකල්පය - මෙම ග්‍රන්ථය උසස් අධ්‍යාපනය ලබන්නන්ගේ අධ්‍යාපන කටයුතුවලට මෙන් ම පොදුවේ බොදු ජනතාවට මහෝපකාරී වනු ඇත.

යුග දිවියේ අරුමය - ප්‍රවීණ ලේඛක නෙල්සන් වීරසිංහ මහතා විසින් ලියන ලද "යුග දිවියේ අරුමය" නැමැති නිර්මාණය ද ඔහුගේ අනෙකුත් ග්‍රන්ථ මෙන්ම කාලීන වැදගත්කමක් ඇති ග්‍රන්ථයක් ලෙසට හැදින්විය හැකිය. අත්දැකීම් ද ග්‍රන්ථාගත විද්වද් අදහස්වලින් ද එය පෝෂණය වී ඇත. වත්මනෙහි බහුතර යෞවන යෞවනියෝ හුදු රාග නිශ්‍රිත මනෝභාවයන්ට වහල් වී අතිනත ගනිති. "සතුට ද නෙලාගත් සවිය පරවෙන මලක් බඳුය" යන චීන කියමන් සනාථ වෙන සේ, ඇතැමුන් රාගික මනෝභාවයන් ඉටු කර ගත් විගස යුග දිවිය නිමා කර ගනිති. මෙම අධ්‍යතන ඛේදවාචකයට කදිම විසඳුමක් මෙම ග්‍රන්ථයෙන් ගෙන හැර දැක්වූ කරුණු අනුසාරයෙන් පාඨකයාට ළඟාකර ගත හැකිය. 

සිංහල නාම පදයෙහි ඉතිහාසය - මෙම කෘතිය පරිහරණය කිරීමෙන් නාම ප්‍රකෘති ප්‍රත්‍යය ගැන්වීමේ දී බලපාන ශබ්ද හා වාග්විද්‍යාත්මක කරුණු, අර්ථාන්විත හා ව්‍යාකරණ ලිංගභේදය වැනි විස්තර මෙන් ම ප්‍රමාණවත් තරමින් කාරක විභාග ලක්ෂණ ද පද විභාගය සඳහා අදාළ අර්ථ විචාරාත්මක කරුණු ද ලබා ගත හැකි වෙයි. 

දෘෂ්ටිවාද විචාරය හා බෞද්ධ දර්ශනය - මෙම කෘතියෙහි ඇති විශේෂත්වය නම් එකල භාරතීය දර්ශනවාද අතර බුදුසමයේ ස්වරූපය තුලනාත්මකව පැහැදිලි කිරීමට අමතරව බටහිර චින්තනය හා සම්බන්ධ ග්‍රීක, මධ්‍යතන යුගයේ චින්තා ආදී එම චින්තනයේ සෑම අංශයක් ම පාහෙ බුදුදහම හා තුලනාත්මක විග්‍රහ කොට තිබීම යි.

බුදුරජාණන් වහනසේගේ දේශනා ඇසුරින්  වත්මන් සමාජතත්ත්වය පිළිබඳ විමසුමක් - බුදුදමෙහි යථාර්ථය හා සමාජමය දුර්මත ප්‍රකට කරමින් පොදුජනතාවට බෞද්ධ ප්‍රථිපදාවන් හඳුන්වා දීම සඳහා මෙම කෘතිය සම්පාදනය කර ඇත.

වැව හා සංස්කෘතිය - සාම්ප්‍රදායික වැව් ගම්මාන වැසියන්ගේ වැව හා බැඳුණු ජනශ්‍රැති අත්දැකීම් විමර්ශනයකි.

බෞද්ධ පුණ්‍යානුමෝදනා හා සාමයික විවරණ - අනුමෝදනා සංකල්පය ථෙරවාද, මහායාන සහ තන්ත්‍රයාන ඉගැන්වීම් පදනම් කරගෙන එහි ව්‍යාප්තියේ ස්වභාවයත් බෞද්ධ පුණ්‍යානුමෝදනා සංකල්පය වෙනත් ආගමික සම්ප්‍රදායන් සමඟ තුලනය කිරීමත් මෙහි අන්තර්ගත ය. කතුවරයාගේ මෙම ග්‍රන්ථය ආධුනිකයන්ට මෙන්ම ප්‍රවීණයන්ට ද ඵලදායක සම්ප්‍රදානයක් බව නිසැකය. 

මාටින් වික්‍රමසිංහගේ කෘතිවල සමාජ මානව විද්‍යාත්මක ලක්ෂණ

ප්‍රාග් බෞද්ධ භාරතීය ආගම් දර්ශන සම්ප්‍රදා විචරාත්මක හඳුන්වාදීමක්

උතුරු බුදුදහම - මෙම ග්‍රන්ථය විශ්වවිද්‍යාල බඳු උසස් අධ්‍යාපන ආයතනයන්හි විශේෂයෙන් සිංහල බසින් මෙම විෂය හදාරන විද්‍යාර්ථින්ටත්, අවිශේෂයෙන් සෙසු පාඨකයන්ටත්, මෙම ග්‍රන්ථය මහඟු අත්වැලක් වනු නොඅනුමා ය.

ගුත්තිල කාව්‍ය විචාරය - ගුත්තිල ගීතය

භාෂා ප්‍රභේද - මෙම කෘතියෙහි අන්තර්ගත වන්නේ ජීව භාෂා, මෘත භාෂා, සම්භාව්‍ය භාෂා, පිජින් භාෂා, ක්‍රියෝල භාෂා සහ කෘතීම භාෂා පිළිබඳ විග්‍රහ කිහිපයකි. ඒ ඒ භාෂා ප්‍රභේදය හඳුනා ගැනීම, එම භාෂා ප්‍රභේදයට පාදක වන පරිසරය සාකච්ඡා කිරීම සහ ඒ පිළිබඳ වර්තමාන කතිකාව යන අංශත්‍රයට මෙහි දී අවධානය යොමු කරන ලදී. 

භාෂී සන්නිවේදනය අර්ථවිචාරය හා උපයෝගිතා විචාරය - සේවාර්ජිත මහාචාර්‍ය විමල් ජී. බලගල්ලේ සූරීන්ගේ භාෂී සන්නිවේදනය, අර්ථවිචාරය හා උපයෝගිතාවිචාරය මේ විෂයක්ෂේත්‍ර ද්වයය අළලා සිංහලයෙන් සම්පාදිත ප්‍රථම කෘතිය වේ. එය වාග්විද්‍යාව නම් නූතන ඥානයෙහි මෙන්ම සාම්ප්‍රදායික භාෂාධ්‍යයන ශික්ෂණයෙහි ද සංකලනයෙහි ප්‍රතිඵලයකි.

සිංහල අක්ෂර මාලාව - මෙම අධ්‍යනයෙහි සුවිශේෂතාව වන්නේ 'සිංහල අක්ෂර මාලාව' ගැන මෙතෙක් පළ වී ඇති සියලු මතවාද එනම්, සිදත්සඟරා හෝඩියේ සිට වදන්කවි පොතේ හෝඩිය හරහා වර්තමාන අවධියෙහි මැන්දිස් ගුණසේකර, කුමාරතුංග මුනිදාස, ජාතික අධ්‍යාපාන ආයතනය, ජේ. බී. දිසානයක හා අජිත් තිලකසේන ආදීන් ඉදිරිපත් කරන සියලු අදහස් විධිමත් ව විමසා බැලීම ය. එසේ ම භාෂා නවීකරණය සඳහා අලුතෙන් එකතු කළ යුතු අක්ෂර ගැනත් සාකච්ඡා කොට තිබේ. මෙනයින් බලන විට මෙම විෂය පිළිබඳ අත තෙක් පළ වී ඇති සර්ව සම්පූර්ණ කෘතිය මෙය බව මගේ හැඟීමයි.

සද්ධර්මපුණ්ඩරීක සූත්‍රය - මෙම පර්‍යේෂණය කොටස් දෙකකින් සමන්විතය. පළමුවැනි කොටසේදී මුල් බුදු සමයේ එන බීජයන් තුළින් ම මහායානයේ ප්‍රභවය සිදු වූ ආකාරය පිළිබඳ විවරණයක් දැක්වෙන අතර ද්විතීය ධර්මසංගීතියෙන් පසු බිහි වූ ප්‍රතිසංස්කරණවාද ගැන සාකච්ඡාවක් ද එහි ඇතුළත් වෙයි. චතුර්විධ බෞද්ධ දර්ශන සම්ප්‍රදායයන්ගේ ප්‍රභවය හා විකාසය සම්බන්ධව සංක්ෂිප්ත හැඳින්වීමක් ද මෙහි දී ඉදිරිපත් කරන ලදී. අනතුරුව කෙරෙන විස්තරය සම්පූර්ණයෙන් ම සූත්‍ර අධ්‍යනය සඳහා වෙන් වෙයි. එහි සද්ධර්මපුණ්ඩරීක සූත්‍රය පිළිබඳව කෙටි විවරණයක් හා ඒ තුළින් පිළිබිඹු වන මහායාන ධර්මය ගැන තුලනාත්මක විග්‍රහයක් ඇතුළත්ව ඇත.